എന്റെ പ്രിയ വാര്യരെ ഇത് വല്ലാത്ത ചതിയായി പോയി! കണ്ണിറുക്കി ഒടുവില്‍ സുക്കര്‍ ബര്‍ഗിനെയും വീഴ്ത്തി!

പ്രിയയുടെ ജൈത്രയാത്ര

ലോകം മുഴുവന്‍ പ്രിയയെ അറിഞ്ഞു എന്നതിനുള്ള ഉത്തരമായിരുന്നു ഇന്‍സ്റ്റാഗ്രാമിലൂടെ നടിയെ പിന്തുടരുന്നവരുടെ എണ്ണം. കുറഞ്ഞ ദിവസങ്ങള്‍ക്കുള്ളില്‍ 4.5 മില്യണ്‍ ആളുകളാണ് പ്രിയ വാര്യരെ ഫോളോ ചെയ്യുന്നത്.

സുക്കര്‍ ബര്‍ഗിനെയും തോല്‍പ്പിച്ചു

പ്രിയയുടെ മുന്നില്‍ ഫേസ്ബുക്ക് സ്ഥാപകന്‍ സുക്കര്‍ ബര്‍ഗൊന്നും ഒന്നുമല്ലെന്ന് തെളിഞ്ഞിരിക്കുകയാണ്. പ്രിയയ്ക്ക് 4.5 മില്യണ്‍ ആയിരുന്നെങ്കില്‍ സുക്കര്‍ബര്‍ഗിന് വെറും നാല് മില്യണ്‍ മാത്രമെ ഉള്ളു. വെറും പന്ത്രണ്ട് ദിവസം കൊണ്ടാണ് പ്രിയ ഈ നേട്ടം സ്വന്തമാക്കിയത്.

ദുല്‍ഖര്‍ സല്‍മാന്റെ റെക്കോര്‍ഡ്

മോളിവുഡില്‍ ഏറ്റവുമധികം ആളുകള്‍ ഫോളോ ചെയ്തിരുന്ന ദുല്‍ഖറിന്റെ റെക്കോര്‍ഡായിരുന്നു പ്രിയ ആദ്യ ദിവസങ്ങളില്‍ തന്നെ മറികടന്നത്. 1.9 മില്യണ്‍ ആളുകളായിരുന്നു ദുല്‍ഖറിന്റെ ഫോളോവേഴ്‌സ്.

സാമന്ത അക്കിനേനി

തെന്നിന്ത്യന്‍ താരസുന്ദരി സാമന്ത സോഷ്യല്‍ മീഡിയയിലൂടെ ആരാധകര്‍ക്ക് വേണ്ടി ഫോട്ടോസ് പങ്കുവെക്കുന്നത് പതിവായിരുന്നു. ഇതായിരുന്നു നടിയ്ക്ക് ഏറ്റവുമധികം ഫോളോവേഴ്‌സ് ഇന്‍സ്റ്റാഗ്രാമില്‍ ഉണ്ടാവുന്നതിനുള്ള കാരണം. 3.6 മില്യണ്‍ ആളുകളായിരുന്നു നടിയെ പിന്തുടരുന്നത്.

ഹന്‍സിക

ഇന്‍സ്റ്റാഗ്രാമില്‍ ഏറ്റവുമധികം സജീവമായ നടിയാണ് ഹന്‍സിക. ഹന്‍സികയെ പിന്തുടരുന്നവരുടെ എണ്ണം 2.5 മില്യണ്‍ ആയിരുന്നു. എന്നാല്‍ അതിന്റെ ഇരട്ടിയാണ് പ്രിയയുടെ ആരാധകര്‍.

കണ്ണിറുക്കലിന് ഇത്രയും കിട്ടുമോ?

ഒരു അഡാറ് ലവിലെ പാട്ടിലായിരുന്നു സഹപാഠിയെ പ്രിയ വാര്യര്‍ കണ്ണിറുക്കി കാണിക്കുന്നത്. ആ രംഗം ചിത്രീകരിക്കുമ്പോള്‍ ആരും അറിഞ്ഞിരുന്നില്ല ഇത്രയും അങ്ങ് ഹിറ്റാവുമെന്ന്. എന്നാലും ലോകത്തിലെ പ്രമുഖരെ മറികടക്കാനുള്ള അത്രയും ഒരു കണ്ണിറുക്കലില്‍ ഉണ്ടോ എന്നാണ് ഇപ്പോള്‍ പലരുടെയും സംശയം.