പൃഥ്വിരാജിന്റെ വിമാനം പറക്കാന്‍ പോവുന്നു! ആ ദിവസം ഇതായിരിക്കുമോ?

വിമാനം

പൃഥ്വിരാജിന്റെ അടുത്ത റിലീസിനെത്തുന്ന സിനിമയാണ് വിമാനം. നവാഗതനായ പ്രദീപ് എം നായര്‍ സംവിധാനം ചെയ്യുന്ന സിനിമയില്‍ നിന്നും പുറത്ത് വന്ന പോസ്റ്ററുകളെല്ലാം വ്യത്യസ്തമായിരുന്നു.

റിലീസിന് ഒരുങ്ങുന്നു

ചിത്രീകരണം പൂര്‍ത്തിയായ സിനിമ റിലീസിന് തയ്യാറെടുക്കുകയാണ്. നവംബര്‍ പത്തിനായിരിക്കും സിനിമയുടെ റിലീസിനെത്തുകയെന്നാണ് ഇപ്പോള്‍ പുറത്ത് വരുന്ന റിപ്പോര്‍ട്ടുകളില്‍ പറയുന്നത്.

ഔദ്യോഗിക തീയ്യതി

എന്നാല്‍ സിനിമയുടെ റിലീസ് തീയ്യതി ഔദ്യോഗികമായി പ്രഖ്യാപിച്ചിട്ടില്ല. സെപ്റ്റംബറില്‍ റിലീസിനൊരുങ്ങിയിരുന്നെങ്കിലും ടെക്‌നിക്കല്‍ തകരാറുകള്‍ കാരണം വീണ്ടും നീണ്ട് പോവുകയായിരുന്നു.

യഥാര്‍ത്ഥ കഥ

തൊടുപുഴ സ്വദേശിയായ സജി തോമസ് എന്ന ആളുടെ യഥാര്‍ത്ഥ ജീവിതകഥയെ ആസ്പദമാക്കിയാണ് സിനിമ നിര്‍മ്മിക്കുന്നത്. പ്രദീപ് എം നായരാണ് സിനിമയ്ക്ക് രചനയും സംവിധാനം ചെയ്യുന്നത്.

പൃഥ്വിയുടെ കഥാപാത്രം

സിനിമയില്‍ കേന്ദ്ര കഥാപാത്രമായ വെങ്കിട്ട് എന്ന ചെറുപ്പക്കാരനെയാണ് പൃഥ്വി അവതരിപ്പിക്കുന്നത്. തന്റെ കഴിവ് കൊണ്ട് സ്വന്തമായി വിമാനം നിര്‍മ്മിക്കുന്ന യുവാവിന്റെ കഥയാണ് ചിത്രത്തിലൂടെ പറയുന്നത്.

പ്രധാന കഥാപാത്രങ്ങള്‍

പൃഥ്വിയുടെ നായികയായി പുതുമുഖ നടി ദുര്‍ഗ കൃഷ്ണയാണ് അഭിനയിക്കുന്നത്. ഒപ്പം നെടുമുടി വേണു, പി ബാലചന്ദ്രന്‍, ശാന്തി കൃഷ്ണ, സുധീര്‍ കരമന, എന്നിവരും സിനിമയില്‍ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.