മോഹന്‍ലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ചിത്രം ഫ്രഷാണ്! മുരളി ഗോപി പറയുന്നതിങ്ങനെ

ലാലേട്ടനെ നായകനാക്കുന്നത്

തന്റെ ആദ്യത്തെ സംവിധാന സംരഭം ലാലേട്ടനൊപ്പം ആകണമെന്ന് ഒരു ആഗ്രഹമുണ്ടായിരുന്നു. കുറച്ച് കാലമായി ഞാനും മുരളി ഗോപിയും ഒന്നിച്ചായിരുന്നു. ഞങ്ങള്‍ക്ക് രണ്ട് പേര്‍ക്കും ഇഷ്ടമായ ഒരു പ്രോജക്ട് വന്നപ്പോഴാണ് ലാലേട്ടനെ നായകനാക്കാന്‍ തീരുമാനിക്കുന്നത്-പൃഥ്വിരാജ്

ലാലേട്ടന്റെ പ്രതികരണം

ഫേസ്ബുക്കിലൂടെയുള്ള ലാലേട്ടന്റെ പ്രതികരണം ഒരു അനുഗ്രഹമായാണ് താന്‍ കാണുന്നതെന്ന് പൃഥ്വരാജ് പറയുന്നു.

രാജേഷ് പിള്ളയ്ക്ക് വേണ്ടി ഒരുക്കുന്നതല്ല

സംവിധായകന്‍ രാജേഷ് പിള്ള പാതിവഴിയില്‍ ഉപേക്ഷിച്ചു പോയ ചിത്രം പൃഥ്വിരാജ് ഏറ്റെടുത്ത് സംവിധാനം ചെയ്യുന്നുവെന്നാണ് കേട്ടിരുന്നത്. എന്നാല്‍ ഇങ്ങനെ ഒരു പ്രോജക്ടിനെ കുറിച്ച് ഞങ്ങള്‍ ഒരു വര്‍ഷം മുമ്പേ തീരുമാനിച്ചിരുന്നുവെന്ന് തിരക്കഥാകൃത്ത് മുരളി ഗോപി പറയുന്നു.

ലാലേട്ടനോട് സംസാരിച്ചിരുന്നു

ചിത്രത്തെ കുറിച്ച് താനും രാജും(പൃഥ്വിരാജ്) ആലോചിച്ചതിന് ശേഷം ലാലേട്ടനോട് സംസാരിച്ചിരുന്നു. ലാലേട്ടന് കഥ ഒത്തിരി ഇഷ്ടമാവുകയും ചെയ്തു. മുരളി ഗോപി പറയുന്നു.

ലൂസിഫര്‍ എന്ന പേര് നല്‍കി

ചിത്രത്തിന് ലൂസിഫര്‍ എന്ന പേര് നല്‍കിയെന്ന് മാത്രം. ഇതൊരു പുതിയ പ്രോജക്ടാണെന്നും മുരളി ഗോപി പറയുന്നു. എന്നാല്‍ രാജേഷ് പിള്ളയുടെ ചിത്രത്തിന്റെ തീമും ഈ പ്രോജക്ടിന്റെ തീമും ഒന്ന് തന്നെയാണെന്നും മുരളി ഗോപി പറഞ്ഞു.

തിരക്കഥ

ചിത്രത്തിന്റെ തിരക്കഥ എഴുത്ത് പുരോഗമിക്കുകയാണ്-മുരളിഗോപി.