ഫഹദിന്‍റെ നായികയാവാന്‍ പാര്‍വതിയില്ല! മഹേഷ് നാരായണന്‍ ചിത്രത്തില്‍ നിന്നും പിന്‍മാറി! കാരണം ഇതോ?

നായികയായി അരങ്ങേറിയതിന് പിന്നാലെ മികച്ച അവസരങ്ങളായിരുന്നു പാര്‍വതിയെ തേടിയെത്തിയത്. സംസ്ഥാന അവാര്‍ഡും ദേശീയ പുരസ്‌കാരവുമൊക്കെ ഇതിനകം തന്നെ താരത്തെ തേടിയെത്തിയിരുന്നു. ചാര്‍ലിയിലേയും ടേക്ക് ഓഫിലേയും പ്രകടനങ്ങളായിരുന്നു താരത്തെ ഈ നേട്ടത്തിലേക്ക് എത്തിച്ചത്. കഥാപാത്രങ്ങള്‍ക്ക് ജീവന്‍ നല്‍കുന്ന കാര്യത്തില്‍ പ്രത്യേക വൈഭവമാണ് ഈ താരത്തിനുള്ളത്. സിനിമയില്‍ നിന്നും ബ്രേക്കെടുക്കാനുള്ള തീരുമാനത്തിലാണ് താരമെന്നുള്ള വിവരങ്ങളാണ് ഇപ്പോള്‍ പുറത്തുവന്നിട്ടുള്ളത്.

താരങ്ങളില്‍ പലരും ഇത്തരത്തില്‍ ഇടയ്ക്ക് സിനിമയില്‍ നിന്നും മാറി നില്‍ക്കാറുണ്ട്. നേരത്തെയും പാര്‍വതി സിനിമയില്‍ നിന്നും ഇടവേളയെടുത്തിരുന്നു. സോഷ്യല്‍ മീഡിയയിലൂടെ ബ്രേക്കിനെക്കുറിച്ച് വ്യക്തമാക്കിയിരുന്നു. വ്യക്തിപരമായ കാരണത്താലാണ് ഇപ്പോഴത്തെ ഇടവേളയെന്നുള്ള വിവരങ്ങളാണ് പുറത്തുവന്നിട്ടുള്ളത്. പുതിയ അവസരങ്ങളൊന്നും താരം സ്വീകരിക്കുന്നില്ലെന്ന റിപ്പോര്‍ട്ടുകളും പുറത്തുവന്നിട്ടുണ്ട്.

യുവതാരനിരയിലെ അഭിനേതാക്കളില്‍ മികച്ച താരജോഡികളായാണ് ഫഹദ് ഫാസിലിനേയും പാര്‍വതിയേയും വിശേഷിപ്പിക്കാറുള്ളത്. ഇവര്‍ക്കിടയിലെ കെമിസ്ട്രിക്ക് മികച്ച സ്വീകാര്യതയാണ് ലഭിക്കാറുള്ളത്. ടേക്ക് ഓഫിലെ പ്രകടനത്തിന് മികച്ച കൈയ്യടിയായിരുന്നു ലഭിച്ചത്. ഈ സിനിമയ്ക്ക് ശേഷം മഹേഷ് നാരായണന്‍ സംവിധാനം ചെയ്യുന്ന ചിത്രത്തില്‍ ഫഹദും പാര്‍വതിയുമാണ് മുഖ്യവേഷത്തില്‍ എത്തുന്നതെന്നുള്ള വിവരങ്ങളായിരുന്നു പുറത്തുവന്നത്.

ആഗസ്റ്റ് അവസാനത്തോടെ ചിത്രത്തിന്റെ ഷൂട്ടിംഗ് തുടരുമെന്നുള്ള വിവരങ്ങളും പുറത്തുവന്നിരുന്നു. സിനിമയുടെ ചിത്രീകരണം ആരംഭിക്കാന്‍ ഇനിയും വൈകുമെന്നുള്ള സൂചനയാണ് ഇപ്പോള്‍ ലഭിക്കുന്നത്. ചിത്രത്തില്‍ നിന്നും പാര്‍വതി പിന്‍മാറിയെന്നും ഇടവേളയെടുക്കുന്നതിന്റെ ഭാഗമായാണ് പിന്‍മാറ്റമെന്നുമുള്ള വിവരങ്ങളുമാണ് പുറത്തുവന്നിട്ടുള്ളത്.

യുവതാരനിരയിലെ അഭിനേതാക്കളില്‍ മികച്ച താരജോഡികളായാണ് ഫഹദ് ഫാസിലിനേയും പാര്‍വതിയേയും വിശേഷിപ്പിക്കാറുള്ളത്. ഇവര്‍ക്കിടയിലെ കെമിസ്ട്രിക്ക് മികച്ച സ്വീകാര്യതയാണ് ലഭിക്കാറുള്ളത്. ടേക്ക് ഓഫിലെ പ്രകടനത്തിന് മികച്ച കൈയ്യടിയായിരുന്നു ലഭിച്ചത്. ഈ സിനിമയ്ക്ക് ശേഷം മഹേഷ് നാരായണന്‍ സംവിധാനം ചെയ്യുന്ന ചിത്രത്തില്‍ ഫഹദും പാര്‍വതിയുമാണ് മുഖ്യവേഷത്തില്‍ എത്തുന്നതെന്നുള്ള വിവരങ്ങളായിരുന്നു പുറത്തുവന്നത്.

ആഗസ്റ്റ് അവസാനത്തോടെ ചിത്രത്തിന്റെ ഷൂട്ടിംഗ് തുടരുമെന്നുള്ള വിവരങ്ങളും പുറത്തുവന്നിരുന്നു. സിനിമയുടെ ചിത്രീകരണം ആരംഭിക്കാന്‍ ഇനിയും വൈകുമെന്നുള്ള സൂചനയാണ് ഇപ്പോള്‍ ലഭിക്കുന്നത്. ചിത്രത്തില്‍ നിന്നും പാര്‍വതി പിന്‍മാറിയെന്നും ഇടവേളയെടുക്കുന്നതിന്റെ ഭാഗമായാണ് പിന്‍മാറ്റമെന്നുമുള്ള വിവരങ്ങളുമാണ് പുറത്തുവന്നിട്ടുള്ളത്.

അഭിനേതാക്കളായി അരങ്ങേറിയ പല താരങ്ങളും സംവിധായകരും സംവിധായകയുമൊക്കെയായി അരങ്ങേറിക്കൊണ്ടിരിക്കുകയാണ് ഇപ്പോള്‍. ഭാവിയില്‍ താനും സംവിധായികയായി എത്തിയേക്കുമെന്ന് പാര്‍വതി വ്യക്തമാക്കിയിരുന്നു. വര്‍ഷത്തില്‍ ഒന്നോ രണ്ടോ സിനിമകളുമായെത്തുന്ന പാര്‍വതി സംവിധാനത്തോടും താല്‍പര്യമുണ്ടെന്ന് വ്യക്തമാക്കിയതോടെ ആരാധകരും പ്രതീക്ഷയിലാണ്. റിമ കല്ലിങ്കലുമായി താന്‍ ഇക്കാര്യത്തെക്കുറിച്ച് സംസാരിച്ചിരുന്നുവെന്നും പാര്‍വതി പറഞ്ഞിരുന്നു.

അടുത്ത സുഹൃത്തായ ആസിഫ് അലിയെ നായകനാക്കണമെന്നാണ് തന്റെ ആഗ്രഹമെന്നും പാര്‍വതി അന്ന് പറഞ്ഞിരുന്നു. ദര്‍ശന രജേന്ദ്രനും നിമിഷ സജയനുമായിരിക്കും നായികമാരായി എത്തുന്നതെന്നും താരം പറഞ്ഞിരുന്നു. സ്വന്തം സിനിമയുടെ കാര്യത്തിന് വേണ്ടിയാണോ ഇപ്പോഴത്തെ ഇടവേളയെന്ന തരത്തിലുള്ള ചര്‍ച്ചകളും ഇതിനിടയില്‍ ഉയര്‍ന്നുവന്നിട്ടുണ്ട്. ഇടവേളയെക്കുറിച്ചുള്ള താരത്തിന്റെ പ്രതികരണത്തിനായി കാത്തിരിക്കുകയാണ് ആരാധകര്‍