വിജയ്‌യോ മമ്മൂട്ടിയോ, അഭ്യൂഹങ്ങള്‍ക്ക് വിട!!! രാജമൗലിയുടെ പുതിയ സിനിമയില്‍ നായകന്‍ പ്രഭാസ്???

തിരക്കഥ രചനയില്‍ രാജമൗലി

ബാഹുബലിക്ക് ശേഷം പ്രഭാസിനെ നായകനാക്കി ഒരു സിനിമ ഒരുക്കുന്നതിനുള്ള ആലോചനയിലാണ് രാജമൗലിയെന്ന് ദേശീയ മാധ്യമമായ ഡിഎന്‍എ റിപ്പോര്‍ട്ട് ചെയ്തു. രാജമൗലി പുതിയ ചിത്രത്തിന്റെ തിരക്കഥാ ജോലികള്‍ ആരംഭിച്ചെന്നും ഡിഎന്‍എ റിപ്പോര്‍ട്ട് ചെയ്യുന്നു.

ഛത്രപതി ശിവജിയില്‍ തുടങ്ങിയ ബന്ധം

2005ല്‍ പുറത്തിറങ്ങിയ ഛത്രപതി ശിവജിയില്‍ തുടങ്ങിയതാണ് പ്രഭാസും രാജമൗലിയും തമ്മിലുള്ള ബന്ധം. പ്രഭാസിന്റെ കരിയറിന്റെ ആദ്യ കാലത്ത് പുറത്തിറങ്ങിയ ചിത്രം വന്‍ഹിറ്റായിരുന്നു. പിന്നീട് പത്ത് വര്‍ഷത്തിന് ശേഷമായിരുന്നു ഈ കൂട്ടുകെട്ടില്‍ ബാഹുബലി ഒന്നാം ഭാഗം പുറത്തിറങ്ങിയത്.

കൂടുതല്‍ വിവരങ്ങള്‍ പുറത്ത് വിട്ടില്ല

ബാഹുബലി ദ കണ്‍ക്ലൂഷന്‍ 1700 കോടി പിന്നിട്ട് മികച്ച കളക്ഷന്‍ നേടി പ്രദര്‍ശനം തുടരുന്നതിനിടെയാണ് പുതിയ രാജമൗലി ചിത്രത്തിന്റെ വാര്‍ത്തകളും പുറത്ത് വരുന്നത്. എന്നാല്‍ ചിത്രത്തേക്കുറിച്ചുള്ള കൂടുതല്‍ വിവരങ്ങളൊന്നും പുറത്ത് വിട്ടിട്ടില്ല.

കരണ്‍ ജോഹറിന്റെ ബോളിവുഡ് ചിത്രം

ബാഹുബലിയിലൂടെ ആരാധകരെ നേടിയ പ്രഭാസിനെ നായകനാക്കി ബോളിവുഡിലേക്ക് എത്തിക്കാനുള്ള ആലോചനയിലാണ് ബോളിവുഡ് സംവിധായകന്‍ കരണ്‍ ജോഹര്‍. കരണ്‍ ജോഹര്‍ ഷോയില്‍ ഇക്കാര്യം അദ്ദേഹം പ്രഖ്യാപിച്ചിരുന്നു.

പ്രഭാസ് തിരക്കിലാണ്

ബാഹുബലിക്ക് വേണ്ടി നാല് വര്‍ഷത്തോളം മറ്റ് ചിത്രങ്ങളില്‍ നിന്നും മാറി നിന്ന പ്രഭാസ് ഇപ്പോള്‍ തന്റെ പുതിയ ചിത്രമായ സഹോയുടെ ചിത്രീകരണവുമായി ബന്ധപ്പെട്ട് തിരക്കിലാണ്. 150 കോടി മുതല്‍ മുടക്കില്‍ ചിത്രീകരിക്കുന്ന സാഹോയുടെ ചിത്രീകരണം അമേരിക്കയില്‍ പുരോഗമിക്കുകയാണ്. റണ്‍ രാജ റണ്‍ ഒരുക്കിയ സുജീത്താണ് ചിത്രം സംവിധാനം ചെയ്യുന്നത്.