സാർ ഞാൻ എന്താണ് ചെയ്യേണ്ടത്..!! പൃഥ്വിയോട് ലാലേട്ടൻ, രസകരമായ സംഭവത്തെ കുറിച്ച് പൃഥ്വി

പുതുമുഖ സംവിധായകന് ലഭിച്ച ഭാഗ്യം

ഒരു പുതുമുഖ സംവിധായകൻ എന്ന നിലയിൽ ലാലേട്ടനെ പോലെയുളള ഒരു വലിയ താരത്തെ വെച്ച് സിനിമ ചെയ്യുന്നതിൽ തനിയ്ക്ക് അഭിമാനം മാത്രമേയുളളൂവെന്ന് പൃഥ്വി പറഞ്ഞു. മനസ്സിൽ വിചാരിച്ച പോലെ കാര്യങ്ങൾ എല്ലാം ഭംഗിയായി തന്നെ നടക്കുകയും ചെയ്തു. ഇനി ലൂസിഫറിനെ കുറിച്ച് വിധി എഴുതേണ്ടത് നിങ്ങൾ പ്രേക്ഷകരാണെന്നും പൃഥ്വി ലൈവിൽ പറഞ്ഞു.

ലാലേട്ടൻ എന്നോട് പറഞ്ഞത്

ഒരു ഫിലിം മേക്കർ എന്ന നിലയിൽ താൻ വളരെ തൃപ്തനാണ്. ചിത്രീകരണം അവസാനിച്ചതിനു ശേഷം ലാലേട്ടൻ എന്നോട് പറഞ്ഞ വാക്കുകൾ എന്നെ സംബന്ധിച്ചടത്തോളം വലിയ കാര്യമാണ്. അദ്ദേഹത്തിൽ നിന്ന് തന്നെ എനിയ്ക്ക് തല അഭിപ്രായം ലഭിച്ചു. അതിൽ താൻ വിജയിച്ചുവെന്നും പൃഥ്വി പറഞ്ഞു. എന്നാൽ എന്റെ വ്യക്തി പരമായ അഭിപ്രായം കൊണ്ട് മാത്രം സിനിമയെ വിലയിരുത്താൻ കഴിയില്ലെന്നും പൃഥ്വി കൂട്ടിച്ചേർത്തു.

ലാലേട്ടന്റെ ടെസ്റ്റിങ്

ലൂസിഫറിന്റെ സെറ്റിൽ നടന്ന ഒരു രസകരമായ സംഭവവും പൃഥ്വിരജ് ലൈവിലൂടെ വെളിപ്പെടുത്തി. ഷൂട്ടിങ് തുടങ്ങുന്നതിന്റെ ആദ്യ ദിവസമായിരുന്നു. ഫസ്റ്റ് ഷോർട്ട് എടുക്കുന്നതിന്റെ തൊട്ട് മുൻപ് അദ്ദേഹം എന്നോട് ചോദിച്ചു സാർ എന്താണ് ചെയ്യേണ്ടത്. ഞാൻ മോണിറ്ററിൽ നോക്കിയിരിക്കുകയായിരുന്നു. അദ്ദേഹത്തിന്റെ അടുത്തേയ്ക്ക് എഴുന്നേറ്റ് പോകുന്നതിനു തൊട്ട് മുൻപ് ഞാൻ മുരളി ഗോപിയോട് ചോദിച്ചു . ലാലേട്ടൻ എന്നെ ടെസ്റ്റ് ചെയ്യുന്നതാണോ എന്ന്.

പിന്നെ കണ്ടത് ലാലേട്ടൻ മാജിക്

ഒരു സീനിൽ എന്താണ് വേണ്ടതെന്ന് ലാലേട്ടന് വ്യക്തമായി അറിയാം. എന്നാൽ ആദ്യം അദ്ദേഹത്തിന് അറിയേണ്ടത് സംവിധായകന്റെ കാഴ്ചപ്പാടിനെ കുറിച്ചാണ്. അതിനു ശേഷമാണ് ലാലേട്ടൻ മാജിക്. ഈ മാജിക് ലൂസിഫറിൽ പ്രേക്ഷകർക്ക് കാണാൻ സാധിക്കട്ടെ എന്ന് പ്രതീക്ഷിക്കാമെന്നും പഥ്വിരാജ് ലൈവിൽ പറഞ്ഞു. മാർച്ച് 28 ാം തീയതിയാണ് ലൂസിഫർ പ്രദർശനത്തിനെത്തുന്നത് അണിയറ പ്രവർത്തകരും പ്രേക്ഷകരും ആകാംക്ഷയോടെ കാത്തിരിക്കുന്ന ചിത്രമാണിത്.