വ്യത്യസ്തമായ മറുപടിയുമായി പൂര്‍ണിമ! മക്കളുടെ ഇഷ്ടത്തിനുള്ള വസ്ത്രം ധരിക്കാന്‍ അനുവദിക്കാറുണ്ടോ?

മക്കളെ ഇഷ്ടമുള്ള വസ്ത്രം ധരിക്കാന്‍ അനുവദിക്കുന്ന കൂള്‍ മമ്മിയാണോ നിങ്ങളെന്നായിരുന്നു ചോദ്യം. അവരുടെ ചിന്താഗതിയെക്കുറിച്ചാണ് ശ്രദ്ധിക്കുന്നത്, വസ്ത്രങ്ങളെക്കുറിച്ചല്ല. നിങ്ങളുടെ അന്തസ്സും മൂല്യങ്ങളും ചിന്തയിലാണ് ഉണ്ടാവേണ്ടത്. നിങ്ങള്‍ നിങ്ങളെക്കുറിച്ചും മറ്റുള്ളവരെക്കുറിച്ചും ചിന്തിക്കുന്നത് അങ്ങനെത്തന്നെയാവണമെന്നായിരുന്നു പൂര്‍ണിമയുടെ മറുപടി.

മക്കള്‍ പരീക്ഷത്തിരക്കിലാണെന്നും നക്ഷത്ര ഫ്രഞ്ച് പഠിക്കുന്നുണ്ടെന്നും പൂര്‍ണിമ പറഞ്ഞിരുന്നു. പ്രാണയിലെ തിരക്കും സിനിമയിലേക്കുള്ള വരവിനിടയിലും കുടുംബത്തെ ഒപ്പം ചേര്‍ത്തുനിര്‍ത്തിയാണ് പൂര്‍ണിമ മുന്നേറുന്നത്. കുടുംബാംഗങ്ങളെക്കുറിച്ച് വാചാലയായും താരമെത്താറുണ്ട്. മൂത്ത മകളായ പ്രാര്‍ത്ഥന ആലാപനത്തിലൂടെ അത്ഭുതപ്പെടുത്തിയപ്പോള്‍ ഇളയമകളായ നക്ഷത്ര അഭിനയത്തിലായിരുന്നു താല്‍പര്യം പ്രകടിപ്പിച്ചത്.

സിനിമയില്‍ സജീവമായിരുന്നില്ലെങ്കിലും പൊതുവേദികളിലും മറ്റ് സ്ഥലങ്ങളിലുമൊക്കെ പൂര്‍ണ്ണിമ സജീവമാണ്. ഭാവന, മഞ്ജു വാര്യര്‍, ഗീതുമോഹന്‍ദാസ് തുടങ്ങിയവരുടെ അടുത്ത സുഹൃത്ത് കൂടിയാണ് ഈ താരം. സുഹൃത്തുക്കള്‍ക്കൊപ്പമുള്ള ആഘോഷനിമിഷങ്ങള്‍ പങ്കുവെച്ചും താരം എത്താറുണ്ട്. അടുത്തിടെ മഞ്ജു വാര്യറിനൊപ്പം വിദേശത്തേക്ക് പോയതിനെക്കുറിച്ച് തുറന്നുപറഞ്ഞ് താരം എത്തിയിരുന്നു.

സിനിമയിലും പാട്ടിലുമൊക്കെയായി പൂര്‍ണ്ണിമയുടേും ഇന്ദ്രജിത്തിന്റേയും മക്കളായ പ്രാര്‍ത്ഥനയും നക്ഷത്രയും സജീവമാണ്. അഭിനയത്തോടാണ് താല്‍പര്യമെന്നായിരുന്നു ഇളയ മകളായ പ്രാര്‍ത്ഥന വ്യക്തമാക്കിയത്. മൂത്ത മകളായ പാത്തുവാകട്ടെ പാട്ടിലായിരുന്നു തിളങ്ങിയത്. ഇന്ദ്രജിത്തും മഞ്ജു വാര്യരും നായികനായന്‍മാരായെത്തിയ മോഹന്‍ലാല്‍ എന്ന ചിത്രത്തില്‍ ലാലേട്ടാ എന്ന ടൈറ്റില്‍ ഗാനം ആലപിച്ചത് പ്രാര്‍ത്ഥനയായിരുന്നു.