പതിവു പോലെ ഓരോ ഷോട്ടിനും തല്ലു കൂടി, ടിയാന്‍ ഷൂട്ടിനെക്കുറിച്ച് വികാരഭരിതനായി പൃഥ്വിരാജ്

മറ്റൊരു കഥാപാത്രവും ഇത്രയേറെ സ്വാധീനിച്ചിട്ടില്ല

മുന്‍പ് നിരവധി കഥാപാത്രങ്ങള്‍ക്ക് ജീവന്‍ പകര്‍ന്നിട്ടുണ്ടെങ്കിലും തന്നില്‍ ഇത്രയധികം സ്വാധീനം ചെലുത്തിയ മറ്റൊരു കഥാപാത്രം ഇല്ലെന്നാണ് താരം പറയുന്നത്. തനിക്ക് വേണ്ടി എഴുതപ്പെട്ട കഥാപാത്രമായ അസ്ലനില്‍ നിന്ന് ഒരുപാട് പഠിക്കാനുണ്ടെന്നുമാണ് പൃഥ്വി പറയുന്നത്.

അസ്ലനായി വേഷമിടാന്‍ കഴിഞ്ഞത് ബഹുമതിയായി കണക്കാക്കുന്നു

ടിയാനിലെ അസ്ലമായി വേഷമിടാന്‍ കഴിഞ്ഞത് തന്റെ ജീവിതത്തിലെ തന്നെ വലിയൊരു ഭാഗ്യമായിട്ടാണു കാണുന്നത്. ഒരു ബഹുമതി ലഭിക്കുന്നതിനു തുല്യമായാണ് ഈ അവസരത്തെ കാണുന്നത്.

തന്നെ തിരഞ്ഞെടുത്തവര്‍ക്കു നന്ദി

മലയാളത്തില്‍ ഇതുവരെ ഇറങ്ങിയതില്‍ വെച്ച് ഏറ്റവും വലിയ പ്രൊഡക്ഷനാണിത്. ചത്രത്തിലേക്ക് തന്നെ സെലക്റ്റ് ചെയ്തവരോടുള്ള നന്ദിയും പൃഥ്വി ഫേസ് ബുക്കിലൂടെ അറിയിക്കുന്നുണ്ട്.

ഏട്ടനോടൊപ്പം തല്ലുകൂടിയ നാളുകള്‍

പൃഥ്വിരാജിനോടൊപ്പം ഇന്ദ്രജിത്തും വളരെ ശക്തമായ വേഷത്തില്‍ എത്തുന്നുണ്ട് ടിയാനില്‍. ഷൂട്ടിനിടയിലെ അനുഭവങ്ങള്‍ ശരിക്കും തന്നെ സ്‌കൂള്‍ കലാഘട്ടത്തിലേക്ക് കൊണ്ടുപോയെന്നും പൃഥ്വി പറഞ്ഞു.