ജോസൂട്ടിയും ഊഴവും ക്ലിക്കായില്ല, പ്രണവ് മോഹന്‍ലാലിന്‍റെ അരങ്ങേറ്റ ചിത്രത്തെക്കുറിച്ച് ആശങ്കകളേറെ

കൊലയാളിക്ക് പിന്നാലെ സഞ്ചരിക്കുന്ന യുവാവ്

സീരിയല്‍ കില്ലറായ കൊലയാളിക്ക് പിന്നില്‍ സഞ്ചരിക്കുന്ന യുവാവായാണ് പ്രണവ് മോഹന്‍ലാല്‍ എത്തുന്നതെന്ന തരത്തിലുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്. ചിത്രത്തിന്റെ ത്രില്ലര്‍ സ്വഭാവത്തെക്കുറിച്ച് അധികം വിവരങ്ങളൊന്നും പുറത്തു വിട്ടിട്ടില്ല.

പ്രണവിന്‍റെ ആക്ഷന്‍ രംഗങ്ങള്‍

നായകനായ പ്രണവ് മോഹന്‍ലാലിന്റെ ആക്ഷന്‍ രംഗങ്ങളാണ് ചിത്രത്തിന്‍രെ പ്രധാന ഹൈലൈറ്റെന്നാണ് ഇപ്പോള്‍ പുറത്തു വന്നിട്ടുള്ളത്. മെമ്മറീസിന്റെ ചുവടു പിടിച്ചൊരുക്കുന്ന ചിത്രത്തില്‍ ആക്ഷന്‍ രംഗങ്ങള്‍ നിരവധി ഉണ്ടെന്നാണ് സൂചന.

സമയമെടുത്ത് തയ്യാറാക്കിയ തിരക്കഥ

വളരെയേറെ സമയമെടുത്താണ് ജിത്തു ജോസഫ് ഈ ചിത്രത്തിന്‍രെ തിരക്കഥ ഒരുക്കിയിട്ടുള്ളത്. മുന്‍ചിത്രങ്ങളായ ലൈഫ് ഓഫ് ജോസൂട്ടി, ഊഴം എന്നിവ ഏല്‍പ്പിച്ച പരാജയത്തില്‍ നിന്നും മുക്തി നേടി വരുന്നതേ ഉള്ളൂ. വിചാരിച്ചത്ര ക്ലിക്കാവാതിരുന്ന ചിത്രങ്ങള്‍ക്ക് ശേഷം ഒരുക്കിയ തിരക്കഥ പൂര്‍ത്തിയാക്കുന്നതിനായി ഏറെ സമയമെടുത്തുവെന്നാണ് സംവിധായകന്‍ പറയുന്നത്.

പ്രണവിന്റെ ലോഞ്ചിംഗ്

ആശീര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മ്മിക്കുന്ന ചിത്രത്തിന്10 കോടിക്കു മുകളിലായാണ് ബയറ്റ് വിലയിരുത്തിയിട്ടുള്ളത്. പുനര്‍ജനിക്ക് ശേഷം പ്രണവ് നായകനായി അരങ്ങേറുന്ന ചിത്രം കൂടിയാണിത്.

പ്രണവിന്റെ നിബന്ധന

ചിത്രത്തില്‍ അഭിനയിക്കുന്നതിനു മുന്‍പ് തന്നെ ഒരു കാര്യം വ്യക്തമാക്കിയിരുന്നു പ്രണവ്. വീണ്ടും അഭിനയിക്കണമോയെന്ന കാര്യത്തില്‍ തീരുമാനമെടുക്കണമെങ്കില്‍ ചിത്രം തിയേറ്ററുകളിലേക്കെത്തണമെന്ന്. ഒരൊറ്റ സിനിമയില്‍ അഭിനയിച്ചതിനു ശേഷം തീരുമാനിക്കാം ഭാവി കാര്യങ്ങളെന്ന നിലപാടിലാണ് താരപുത്രന്‍.