താരജാഡയില്ലാത്ത താരപുത്രനാണ് പ്രണവെന്നത് പറച്ചില്‍ മാത്രമല്ല, പ്രവൃത്തിയും അങ്ങനെയാണ്, കാണൂ!

വാക്കില്‍ മാത്രമല്ല പ്രവൃത്തിയിലും

താരജാഡയില്ലെന്ന പറച്ചില്‍ മാത്രമല്ല പ്രവൃത്തിയിലും താന്‍ സിമ്പിളാണെന്ന് പ്രണവ് തെളിയിച്ചിരിക്കുകയാണ്. ആദിയുടെ ചിത്രീകരണത്തിനിടയിലെ ഒരു ഫോട്ടോയാണ് ഇപ്പോള്‍ സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുന്നത്.

ജിത്തു ജോസഫ് പങ്കുവെച്ച ചിത്രം

നേരത്തെ ജിത്തു ജോസഫിന്റെ അസോസിയേറ്റായി പ്രവര്‍ത്തിച്ചതിന് ശേഷമാണ് പ്രണവ് നായകനായി തുടക്കം കുറിക്കുന്നത്. പല കാര്യങ്ങളെക്കുറിച്ചും പറയാതെ പ്രണവ് മനസ്സിലാക്കാറുണ്ടെന്ന് അദ്ദേഹം വ്യക്തമാക്കിയിരുന്നു.

ചിത്രം വൈറലാവുന്നു

സോഷ്യല്‍ മീഡിയയില്‍ ഏറെ സ്വീകാര്യതയുള്ള താരമാണ് പ്രണവ്. ആദിയെക്കുറിച്ചുള്ള വാര്‍ത്തകള്‍ക്കും മികച്ച പിന്തുണയാണ് ലഭിക്കുന്നത്. പ്രണവിന്റെ പുതിയ ചിത്രവും സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുകയാണ്.

സഹപ്രവര്‍ത്തകരുടെ സാക്ഷ്യപ്പെടുത്തല്‍

പ്രണവിനോടൊപ്പം അഭിനയിക്കുന്നത് വളരെ എളുപ്പമാണെന്നും നന്നായി പിന്തുണയ്ക്കുന്ന പ്രകൃതക്കാരനാണെന്നും സഹതാരമായ അദിതി പറഞ്ഞിരുന്നു. ചിത്രീകരണം ഇല്ലാത്തപ്പോഴും പ്രണവ് സെറ്റിലെത്താറുണ്ടായിരുന്നു.

മാതൃകാപരമായ പെരുമാറ്റം

വളരെ സിമ്പിളായി ജീവിക്കാന്‍ ഇഷ്ടപ്പെടുന്ന വ്യക്തി കൂടിയാണ് പ്രണവ്. ജീവിതത്തില്‍ എല്ലാവിധ സുഖസൗകര്യങ്ങളും മുന്നിലുണ്ടായിട്ടും തന്റേതായ ശൈലിയില്‍ ജീവിക്കുന്ന പ്രണവ് മറ്റുള്ളവര്‍ക്ക് നല്ലൊരു മാതൃക കൂടിയാണ്.

അഭിനയിക്കുന്നതിനും മുന്‍പേ താരമായി മാറി

സിനിമയില്‍ അഭിനയിക്കുന്നതിന് മുന്‍പേ തന്നെ സെലിബ്രിറ്റികളായി മാറുന്നവരാണ് താരങ്ങളുടെ മക്കള്‍. ഇവരുടെ സിനിമ അരങ്ങേറ്റത്തിനായി പ്രേക്ഷകര്‍ കാത്തിരിക്കാറുണ്ട്. മോഹന്‍ലാലിന്റെ കുട്ടിക്കാലം അവതരിപ്പിച്ചാണ് പ്രണവ് വെള്ളിത്തിരയിലേക്ക് എത്തിയത്.

അഭിനയ മോഹം ഉണ്ടായത്

സുചിത്രയുടെ സഹോദരന്റെ മകന് നാടകാഭിനയത്തില്‍ സമ്മാനം ലഭിച്ചതിനെക്കുറിച്ച് അറിഞ്ഞപ്പോഴാണ് കുഞ്ഞു പ്രണവിന്റെ മനസ്സില്‍ അഭിനയ മോഹം ഉണര്‍ന്നതെന്ന് അഭിമുഖത്തില്‍ സുചിത്ര വ്യക്തമാക്കിയിരുന്നു

മികച്ച ബാലതാരത്തിനുള്ള സംസ്ഥാന അവാര്‍ഡ്

പ്രണവ് ബാലതാരമായി എത്തിയ പുനര്‍ജനിയിലൂടെ മികച്ച ബാലതാരത്തിനുള്ള സംസ്ഥാന അവാര്‍ഡും താരപുത്രന് ലഭിച്ചിരുന്നു. നായകനായി പ്രണവ് സിനിമയില്‍ തിരിച്ചെത്തുമെന്ന് അന്ന് തന്ന പ്രേക്ഷകര്‍ ഉറപ്പിച്ചിരുന്നു.

അഭിമുഖങ്ങളോട് താല്‍പര്യമില്ല

സ്വന്തം ജീവിതത്തിലെ കാര്യങ്ങളെക്കുറിച്ച് മറ്റുള്ളവര്‍ക്ക് മുന്നില്‍ വാചാലനാവുന്നതിനോട് തീരെ താല്‍പര്യമില്ലാത്ത വ്യക്തിയാണ് താനെന്ന് പ്രണവ് പറയുന്നു. പ്രമുഖ വാരികയ്ക്ക് നല്‍കിയ അഭിമുഖത്തിലാണ് താരപുത്രന്‍ കാര്യങ്ങള്‍ വ്യക്തമാക്കിയത്.

മാധ്യമങ്ങള്‍ക്ക് മുന്നില്‍ നിന്നും അകലുന്നു

മാധ്യമങ്ങളുടെ മുന്നില്‍ നിന്നും ഓടിയൊളിക്കുന്ന തരത്തിലാണ് പ്രണവിന്‍രെ പ്രവര്‍ത്തികള്‍. ആരെങ്കിലും വല്ലതും ചോദിച്ചാല്‍ ഉത്തരം നല്‍കുന്ന പതിവ്. അതും വളരെ ലളിതമായി. ഇതിനു പിന്നിലെ കാരണത്തെക്കുറിച്ച് പ്രണവ് പറയുന്നത് ഇതാണ്.

മറ്റുള്ളവര്‍ക്ക് കാര്യമില്ല

തന്റെ ജീവിതത്തിലെ അനുഭവങ്ങളെക്കുറിച്ച് അറിഞ്ഞിട്ട് മറ്റുള്ളവര്‍ക്ക് എന്തു കാര്യമാണെന്നാണ് പ്രണവ് ചോദിക്കുന്നത്. അതുകൊണ്ട് തന്നെയാണ് താന്‍ അത്തരം കാര്യത്തെക്കുറിച്ച് വിവരിക്കാത്തതെന്നും താരം വ്യക്തമാക്കിയിരുന്നു.

ജനുവരി 26 ന് തിയേറ്ററുകളിലേക്ക്

നീണ്ട നാളത്തെ കാത്തിരിപ്പിനൊടുവില്‍ ജനുവരി 26ന് ആദി തിയേറ്ററുകളിലേക്ക് എത്തുകയാണ്. മമ്മൂട്ടി ചിത്രമായ സ്ട്രീറ്റ്ലൈറ്റ്സും ഇതേ ദിവസമാണ് തിയേറ്ററുകളിലേക്ക് എത്തുന്നത്.