ഹൃദയം തകര്‍ന്നാണ് ഞങ്ങളിത് പറയുന്നത്; എല്ലാവരും കരുതി ഇരിക്കണമെന്ന് പറഞ്ഞ് പ്രിയ മോഹനും നിഹാലും

ഒരു ഹാപ്പി ഫാമിലി എന്ന പേരിലുള്ള ചാനലാണ് ഏതോ വിരുദ്ധന്മാര്‍ ഹാക്ക് ചെയ്തത്. ഇതേ കുറിച്ച് പ്രിയ മോഹനും നിഹാലും ഇന്‍സ്റ്റാഗ്രാമില്‍ കുറിക്കുകയും ചെയ്തു. ഹലോ, എല്ലാവരോടും ഹൃദയം തകര്‍ന്ന അവസ്ഥയിലാണ് ഞങ്ങളിത് പറയുന്നത്. ആരോ ഞങ്ങളുടെ യൂട്യൂബ് ചാനലായ 'ഒരു ഹാപ്പി ഫാമിലി' ഹാക്ക് ചെയ്തു. എന്ത് ചെയ്യണമെന്ന് അറിയില്ല. ആര്‍ക്കെങ്കിലും സഹായിക്കാന്‍ പറ്റുകയാണെങ്കില്‍ ദയവ് ചെയ്ത് സഹായിക്കണമെന്നും താരങ്ങള്‍ പറയുന്നു.

അതേ സമയം ചാനല്‍ ഹാക്ക് ചെയ്തതിന് പിന്നാലെ മറ്റൊരു വ്യാജ ചാനല്‍ ഇവരുടെ പേരില്‍ ആരംഭിച്ചിരിക്കുകയാണ്. ഇതേ കുറിച്ചും പ്രിയ മോഹന്‍ പറഞ്ഞിരുന്നു. 'ഞങ്ങളുടെ പഴയ ചാനല്‍ ആരും അണ്‍ സബ്‌സ്‌ക്രൈബ് ചെയ്യരുത്. അതുപോലെ ഞങ്ങളുടെ അതേ പേരിലോ ഞങ്ങളുടെ ഫോട്ടോസ് വെച്ചിട്ട് ആരംഭിച്ചതുമായ പുതിയ ചാനലുകളും ആരും സബ്‌സ്‌ക്രൈബ് ചെയ്യരുത്. ഞങ്ങളുടെ പഴയ ചാനല്‍ വീണ്ടെടുക്കാന്‍ വേണ്ടി പരമാവധി ശ്രമിക്കുകയാണ്. ഞങ്ങളില്‍ നിന്ന് കൂടുതല്‍ വിവരങ്ങള്‍ അറിയുന്നത് വരെ ദയവ് ചെയ്ത് കാത്തിരിക്കൂ.

ഇനി ഏതെങ്കിലും അവസരത്തില്‍ ഞങ്ങള്‍ പുതിയ ചാനല്‍ ആരംഭിക്കുക ആണെങ്കില്‍ തീര്‍ച്ചയായും ഇന്‍സ്റ്റാഗ്രാം പേജിലൂടെ അക്കാര്യം നിങ്ങളുമായി പങ്കുവെക്കുന്നതായിരിക്കും. നിങ്ങളുടെ പിന്തുണയും പ്രാര്‍ഥനയും മാത്രമാണ് ഞങ്ങള്‍ക്ക് വേണ്ടത്. ദയവായി കുറച്ച് സമയം ഞങ്ങള്‍ തരണമെന്നും താരങ്ങള്‍ പറയുന്നു. ഇതുമായി ബന്ധപ്പെട്ട് താരങ്ങള്‍ക്ക് പിന്തുണ അറിയിച്ച് ആരാധകരും എത്തുകയാണ്. എത്രയും വേഗം മടങ്ങി വരാന്‍ സാധിക്കുമെന്നും പേടിക്കാനില്ലെന്നുമൊക്കെ കമന്റുകളില്‍ ആരാധകര്‍ പറയുന്നു.

Recommended Video

Krishnakumar's family's earning from YouTube

2019 ലായിരുന്നു പ്രിയയും നിഹാലും ചേര്‍ന്ന് ചാനല്‍ ആരംഭിക്കുന്നത്. ഏകദേശം രണ്ടരലക്ഷത്തിന് മുകളില്‍ ആളുകള്‍ സബ്‌സ്‌ക്രൈബ് ചെയ്യുകയും ചെയ്തു. വീട്ടിലെ വിശേഷങ്ങള്‍, യാത്രകള്‍, ഷോപ്പിങ്ങ്, ഭക്ഷണം, എന്ന് വേണ്ട പലവിധ കാര്യങ്ങളാണ് താരങ്ങള്‍ വീഡിയോയിലൂടെ പറയാറുള്ളത്. ഏറ്റവുമൊടുവില്‍ കുഞ്ഞിനൊപ്പം റഷ്യയിലേക്ക് പോയ വീഡിയോസായിരുന്നു താരങ്ങള്‍ പങ്കുവെച്ചത്. നടന്‍ ഇന്ദ്രജിത്തും കുടുംബത്തിനും ഒപ്പമായിരുന്നു ഈ യാത്ര. മഞ്ഞുമലയില്‍ നിന്നടക്കമുള്ള രസകരമായ വീഡിയോസും താരദമ്പതിമാര്‍ കാണിച്ചിരുന്നു.