ദിലീപേട്ടന്‍ ഇങ്ങനെ ചെയ്യുമെന്ന് വിശ്വസിക്കുന്നില്ല, അവള്‍ അനിയത്തിക്കുട്ടിയെപ്പോലെയാണെന്നും പ്രവീണ

ദിലീപ് ഇത്തരത്തില്‍ ചെയ്യിക്കില്ല

പള്‍സര്‍ സുനിയെക്കൊണ്ട് ഇത്തരത്തിലൊരു കൃത്യം ചെയ്യിപ്പിക്കുന്നയാളല്ല ദിലീപെന്ന് പ്രവീണ പറയുന്നു. കുറച്ച് ചിത്രങ്ങളില്‍ അദ്ദേഹത്തോടൊപ്പം അഭിനയിച്ചിരുന്നു.

ഇങ്ങനെ ചെയ്യില്ലെന്നാണ് വിശ്വാസിക്കുന്നത്

ഇത്തരത്തിലൊരു കാര്യം ചെയ്യാനോ ചെയ്യിപ്പിക്കാനോ അദ്ദേഹം ശ്രമിക്കില്ലെന്നാണ് തന്റെ വിശ്വാസം എന്നും പ്രവീണ പറയുന്നു. കൂടെ അഭിനയിച്ചപ്പോഴൊക്കെ നല്ല പിന്തുണയായിരുന്നു അദ്ദേഹമെന്നും താരം പറയുന്നു.

വിവാഹ ശേഷമുള്ള തിരിച്ചു വരവ്

വിവാഹവും കുടുംബ ജീവിതമൊക്കെയായി തിരക്കിലായതിനാലാണ് ഇടയ്ക്ക് സിനിമയില്‍ നിന്നും മാറി നിന്നത്. ബാംഗ്ലൂര്‍ ഡേയ്‌സ്, മഞ്ചാടിക്കുരു തുടങ്ങി അഞ്ജലി മേനോന്‍ ചിത്രങ്ങളിലും താരം വേഷമിട്ടിരുന്നു.

അനിയത്തിക്കുട്ടിയെപ്പോലെയാണ്

ആക്രമണത്തിനിരയായ താരവുമായി നല്ല കൂട്ടാണ്. ശരിക്കും അനിയത്തിക്കുട്ടിയെപ്പോലെയാണ്. അവള്‍ക്ക് ഇങ്ങനെ സംഭവിച്ചതില്‍ സങ്കടമുണ്ടെന്നും പ്രവീണ വ്യക്തമാക്കി.

നസ്രിയയും ഫഹദും തമ്മിലുള്ള ബന്ധത്തെക്കുറിച്ച് അറിയാമായിരുന്നു

ബാംഗ്ലൂര്‍ ഡേയ്‌സിന്റെ ഷൂട്ടിങ്ങിനിടയിലായിരുന്നു ഫഹദും നസ്രിയയും തമ്മില്‍ പ്രണയം പൂവിട്ടത് . ഇവര്‍ ജീവിതത്തിലും ഒരുമിക്കുമെന്ന് അറിയാമായിരുന്നു. അവര്‍ ഇക്കാര്യത്തെക്കുറിച്ച് പറഞ്ഞിരുന്നു.

വിമാനത്തിലേക്ക് വന്നത്

പൃഥ്വിരാജ് എന്ന അഭിനേതാവിന്റെ സാന്നിധ്യമാണ് വിമാനത്തിലേക്ക് തന്നെ ആകര്‍ഷിച്ചത്. വിമാനത്തില്‍ വിളിച്ചപ്പോള്‍ കഥാപാത്രത്തെക്കുറിച്ച് ചോദിക്കുന്നതിന് മുന്‍പ് പൃഥ്വി ഉണ്ടെന്ന് അറിഞ്ഞിരുന്നു. അതോടെയാണ് ആ സിനിമ സ്വീകരിച്ചത്.