പ്രവാസികളുടെ യഥാര്‍ത്ഥ സ്വപ്‌നം പത്തേമാരിയിലൂടെ മമ്മൂട്ടി പറയുന്നത് ഇങ്ങനെ

ദുബായി എന്ന സ്വപ്‌നവുമായി എത്തുന്ന ഏതൊരു മലയാളിയും, അവന്റെ കണക്കില്‍ കവിഞ്ഞ ആഗ്രഹത്തെ മറിക്കടക്കാനാകില്ല. ഒരു കുടുംബത്തിന്റെ നിത്യജീവിത മാര്‍ഗം അത്രമാത്രമായിരിക്കും. മമ്മൂട്ടി അവതരിപ്പിക്കുന്ന നാട്ടിന്‍ പുറത്തുക്കാരനായ പള്ളിക്കല്‍ നാരയണന്റെ ജീവിതവും അങ്ങനെ തന്നെ. അതാണ് പത്തേമാരി.

ഉട്ടോപ്യയിലെ രാജാവ് എന്ന ചിത്രത്തിന് ശേഷം ടെലിവിഷന്‍ അവതാരിക ജൂവല്‍ വീണ്ടും മമ്മൂട്ടിയുടെ നായികയായി എത്തുന്ന ചിത്രമാണ് പത്തേമാരി. ചിത്രത്തില്‍ മമ്മൂട്ടി അവതരിപ്പിക്കുന്ന പള്ളിക്കല്‍ നാരയണന്‍ എന്ന കഥാപാത്രത്തിന്റെ ഭാര്യയായണ് ജൂവല്‍ മേരി എത്തുന്നത്.

ഓണത്തിന് മമ്മൂട്ടിയുടേതായി പുറത്തിറങ്ങിയ ചിത്രമായിരുന്നു ഉട്ടോപ്യയിലെ രാജാവ്. കമല്‍ സംവിധാനം ചെയ്ത ചിത്രം ഒരു കോമഡി ത്രില്ലറായിരുന്നു. ചിത്രം അത്ര കാര്യമായ വിജയം നേടിയിരുന്നില്ല. ഉട്ടോപ്യയിലെ രാജാവിന് ശേഷം പുറത്തിറങ്ങുന്ന പത്തേമാരി പ്രേക്ഷകര്‍ ഏറെ പ്രതീക്ഷയോടെയാണ് കാത്തിരിക്കുന്നത്.

മമ്മൂട്ടിയ്‌ക്കൊപ്പം ശ്രീനിവാസനും ചിത്രത്തില്‍ പ്രധാന വേഷം അവതരിപ്പിക്കുന്നുണ്ട്. കൂടാതെ ജോയ് മാത്യൂ സലിം കുമാറും ചിത്രത്തില്‍ മറ്റ് കഥാപാത്രങ്ങളെ അവതരിപ്പിക്കുന്നുണ്ട്.

ബിജിപാലാണ് ചിത്രത്തിന്റെ സംഗീതം നിര്‍വ്വഹിച്ചിരിക്കുന്നത്.

കുഞ്ഞനന്തന്റെ കട എന്ന ചിത്രത്തിന് ശേഷം സലിം അഹമ്മദും മമ്മൂട്ടിയും വീണ്ടും ഒന്നിക്കുന്ന ചിത്രമാണ് പത്തേമാരി. ചിത്രത്തിന്റെ ട്രെയിലര്‍ കാണുക.