ഹോം

വാർത്ത

കേരളത്തില്‍ 2015 ലെ മികച്ച നടിയുടെ പേര് പ്രഖ്യാപിച്ചപ്പോള്‍ നടി സ്ഥലത്തില്ല. പാര്‍വ്വതി തന്റെ ഇഷ്ട വിനോദമായ യാത്രയിലാണ്. ആഗ്രയിലാണ് ഇപ്പോള്‍ താരം. പുരസ്‌കാരം കിട്ടിയ സന്തോഷം പാര്‍വ്വതി അവിടെ നിന്നും പങ്കുവയ്ക്കുന്നു.

സംസ്ഥാന പുരസ്‌കാരം: മികച്ച നടന്‍ ദുല്‍ഖര്‍, നടി പാര്‍വ്വതി, ചിത്രം ഒഴിവു ദിവസത്തെ കളി

എന്റെ പേര് പറഞ്ഞു കേള്‍ക്കുന്നുണ്ടായിരുന്നെങ്കിലും അവസാന നിമഷം വരെ പ്രതീക്ഷ ഉണ്ടായിരുന്നില്ല എന്നാണ് പാര്‍വ്വതി പറയുന്നത്. ഇപ്പോള്‍ അവരഡ് കിട്ടി എന്നറിഞ്ഞപ്പോള്‍ വലിയ സന്തോഷം. ഈ സന്തോഷം പങ്കുവയ്ക്കാന്‍ അരികില്‍ അച്ഛനും അമ്മയും ഇല്ലാത്ത വിഷമുണ്ടത്രെ നടിയ്ക്ക്. ഈ അവസരത്തില്‍ എനിക്കേറ്റവും കൂടുതല്‍ സന്തോഷം ലഭിയ്ക്കുന്നത് അവരുടെ കൂടെ ഇരിക്കുമ്പോഴാണെന്ന് പാര്‍വ്വതി പറയുന്നു.

യാത്രയുടെ ഇടയിലായതിനാല്‍ അവാര്‍ഡ് പ്രഖ്യാപനത്തിന്റെ ആ സന്തോഷത്തില്‍ നിന്നും വിട്ടു നില്‍ക്കുന്നതില്‍ വിഷമമുണ്ടെന്നും നടി പറഞ്ഞു. എന്ന് നിന്റെ മൊയ്തീന്‍ നല്ലൊരു അനുഭവമായിരുന്നു. ഈ ചിത്രത്തിന്റെ ഭാഗമായ എല്ലാവരോടും ഈ അവസരത്തില്‍ നന്ദി പറയുന്നു. എല്ലാവരുടെയും പിന്തുണ കൊണ്ട് മാത്രമാണ് എനിക്ക് എന്റെ വേഷം നന്നായി ചെയ്യാന്‍ സാധിച്ചത്- പാര്‍വ്വതി പറഞ്ഞു