വീട്ടിലെ മികച്ച അഭിനേതാവിനെക്കുറിച്ച് പൃഥ്വിരാജ്! ഇന്ദ്രജിത്തിനും സമാനമായ അഭിപ്രായമാണ്! ആരാണ് ആ താരം

അച്ഛനുണ്ടായിരുന്നുവെങ്കില്‍

അച്ഛനുണ്ടായിരുന്നുവെങ്കില്‍ ഞാനും രാജുവും സിനിമയിലേക്ക് വരുമായിരുന്നോ എന്ന കാര്യത്തെക്കുറിച്ചാണ് ഇവിടെ സംസാരിച്ചുകൊണ്ടിരുന്നത്. ആദ്യം ഞാന്‍ സംസാരിച്ചു, പിന്നെ രാജുവും. അതിനിടയിലാണ് അമ്മ വന്നതെന്നായിരുന്നു ഇന്ദ്രജിത്ത് പറഞ്ഞത്. അമ്മയായിരിക്കും ഇതേക്കുറിച്ച് ഉത്തരം പറയാന്‍ പറ്റിയ ആളെന്നും അദ്ദേഹം പറഞ്ഞിരുന്നു. ഒരുപാട് പേര്‍ തന്നോട് ഇതേക്കുറിച്ച് ചോദിച്ചിരുന്നുവെന്നായിരുന്നു മല്ലിക സുകുമാരന്‍ പറഞ്ഞത്.

അഭിനയിക്കാന്‍ വിടുമായിരുന്നോ?

മക്കള്‍ക്ക് രണ്ടുപേര്‍ക്കും അഭിനയിക്കാനുള്ള കഴിവ് ഉണ്ടെന്ന് വളരെ നേരത്തെ തിരിച്ചറിഞ്ഞ വ്യക്തിയാണ് സുകുമാരന്‍ ചേട്ടന്‍. അതുകൊണ്ട് തന്നെ അദ്ദേഹവും ഇത് പ്രതീക്ഷിച്ചിരുന്നു. ഇതേക്കുറിച്ച് പറഞ്ഞിട്ടുമുണ്ട്. എന്തൊക്കെ പറഞ്ഞാലും അവര്‍ കറങ്ങിത്തിരിഞ്ഞ് സിനിമയിലേക്ക് വരാനുള്ള സാധ്യത കാണുന്നുണ്ടെന്നും അദ്ദേഹം പറഞ്ഞിരുന്നു. വിദ്യാഭ്യാസത്തെക്കുറിച്ചും അദ്ദേഹം വ്യക്തമായി പറഞ്ഞിരുന്നു.

Recommended Video

Shaji Kailas Movie Kaduva Rolling Soon

പഠനശേഷം

വിദ്യാഭ്യാസം എന്നും പ്രധാനപ്പെട്ട കാര്യമാണ്. അതേക്കുറിച്ച് അദ്ദേഹം കൃത്യമായി പറഞ്ഞിരുന്നു. പഠനം പൂര്‍ത്തിയാക്കിയതിന് ശേഷം മക്കള്‍ സിനിമയില്‍ വരുന്നതിനോട് അദ്ദേഹത്തിനും താല്‍പര്യമായിരുന്നു. ഇവിടുത്തെ ഒന്നുരണ്ട് സംവിധായകര്‍ക്കൊക്കെ അദ്ദേഹം പറഞ്ഞത് കൃത്യമായി അറിയാം. അഭിനേതാവില്‍ നിന്നും മാറി സംവിധായകനായപ്പോള്‍ ആ സിനിമ പൃഥ്വിരാജ് സമര്‍പ്പിച്ചത് അച്ഛനായിരുന്നു.

അമ്മ തിരിച്ചുവന്നത്

അച്ഛന്റെ വിയോഗശേഷം അമ്മ തനിച്ചായിരുന്നു ചേട്ടന്‍ കോളേജിലും ഞാന്‍ സ്‌കൂളിലും പോയാല്‍ അമ്മയ്ക്ക് ബോറടിയാണ്. സീരിയലുകളില്‍ നിന്നും ആ സമയത്ത് അവസരം ലഭിച്ചിരുന്നു. അപ്പോഴാണ് ഞാനും ചേട്ടനും അമ്മയെ അഭിനയിക്കാനായി നിര്‍ബന്ധിച്ചത്. 9 മണിമുതല്‍ വൈകുന്നേരം 6വരെ അമ്മ ഒന്നും ചെയ്യാതെ വീട്ടില്‍ ഇരിക്കരുതെന്ന് ഞങ്ങള്‍ കരുതി. അതിന് ശേഷം അമ്മയ്ക്ക് നല്ല ത്രില്ലായി. അമ്മ ആസ്വദിച്ച് തുടങ്ങി.

മികച്ച അഭിനേതാവ്

കുടുംബത്തിലെ മികച്ച അഭിനേതാവ് ആരാണെന്ന് ചോദിച്ചാല്‍ അത് അമ്മയാണ്. അച്ഛനോ ഞങ്ങളോ അല്ല. വിവാഹം കുടുംബവുമൊക്കെയായി ഇടയ്ക്ക് ഒതുങ്ങിയെന്ന് മാത്രം. ഇടയ്ക്ക് തിരിച്ച് വരാനുള്ള അവസരം കിട്ടിയപ്പോള്‍ അമ്മ അത് കൃത്യമായി വിനിയോഗിക്കുകയായിരുന്നു. ഓണത്തിന് ഒരു ദിവസം മക്കളും മരുമക്കളു കൊച്ചുമക്കളുമൊക്കെ ഒരുമിച്ച് കൂടണമെന്നുള്ളത് ഞാന്‍ നിര്‍ബന്ധമാക്കാന്‍ പോവുകയാണെന്നായിരുന്നു മല്ലിക സുകുമാരന്റെ കമന്റ്.