എന്റെ കണക്കുകൂട്ടലുകള്‍ തെറ്റിപ്പോയി, പരസ്യമായി മാപ്പ് പറഞ്ഞ് പൃഥ്വിരാജ് !!

അസറ്റ് ഹോമിന്റെ പരിപാടി

പൊതു ചടങ്ങില്‍ വൈകി എത്തിയതിന് ഒരു മടിയും കൂടാതെ പൃഥ്വിരാജ് മാപ്പ് ചോദിച്ചു. തിരുവനന്തപുരത്ത് വച്ച് നടന്ന അസറ്റ് ഹോംസിന്റെ പരിപാടിയില്‍ വൈകി എത്തിയതിനാണ് യുവതാരം ക്ഷമാപണം നടത്തിയത്.

കണക്കകൂട്ടല്‍ തെറ്റി

എറണാകുളത്ത് നിന്നാണ് പൃഥ്വി തിരുവനന്തപുരത്ത് എത്തിയത്. തന്റെ കണക്കുകൂട്ടലുകള്‍ തെറ്റിയെന്നും ആറര മണിക്കൂര്‍ യാത്ര ചെയ്താണ് ഇവിടെ എത്തിയത് എന്നും പൃഥ്വി പറഞ്ഞു. കാത്തിരുന്ന എല്ലാവരും എന്നോട് ക്ഷമിക്കണം.

താമസം മാറി

കൊച്ചി കേന്ദ്രീകരിച്ച് സിനിമകള്‍ ചെയ്യാന്‍ തുടങ്ങിയതോടെ അങ്ങനെ തലസ്ഥാന നഗരിയിലേക്ക് വരാന്‍ സാധിക്കാറില്ല എന്നും, തിരുവനന്തപുരം തന്റെ ഇഷ്ട സ്ഥലമാണെന്നും താരപുത്രന്‍ പറഞ്ഞു.

ഇവിടെ ഓര്‍മകള്‍

വട്ടിയൂര്‍കാവ് എനിക്കിഷ്ടമുള്ള സ്ഥലമാണ്. ഞാന്‍ പഠിച്ചതെല്ലാം ഇവിടെയാണ്. ഇവിടെ ഓര്‍മിയ്ക്കാന്‍ തനിക്കൊരുപാട് കാര്യങ്ങളുണ്ട് എന്നും പൃഥ്വിരാജ് ചടങ്ങില്‍ പറഞ്ഞു.