മഞ്ജുവിനെ പോലെയല്ല ദിലീപിന് കാവ്യ, അതുകൊണ്ട് കാവ്യയെ സമ്മതിക്കുന്നു.. കാവ്യ വരുന്നു

കാവ്യ മടങ്ങിയെത്തുന്നു

അതെ കേട്ടത് സത്യമാണ്.. കാവ്യ മാധവന്‍ വീണ്ടും സിനിമയിലേക്ക് മടങ്ങിയെത്തുന്നു. ഉണ്ണി പ്രണവം സംവിധാനം ചെയ്യുന്ന ഹദിയ എന്ന ചിത്രത്തിലൂടെയാണ് കാവ്യയുടെ മടങ്ങിവരവ്. എന്നാല്‍ അഭിനേത്രിയായിട്ടല്ല!

ഗായികയായിട്ട്

പിന്നണിഗായികയായിട്ടാണ് കാവ്യ മാധവന്‍ സിനിമയിലേക്ക് മടങ്ങിയെത്തുന്നത്. പ്രശസ്ത സംഗീതസംവിധായകന്‍ ശരത് ഈണം പകരുകയും മുരുകന്‍ കാട്ടാക്കട എഴുതുകയും ചെയ്ത ഒരു ഗാനമാണ് കാവ്യ ഈ ചിത്രത്തിന് വേണ്ടി പാടുന്നത്.

കാവ്യ എന്ന ഗായിക

മാറ്റിനി എന്ന ചിത്രത്തില്‍ മൗനമായി മനസ്സില്‍ എന്ന തുടങ്ങുന്ന ഗാനമാണ് കാവ്യ ആദ്യമായി പിന്നണിയില്‍ പാടിയത്. ഗായിക എന്നതിനപ്പുറം രണ്ട് സിനിമകളില്‍ കാവ്യ പാട്ടെഴുതിയിട്ടുമുണ്ട്. വണ്‍ വേ ടിക്കറ്റ് എന്ന ചിത്രത്തിലെ 'എന്‍ കല്‍ബിലുള്ളളരു..' എന്ന് തുടങ്ങുന്ന പാട്ടും, ആകാശവാണി എന്ന ചിത്രത്തിലെ 'കാലം നീണങ്ങു പോയോ..' എന്ന പാട്ടുമാണ് കാവ്യ എഴുതിയത്.

കാവ്യ വരില്ലെന്ന്

ദിലീപുമായുള്ള വിവാഹത്തിന് ശേഷം കാവ്യ സിനിമയിലേക്ക് മടങ്ങിയെത്തില്ല എന്ന് പലരും പറഞ്ഞിരുന്നു. ഫേസ്ബുക്കിലും പൊതു പരിപാടികളും കാവ്യയെ കാണാതായപ്പോള്‍ ആരാധകര്‍ അക്കാര്യം ഉറപ്പിയ്ക്കുകയും ചെയ്തു. മഞ്ജുവിനെ പോലെ കാവ്യയും ഇനി ക്യാമറയ്ക്ക് മുന്നിലെത്തില്ല എന്നാണ് പലരും പറഞ്ഞത്.

ജീത്തു ചിത്രത്തിലേക്ക് വരുമോ

ഇനി പ്രേക്ഷകര്‍ക്ക് അറിയേണ്ടത് ജീത്തു ജോസഫ് ചിത്രത്തില്‍ അഭിനയിക്കുമോ എന്നാണ്. ദിലീപുമായുള്ള വിവാഹത്തിന് മുന്‍പ് കാവ്യ ജീത്തുവിന്റെ സ്ത്രീപക്ഷ ചിത്രത്തില്‍ കരാറൊപ്പുവച്ചതായി വാര്‍ത്തകളുണ്ടായിരുന്നു. എന്നാല്‍ വിവാഹ ശേഷം കാവ്യ അത് ഉപേക്ഷിച്ചു എന്നും കേട്ടു. ഇനി അഭിനയിക്കുമോ എന്ന് കാത്തിരുന്ന് കാണാം