Click it and Unblock the Notifications
TRENDING ON ONEINDIA
-
അധികാരത്തിലേറിയാൽ മോഹൻലാലിനെ രാജ്യസഭയിലെത്തിക്കാൻ ബിജെപി, തലസ്ഥാനത്ത് സുരേഷ് ഗോപി? -
ആദ്യമേ ഇഷ്ടമായിരുന്നു!! പേട്ട കഴിഞ്ഞപ്പോള് ഞാന് പ്രണയത്തിലായി, രജനിയെ കുറിച്ച് യുവനടി -
കൂള് ധോണി ബാറ്റിങ്ങിനിടെ ഖലീല് അഹമ്മദിനോട് ചൂടായി; കാരണമിതാണ്, വീഡിയോ വൈറല് -
ഒരു ഗ്ലാസ്സ് കട്ടൻചായയിൽ ഒതുങ്ങാത്ത ഗുണങ്ങളില്ല -
നിങ്ങളുടെ ആൻഡ്രോയിഡ് ഫോൺ പെട്ടെന്നൊരു നാൾ നിന്നുപോയാൽ?? -
ഡിസി ഡിസൈന് പുറത്തിറക്കിയ പത്തു ഹാച്ച്ബാക്കുകള്
പാലാക്കാരന്‍ അച്ചായനായി മമ്മൂട്ടിയെത്തി
പാലാക്കാരന്‍ അച്ചായനായി വീണ്ടും മമ്മൂട്ടിയെത്തി. സക്കറിയയുടെ ചെറുകഥയെ ആധാരമാക്കി നവാഗതനായ ഷിജു ഗംഗാധരന്‍ പ്രെയ്‌സ് ദി ലോര്‍ഡ് എന്ന ചിത്രത്തിന്റെ ഷൂട്ടിങ്ങിന് വേണ്ടിയാണ് മമ്മൂട്ടി വീണ്ടും അച്ചായനായി കാഞ്ഞിരപ്പള്ളിയില്‍ എത്തിയത്. ചന്ദനനിറത്തിലുള്ള ജുബ്ബയും മുണ്ടും ധരിച്ചായിരുന്നു മമ്മൂട്ടി സെറ്റിലെത്തിയത്. ഷൂട്ടിങ്ങിന് സൂപ്പര്‍താരം എത്തും എന്നറിഞ്ഞതോടെ പ്രധാന ലൊക്കേഷനായ ആനത്താനം വീടിന്റെ പരിസരത്തെല്ലാം ആരാധകര്‍ നിറഞ്ഞിരുന്നു.
മമ്മൂട്ടിയെത്തിയശേഷം സജീവമായ ഷൂട്ടിങ്ങ് സെറ്റിലെ ആദ്യ ടേക്ക് പന്ത്രണ്ടരയോടെയാണ് എടുത്തത്. മിലന്‍ ജലീലാണ് പ്രെയ്‌സ് ദി ലോര്‍ഡ് നിര്‍മ്മിക്കുന്നത്. ഇരുപത്തിയെട്ടു ദിവസത്തോളമാണ് കാഞ്ഞിരപ്പള്ളിയിലെ ആദ്യ ഷെഡ്യൂള്‍ ഷൂട്ടിങ്ങ് നീളുക. അമല്‍ജ്യോതി കോളെജ്, കാഞ്ഞിരപ്പള്ളി കത്തീഡ്രല്‍ എന്നിവിടങ്ങളിലും ചില രംഗങ്ങള്‍ ചിത്രീകരിച്ചേയ്ക്കുമെന്ന് പ്രൊഡക്ഷന്‍ വിഭാഗം അറിയിച്ചു.
ചിത്രത്തില്‍ ഇന്നസെന്റും ഇന്ദ്രന്‍സും പ്രധാന വേഷങ്ങള്‍ ചെയ്യുന്നുണ്ട്. ഇന്നസെന്റ് പള്ളിവികാരിയുടെ വേഷത്തിലാണ് എത്തുന്നത്. ചിത്രത്തില്‍ ജോയ് എന്ന കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. ഇമ്മാനുവലില്‍ മമ്മൂട്ടിയുടെ നായികയായ റീനു മാത്യൂസാണ് ഈ ചിത്രത്തിലും മമ്മൂട്ടിയുടെ നായികയാകുന്നത്.
ടി പി ദേവരാജനാണ് ചിത്രത്തിന് തിരക്കഥയൊരുക്കിയിരിക്കുന്നത്. ജോയി എന്ന കര്‍ഷകന്റെ ജീവിതത്തിലേക്ക് എത്തുന്ന രണ്ടുപേര്‍ അദേഹത്തിന്റെ കാഴ്ചപ്പാടുകളെ തന്നെ മാറ്റി മറിക്കുന്നത് ആണ് ചിത്രത്തിന്റെ പ്രമേയം.
