നടി പാർവതി എവിടെ, അന്ന് പറഞ്ഞത് സംഭവിച്ചോ? നടിയെ തിരഞ്ഞ് സോഷ്യൽ മീഡിയ

സോഷ്യൽ മീഡിയയിൽ നിന്ന് ബ്രേക്ക്

കഴിഞ്ഞ ഓഗസ്റ്റ് മാസത്തിന്റെ തുടക്കത്തില്‍ നിന്നു തന്നെ സോഷ്യൽ മീഡിയയിൽ നിന്ന് ബ്രേക്ക് എടുക്കുന്നതിനെ കുറിച്ച് പാർവതി സൂചിപ്പിച്ചിരുന്നു. ഇൻസ്റ്റഗ്രാമിലൂടെയാണ് അത് പ്രേക്ഷകരുമായി പങ്കുവെച്ചത്. ടെക്ക് ബ്രേക്ക് എന്നാണ് പാർവതി അന്ന് പറഞ്ഞിരുന്നത്. എന്നാൽ അതിനു ശേഷവും താരം സോഷ്യൽ മീഡിയയിൽ സജീവമായിരുന്നു.

ഉടൻ മടങ്ങിയെത്തും

ഈ നിരന്തരം സ്നേഹത്തിനു പിന്തുണയ്ക്കും നന്ദിയുണ്ടെന്നും ഡിഎം വഴി സന്ദേശമയക്കുന്നവരുടെ സപ്പോർട്ട് എത്ര വിലപ്പെട്ടതാണെന്ന് തനിയ്ക്ക് പറഞ്ഞറിയ്ക്കാൻ സാധിക്കില്ല. വളരെ അത്യാവശ്യം എന്ന് കരുതുന്ന ഒരു ടെക്ക് ബ്രേക്ക് എടുക്കാൻ പോകുകയാണ്. സ്നേഹം പങ്കുവെയ്ക്കാൻ മടങ്ങാതെ തിരിച്ചെത്തുമെന്നും പാർവതി പറഞ്ഞിരുന്നു.

പ്രളയത്തിൽ സോഷ്യൽ മീഡിയയിൽ സജീവം

എന്നാൽ താരം സോഷ്യൽ മീഡിയയിൽ നിന്ന് ബ്രേക്ക് എടുക്കാൻ തീരുമാനിച്ച സമയത്തായിരുന്നു കേരളത്തെ ഒന്നടങ്കം വിഴുങ്ങി കൊണ്ട് പ്രളയം എത്തിയത്. ജനങ്ങൾക്ക് കൈതാങ്ങായി പാർവതി കൂടെ തന്നെയുണ്ടായിരുന്നു. സോഷ്യൽ മീഡിയയിലൂടെ ദുരിതാശ്വാസം പ്രവർത്തനങ്ങളൾക്ക് സജീവമാകുകയായിരുന്നു. എന്നാൽ ഇപ്പോൾ കേരളം പ്രളയത്തിൽ നിന്ന് കരകയറി കൊണ്ടിരിക്കുകയാണ്. കാര്യങ്ങൾ സാധാരണ സ്ഥിതിയിലേയ്ക്ക് നീങ്ങുകയാണ്. ഈ അവസരത്തിലാണ് താരത്തിനെ സോഷ്യൽ മീഡിയയിൽ നിന്ന് കാണാതായിരിക്കുന്നത്

അക്കൗണ്ടുകൾ കാണാതായി

പാർവതിയുടെ സോഷ്യൽ മീഡിയ അക്കൗണ്ടുകൾ അപ്രത്യക്ഷമായിരിക്കുകയാണ്. ഇൻസ്റ്റഗ്രാം, ട്വിറ്റർ, ഫേസ്ബുക്ക്, എന്നിങ്ങനെ സോഷ്യൽ മീഡിയ പ്ലാറ്റ്ഫോമിലൊന്നു നടിയുടെ ഔദ്യോഗിക പ്രൊഫൈലുകളില്ല. അക്കൗണ്ടുകൾ ഡിലീറ്റ് ചെയ്തതാണോ വേറെ എന്തെങ്കിലും കാരണമാണോ എന്നുമുള്ള കൃത്യമായ വിവരം ലഭിച്ചിട്ടില്ല.