നടിയെ ആക്രമിച്ച കേസില്‍ ദിലീപിന് മാത്രമല്ല മുകേഷിനും പങ്കുണ്ടോ? ലക്ഷ്യം ഇതായിരുന്നു!!!

ദിലീപിനെ കുടുക്കിയതാണ്

നടിയെ ആക്രമിച്ച കേസില്‍ ദിലീപിനെ കുടുക്കിയതാണെന്നാണ് പി സി ജോര്‍ജ് പറയുന്നത്. പിന്നീല്‍ ഒരു രാഷ്ട്രീയ നേതാവും അദ്ദേഹത്തിന്റെ മകനുമാണെന്നാണ് എം എല്‍ എ യുടെ ആരോപണം.

മുകേഷിന്റെ പങ്ക് അന്വേഷിക്കണം

സംഭവത്തില്‍ നടന്‍ മുകേഷിന്റെ പങ്ക് അന്വേഷിക്കണമെന്നാണ് പി സി യുടെ മറ്റൊരു ആവശ്യം. സംഭവത്തില്‍ മുകേഷിന് പങ്കുള്ളതായി താന്‍ സംശയിക്കുന്നുണ്ടെന്നാണ് പി സി ജോര്‍ജ് പറയുന്നത്.

ഗൂഢാലോചന നടന്നിട്ടുണ്ട്

മുമ്പ് ദിലീപ് തനിക്കെതിരെ ഗൂഢാലോചന നടന്നിട്ടുണ്ടെന്ന് പറഞ്ഞിരുന്നു. ശേഷം പി സി ജോര്‍ജ് പറയുന്നത് വിഷയത്തില്‍ രാഷ്ട്രീയ നേതാവും മകനും ഒരു എഡിജിപിയും ദിലീപിനെതിരെ ഗൂഢാലോചനയില്‍ പങ്കാളികളായിട്ടുണ്ടെന്നാണ്.

ഹോട്ട് സീറ്റ്

മംഗളം ചാനലിന്റെ ഹോട്ട് സീറ്റ് എന്ന പരിപാടിയിലാണ് ഗുരുതര ആരോപണങ്ങള്‍ ഉന്നയിച്ചു കൊണ്ട് പി സി ജോര്‍ജ് എം എല്‍ എ രംഗത്തെത്തിയത്.

ലക്ഷ്യം ഇത് മാത്രം

തന്റെ മകന് സിനിമയില്‍ താരമാവാന്‍ വേണ്ടി നടത്തിയ ആസൂത്രിത നീക്കമായിരുന്നു ഇത്. ആ രാഷ്ട്രീയ നേതാവിന്റെ ലക്ഷ്യം മകനെ സിനിമയിലെത്തിക്കുക എന്നത് മാത്രമാണെന്നും പി സി ജോര്‍ജ് പറയുന്നു.

മകന് അവസരം കിട്ടാത്തതിന് കാരണം ദിലീപ്

തന്റെ മകന്‍ പല സിനിമകളില്‍ മുഖം കാണിച്ചെങ്കിലും നല്ല സിനിമകള്‍ ചെയ്യാന്‍ മകന് അവസരം കിട്ടാത്തത് ദിലീപ് കാരണമായിരുന്നെന്നാണ് പറയുന്നത്. മകനെ വലിയ നടനായി കാണാന്‍ ആഗ്രഹിക്കുന്ന രാഷ്ട്രീയ നേതാവ് ആ വൈരാഗ്യത്തില്‍ ദിലീപിനെ കുടുക്കുകയായിരുന്നു.

മഞ്ജു വാര്യരെ കുറിച്ചും

മഞ്ജു വാര്യരെ കുറിച്ചും പിസി ആരോപണം ഉന്നയിച്ചിരിക്കുകയാണ്. ദിലീപിന്റെ മുന്‍ ഭാര്യയായിരുന്ന മഞ്ജു വാര്യരെ ചുമന്ന് കൊണ്ട് നടക്കുന്ന ഒരു എഡിജിപി ഉണ്ടെന്നാണ് പിസി പറയുന്നത്.