അലംകൃതയുടെ കളിപ്പാട്ടം അടിച്ച് മാറ്റല്ലേ! അതിഥിയോട് അപേക്ഷയുമായി പൃഥ്വിരാജ്! ചിത്രവുമായി സുപ്രിയ

സോറോയുടെ പുതിയ ഫോട്ടോ

അടുത്തിടെയായിരുന്നു പൃഥ്വിരാജിന്റെ ഫ്‌ളാറ്റിലേക്ക് സോറോയും എത്തിയത്. അതിഥിയെക്കുറിച്ചുള്ള വിശേഷങ്ങളുമായി പൃഥ്വിരാജും എത്താറുമുണ്ട്. സുപ്രിയയുടെ മടിയിലുറങ്ങുന്ന സോറോയുടെ ഫോട്ടോ വൈറലായി മാറിയിരുന്നു. കെട്ടിപ്പിടിക്കാനായാണ് താന്‍ അരികിലേക്ക് പോയതെന്നും അതിനിടയിലാണ് കക്ഷി തന്റെ നെഞ്ചിലുറങ്ങിയതെന്നായിരുന്നു പൃഥ്വിരാജ് പറഞ്ഞത്. സോറോയുടെ കളികളെക്കുറിച്ച് പറഞ്ഞെത്തിയിരിക്കുകയാണ് സുപ്രിയ ഇപ്പോള്‍. കൈയ്യിലൊരു ബോളുമായി നില്‍ക്കുന്ന സോറോയെയാണ് പുതിയ ചിത്രത്തില്‍ കാണുന്നത്.

പൃഥ്വിരാജിന്റെ കമന്‍റ്

സുപ്രിയയുടെ ഫോട്ടോയ്ക്ക് കീഴില്‍ ആദ്യം കമന്റുമായെത്തിയത് പൃഥ്വിരാജായിരുന്നു. എന്റെ മകളുടെ കളിപ്പാട്ടങ്ങള്‍ അടിച്ചുമാറ്റുന്നത് നിര്‍ത്തൂയെന്നായിരുന്നു താരം പറഞ്ഞത്. സോറോയല്ലേ എടുത്തത് ക്ഷമിച്ചൂടേയെന്നായിരുന്നു ചിലരുടെ ചോദ്യം. ആരോടാണ് ഈ കമന്റെന്നെയായിരുന്നു മറ്റ് ചിലര്‍ ചോദിച്ചത്. നിരവധി പേരാണ് താരത്തിന്റെ കമന്റിന് കൈയ്യടിയുമായെത്തിയത്. സോറോയെക്കുറിച്ച് പറയുമ്പോഴെല്ലാം ആരാധകരും കമന്റുകളുമായെത്താറുണ്ട്.

Recommended Video

പൃഥ്വിരാജിന് വേണ്ടി മകള്‍ ഒരുക്കി വെച്ച കിടിലൻ സമ്മാനം | FilmiBeat Malayalam

അലംകൃതയെ കാണുന്നില്ല

സിനിമയില്‍ അഭിനയിച്ചിട്ടില്ലെങ്കിലും ആരാധകരുടെ സ്വന്തമാണ് അലംകൃത. ആലിയെന്നാണ് പൃഥ്വിരാജും അലംകൃതയും വിളിക്കാറുള്ളതെങ്കിലും ആരാധകര്‍ അല്ലിയെന്നാണ് വിളിക്കാറുള്ളത്. മകളെ പലരും അല്ലിയെന്നാണ് വിളിക്കാറുള്ളതെന്ന് പൃഥ്വിരാജും പറഞ്ഞിരുന്നു. മകളുടെ വിശേഷങ്ങളെക്കുറിച്ചും കുസൃതിയെക്കുറിച്ചുമൊക്കെ പറഞ്ഞ് ഇരുവരും എത്താറുണ്ട്. അടുത്തിടെയായി അല്ലിയുടെ വിശേഷങ്ങളൊന്നുമില്ലല്ലോയെന്നും സോറോയാണോ ഇപ്പോഴത്തെ താരമെന്നുമുള്ള ചോദ്യങ്ങളും ആരാധകര്‍ ഉന്നയിച്ചിട്ടുണ്ട്.

മകളെക്കുറിച്ച്

അച്ഛന് പിന്നാലെ മകളും ഭാവിയില്‍ സിനിമയിലേക്കെത്തുമോയെന്ന തരത്തിലുള്ള ചോദ്യങ്ങളായിരുന്നു ചിലര്‍ മുന്‍പ് ഉന്നയിച്ചത്. മകള്‍ ആരാവരുത് എന്ന കാര്യത്തെക്കുറിച്ച് മാത്രമേ താന്‍ ചിന്തിക്കുന്നുള്ളൂവെന്നായിരുന്നു പൃഥ്വിരാജ് പറഞ്ഞത്. അത്യാവശ്യത്തിനുള്ള കുസൃതിയൊക്കെ ഇപ്പോള്‍ത്തന്നെ അവള്‍ക്കുണ്ടെന്ന് മുന്‍പ് താരം പറഞ്ഞിരുന്നു. മകളെക്കുറിച്ച് പറയാറുണ്ടെങ്കിലും അപൂര്‍വ്വമായി മാത്രമേ മുഖം വ്യക്തമാവുന്ന തരത്തിലുള്ള ചിത്രങ്ങള്‍ പോസ്റ്റ് ചെയ്യാറുള്ളൂ.