മമ്മൂട്ടിയുടെ ഊഴമാണ് ഇനി! പേരന്‍പിന് പിന്നാലെ യാത്രയുമെത്തുന്നു! പ്രണവിന് മാറി നില്‍ക്കാം ഇനി! കാണൂ!

മമ്മൂട്ടിയുടെ സിനിമകളെത്തുന്നു

നാളുകള്‍ നീണ്ട കാത്തിരിപ്പിനൊടുവില്‍ സിനിമാലോകവും പ്രേക്ഷകരും ഒരുപോലെ കാത്തിരുന്ന സിനിമകളായ പേരന്‍പും യാത്രയും തിയേറ്ററുകളിലേക്കെത്തുകയാണ്. പ്രഖ്യാപനം മുതലേ തന്നെ വാര്‍ത്തകളില്‍ നിറഞ്ഞുനിന്ന സിനിമകളായിരുന്നു രണ്ടും. വര്‍ഷങ്ങള്‍ നീണ്ട ഇടവേളയ്ക്ക് ശേഷമാണ് അദ്ദേഹം തമിഴിലേക്കും തെലുങ്കിലേക്കും എത്തുന്നത്. പോസ്റ്ററുകളിലൂടെയും ടീസറുകളിലൂടെയുമൊക്കെയായി പ്രേക്ഷക പ്രതീക്, വാനോളമുയര്‍ത്തിയ സിനിമകളാണിത്. റിലീസിന് മുന്‍പ് തന്നെ മികച്ച സ്വീകാര്യത ഉറപ്പാക്കിയിട്ടുണ്ട്. റിലീസിന് മുന്നോടിയായി പ്രത്യേക ഫാന്‍സ് ഷോകള്‍ സംഘടിപ്പിച്ചിട്ടുണ്ട്.

പേരന്‍പ് തിയേറ്ററുകളിലേക്ക്

ഫെബ്രുവരി ഒന്ന് വെള്ളിയാഴ്ചയാണ് പേരന്‍പ് തിയേറ്ററുകളിലേക്കെത്തുന്നത്. ഗോവന്‍ ചലച്ചിത്രമേളയുള്‍പ്പടെ നിരവധി മേളകളിലാണ് സിനിമ പ്രദര്‍ശിപ്പിച്ചത്. സാധനയും അഞ്ജലി അമീറും സുരാജ് വെഞ്ഞാറമൂടുമുള്‍പ്പടെ നിരവധി പേരാണ് ചിത്രത്തിനായി അണിനിരന്നിട്ടുള്ളത്. മമ്മൂട്ടിയുടെ കടുത്ത ഫാനാണ് താനെന്നും എന്നെങ്കിലും അദ്ദേഹത്തെ വെച്ച് സിനിമയൊരുക്കണമെന്ന് ആഗ്രഹിച്ചിരുന്നതായും റാം പറഞ്ഞിരുന്നു. അടുത്ത സുഹൃത്തായ പത്മപ്രിയയിലൂടെയായിരുന്നു മമ്മൂട്ടിയിലേക്കെത്തിയത്. എത്ര വേണമെങ്കിലും കാത്തിരിക്കാമെന്നും തുടക്കത്തിലേ അറിയിച്ചിരുന്നു.

സിനിമാലോകം കൈയ്യടിച്ചു

സിനിമാലോകം ഒന്നടങ്കം പേരന്‍പിന് കൈയ്യടിയുമായി രംഗത്തെത്തിയിരുന്നു. റിലീസിന് മുന്നോടിയായി നടത്തിയ പ്രീമിയര്‍ കണ്ട താരങ്ങളും സംവിധായകരുമൊക്കെ ചിത്രത്തെ പുകഴ്ത്തി രംഗത്തെത്തിയിരുന്നു. തനിയാവര്‍ത്തനത്തിന് ശേഷം മമ്മൂട്ടി കരയിപ്പിച്ചുവെന്നായിരുന്നു ചിലര്‍ പറഞ്ഞത്. മറ്റ് ചിലരാവട്ടെ മമ്മൂട്ടി കരയുമ്പോള്‍ നമ്മളും ആ കൂടെ കരഞ്ഞുപോവുമെന്നായിരുന്നു പറഞ്ഞത്. മലയാളികള്‍ മാത്രമല്ല ഇന്ത്യന്‍ സിനിമ ഒന്നടങ്കം ഈ സിനിമയ്ക്കായി കാത്തിരിക്കുകയായിരുന്നു.

പിന്നാലെ യാത്രയും

ഫെബ്രുവരി ഒന്നിന് യാത്രയെത്തി കൃത്യം 7 ദിനം കഴിയുന്നതിനിടയില്‍ത്തന്നെ തെലുങ്ക് ചിത്രമായ യാത്രയുമെത്തും. ആന്ധ്രപ്രദേശിന്റെ എക്കാലത്തെയും മികച്ച മുഖ്യമന്ത്രിമാരിലൊരാളായ വൈഎസ് രാജശേഖര റെഡ്ഡിയുടെ പദയാത്രയുമായി ബന്ധപ്പെടുത്തിയൊരുക്കിയ സിനിമയുടെ സംവിധായകന്‍ മഹി വി രാഘവാണ്. മമ്മൂട്ടിയുടെ വേഷപ്പകര്‍ച്ചയ്ക്ക് കൈയ്യടിച്ച് ആരാധകരും രംഗത്തെത്തിയിരുന്നു. തെലുങ്ക് ഡബ്ബിംഗും മമ്മൂട്ടി തന്നെയായിരുന്നുവെന്നുള്ളതാണ് മറ്റൊരു പ്രത്യേകത.

മമ്മൂട്ടിക്കായി കാത്തിരുന്നവര്‍

മമ്മൂട്ടിക്കല്ലാതെ മറ്റൊരാള്‍ക്കും ഈ കഥാപാത്രങ്ങളെ ഏറ്റെടുക്കാനാവില്ലെന്നും അദ്ദേഹം ചെയ്താലേ പൂര്‍ണ്ണത വരുള്ളൂവെന്നുമായിരുന്നു സംവിധായകര്‍ പറഞ്ഞത്. തന്റെ തിരക്കിനെക്കുറിച്ച് സൂചിപ്പിച്ച് മെഗാസ്റ്റാര്‍ മറ്റാരെയെങ്കിലും വെച്ച് ചെയ്‌തോളാന്‍ തുടക്കത്തില്‍ നിര്‍ദേശിച്ചിരുന്നുവെങ്കിലും എത്ര വേണമെങ്കിലും കാത്തിരിക്കാമെന്ന സംവിധായകരുടെ ഉറപ്പിന് പിന്തുണ പ്രഖ്യാപിക്കുകയായിരുന്നു.