ലൂസിഫറിന് ശേഷം ആന്‍റണി പെരുമ്പാവൂര്‍ വലി നിര്‍ത്തി! കാരണം പൃഥ്വിരാജെന്ന് ലിസ്റ്റിന്‍ സ്റ്റീഫന്‍

ലിസ്റ്റിന്‍ സ്റ്റീഫനെന്ന നിര്‍മ്മാതാവിനെക്കുറിച്ച് വാചാലരായാണ് ഓരോ താരവും പ്രേക്ഷകര്‍ക്ക് മുന്നിലേക്ക് എത്തിയത്. അദ്ദേഹത്തിലെ തമാശക്കാരനെക്കുറിച്ചായിരുന്നു പൃഥ്വിരാജ് പറഞ്ഞത്. പാട്ടുപാടിയതിനെക്കുറിച്ചുള്ള അനുഭവമായിരുന്നു പ്രസന്നയ്ക്ക് പറയാനുണ്ടായിരുന്നത്. ലിസ്റ്റിനില്‍ ഒളിഞ്ഞുകിടക്കുന്ന മികച്ച അഭിനേതാവിനെ കണ്ടെത്തിയ കഥയായിരുന്നു രമേഷ് പിഷാരടി പറഞ്ഞത്. തന്നെക്കുരിച്ചുള്ള തമാശകളും ട്രോളുമെല്ലാം ആസ്വദിച്ചും കൗണ്ടറിന് മറുപടിയുമായും ലിസ്റ്റിനും വേദിയിലുണ്ടായിരുന്നു.

താന്‍ ഈ സിനിമ ചെയ്യാന്‍ കാരണക്കാരന്‍ പൃഥ്വിരാജാണെന്ന് പറഞ്ഞായിരുന്നു ലിസ്റ്റിന്‍ എത്തിയത്. വിമാനമെന്ന ചിത്രത്തിനിടയില്‍ തനിക്ക് ചില നഷ്ടമൊക്കെ വന്നിരുന്നു. തനിക്ക് മാത്രം കേട്ടോ, പൃഥ്വിരാജിന് നഷ്ടമൊന്നുമുണ്ടായിരുന്നില്ല. അതിന് ശേഷം തനിക്ക് ലാഭം നേടിത്തരുന്നതിനായി ചെയ്തുന്ന സിനിമയാണ് ഇത്. ആ നഷ്ടം നികത്തിത്തന്ന സിനിമ തന്നെയാണിത്. ഈ ചിത്രത്തില്‍ താന്‍ വളരെ സന്തോഷവാനാണ്. ഈ ചിത്രം ചില സൈറ്റുകളില്‍ വന്നിരുന്നു. അവരെ ഈ പരിപാടിയിലേക്ക് വിളിച്ചിരുന്നുവെങ്കിലും മറ്ര് പല സിനിമകളും അപ് ലോഡ് ചെയ്യാനുള്ളതിനാല്‍ അവര്‍ ബിസിയാണെന്ന് പറഞ്ഞു.

സിനിമ യൂട്യൂബില്‍ അപ് ലോഡ് ചെയ്യുകയാണെങ്കില്‍ കുറച്ച് വ്യക്തതയുള്ളത് ചെയ്തിരുന്നുവെങ്കില്‍ നന്നായേനെ എന്ന് സുഹൃത്തുക്കള്‍ പറഞ്ഞിരുന്നുവെന്നും, ഇക്കാര്യത്തെക്കുറിച്ച് താന്‍ തമിഴ് റോക്കോഴ്‌സിനോട് പറഞ്ഞിരട്ടുണ്ടെന്നും ലിസ്റ്റിന്‍ പറഞ്ഞിരുന്നു. ഇനിയങ്ങോട്ടുള്ള പടത്തില്‍ അതുണ്ടാവുമെന്നും അവര്‍ പറഞ്ഞിരുന്നു. ബുക്ക് മൈ ഷോയിലെ റിവ്യൂ കണ്ടിട്ട് ആരും സിനിമയെ സമീപിക്കരുത്. അത് ടിക്കറ്റ് ബുക്ക് ചെയ്യാനായി മാത്രമേ ഉപയോഗിക്കാനാവൂ. ആ റേറ്റിംഗ് നിയന്ത്രിക്കുന്നത് പുറത്തുള്ളവരാണ്. പൈസ കൊടുത്താല്‍ റേറ്റിംഗ് കൂട്ടാനും കുറയ്ക്കാനും പറ്റും.

വിമാനത്തിനിടയില്‍ തങ്ങള്‍ക്കുണ്ടായ സൗഹൃദമാണ് ലിസ്റ്റിനുമായുള്ളത്. വിമാനത്തില്‍ നിന്നും തനിക്ക് നഷ്ടമുണ്ടായെന്ന് ലിസ്റ്റിന്‍ പറഞ്ഞിരുന്നു. തനിക്കും ചില നഷ്ടങ്ങളുണ്ടായിരുന്നുവെന്നായിരുന്നു പൃഥ്വിയുടെ കമന്റ്. ലിസ്റ്റിന്റെ കൈവശമുള്ള തമാശകളില്‍ ഏറ്റവും മികച്ചതാണ് അദ്ദേഹം വേദിയില്‍ പറയാറുള്ളത്. ഇതിലും നിലവാരം കുറഞ്ഞത് ദിവസം രണ്ടും മൂന്നും മണിക്കുറുകളോളം താനും കൂടി കേള്‍ക്കാറുണ്ട്. തന്നെക്കുറിച്ച് പറഞ്ഞ സ്ഥിതിക്ക് ലിസ്റ്റിനെക്കുറിച്ച് പറയേണ്ടതല്ലെയെന്നും അദ്ദേഹം ചോദിച്ചിരുന്നു.

നിര്‍മ്മാതാക്കള്‍ക്ക് ഉണ്ടായിരിക്കേണ്ട ഗുണങ്ങളിലൊന്നാണ് ഓര്‍ഗനൈസിംഗിലെ മികവ്. ഇക്കാര്യത്തില്‍ ലിസ്റ്റിന് അപാര കഴിവാണ്. ഇതില്‍ അഗ്രഗണ്യനാണ് ആന്റണി പെരുമ്പാവൂര്‍. ഒരു പ്രൊഡക്ഷന്‍ എങ്ങനെ ഓര്‍ഗനൈസ് ചെയ്യണമെന്നത് അദ്ദേഹത്തിന് കൃത്യമായി അറിയാം. അത് കണ്ട് പഠിക്കാന്‍ താന്‍ ലിസ്റ്റിനോട് പറഞ്ഞിരുന്നു. ഇതിനിടയിലായിരുന്നു ലിസ്റ്റിന്‍ ഇടയ്ക്ക് കയറിയത്. ഇടയില്‍ കയറി പറയരുതന്നൊയിരുന്നു പൃഥ്വി പറഞ്ഞത്.

ആന്റണിച്ചേട്ടന്‍ ഇതിന് മുന്‍പ് ഡെയ്‌ലി മൂന്നും നാലും സിഗരറ്റായിരുന്നു വലിച്ചുകൊണ്ടിരുന്നത്. എന്നാല്‍ ലൂസിഫര്‍ തുടങ്ങിയപ്പോള്‍ മുതല്‍ എന്താണെന്നറിയില്ല ഡോക്ടര്‍ തന്നെ പറഞ്ഞു വലി നിര്‍ത്താന്‍. ആന്റണിച്ചേട്ടന്‍രെ വലി നിര്‍ത്തിച്ചയാളാണ് രാജു. സംശയമൊന്നും വേണ്ട, സംവിധായകനെന്ന നിലയില്‍ തന്നെ സഹിക്കാന്‍ വലിയ പാടാണെന്നായിരുന്നു പൃഥ്വിരാജിന്റെ മറുപടി. അത് തനിക്ക് തന്നെ അറിയാം.