കുന്നുമ്മേല്‍ ശാന്തയെ എവിടെ പോയാലും നെഞ്ചോട് ചേര്‍ത്തിട്ടുണ്ട് പ്രേക്ഷകര്‍, നരനിലെ റോളിനെ കുറിച്ച് സോന നായര്‍

നടിയുടെ കരിയറില്‍ ഏറെ ശ്രദ്ധിക്കപ്പെട്ട കഥാപാത്രം കൂടിയായിരുന്നു സിനിമയിലേത്. അതേസമയം അമൃത ടിവിയിലെ പറയാം നേടാം പരിപാടിയില്‍ ഇഷ്ട ചിത്രം ഏതാണന്ന എംജി ശ്രീകുമാറിന്‌റെ ചോദ്യത്തിന് നരന്‍ തന്നെയാണ് എന്നാണ് സോനാ നായര്‍ പറഞ്ഞത് പറഞ്ഞത്. നരന്‍ ആണ്. ഇപ്പോഴും എനിക്ക് കൈയ്യടി കിട്ടാറുളള ചിത്രമാണ് അതെന്ന് നടി പറയുന്നു.

എവിടെ പോയാലും കുന്നുമ്മേല്‍ ശാന്തയെ നെഞ്ചോട ചേര്‍ത്തിട്ടുണ്ട് പ്രേക്ഷകര്‍. ഇന്നലെയും കൂടെ കുറച്ചാള്‍ക്കാര് നരനെ കുറിച്ച് പറഞ്ഞതാണ്. നരന്‍ എന്തുക്കൊണ്ടും എന്റെ ജീവിതത്തിലെ, പ്രൊഫഷണല്‍ കരിയറിലെ ഒരു നാഴിക കല്ലാണ്. അപ്പോ ആ സിനിമയും അതിലെ കഥാപാത്രവുമാണ് ഇന്നും മനസില്‍ തങ്ങിനില്‍ക്കുന്നത്.

പ്രത്യേകിച്ച് ജോഷി സാറിനെ പോലൊരു പ്രഗല്‍ഭനായ ഡയറക്ടറ്. പ്ലസ് ലാലേട്ടന്‍ നമ്മുടെ എല്ലാവരുടെയും മുത്ത്. അദ്ദേഹത്തിന്‌റെ കൂടെയൊക്കെ വര്‍ക്ക് ചെയ്യാനും ഒരു സ്‌ക്രീന്‍ സ്‌പേസ് ഷെയര്‍ ചെയ്യാനുമൊക്കെ പറ്റുന്നത് എന്റെ മഹാഭാഗ്യം. ഒരുപാട് പടങ്ങള്‍ അതിന് മുന്നേ ചെയ്തിട്ടുണ്ട്. ലാലേട്ടനുമായിട്ട് ഒരു അഞ്ചാറ് സിനിമകളെ ചെയ്തുളളൂ.

Recommended Video

മമ്മൂക്കയെ ഭയങ്കര ഇഷ്ടമാണ്, മലയാളത്തിലെ ഏറ്റവും സുന്ദരനായ നടനെ കുറിച്ച് സോന | Filmibeat Malayalam

മമ്മൂക്കയുമായി കുറച്ചധികം ചെയ്തിട്ടുണ്ട്.
പിന്നെ സുരേഷേട്ടന്‍, ജയറാമേട്ടന്‍ അങ്ങനെ എല്ലാ പഴയ ആര്‍ട്ടിസ്റ്റുകളുടെയും ഒപ്പം വര്‍ക്ക് ചെയ്തിട്ടുണ്ട്. കൂടാതെ പുതിയ ആള്‍ക്കാരൊപ്പവും., സോനാ നായര്‍ പറഞ്ഞു. അതേസമയം 30 വര്‍ഷമായിട്ട് അഭിനയ രംഗത്ത് സജീവമായിട്ട് നില്‍ക്കുന്ന വ്യക്തിയാണ് സോന നായര്‍. ഇപ്പോള്‍ സീരിയല്‍ രംഗത്താണ് നടി അഭിനയിച്ചുകൊണ്ടിരിക്കുന്നത്. മലയാളത്തിന് പുറമെ തമിഴിലും അഭിനയിച്ചിരുന്നു താരം. കൂടാതെ പുതിയ വിശേഷങ്ങള്‍ പങ്കുവെച്ച് സോഷ്യല്‍ മീഡിയയിലും ആക്ടീവാകാറുണ്ട് സോന നായര്‍. സോന നായരുടെതായി വരാറുളള പോസ്റ്റുകളെല്ലാം സമുഹ മാധ്യമങ്ങളില്‍ വൈറലാകാറുണ്ട്. ക്യാരക്ടര്‍ റോളുകളിലൂടെയാണ് നടി മലയാള സിനിമയില്‍ തിളങ്ങിയത്.