'പ്രിയാ വാര്യര്‍ പ്രണയം പറഞ്ഞു'; വീഡിയോയ്ക്ക് പിന്നിലെ സത്യാവസ്ഥ തുറന്നുപറഞ്ഞ് നടി

'പ്രിയാ വാര്യര്‍ പ്രണയത്തെ കുറിച്ച് പറയുന്നു' എന്ന തലക്കെട്ടോടെയുളള ഒരു വീഡിയോ ആണ് പ്രചരിച്ചിരുന്നത്. ഇത് സോഷ്യല്‍ മീഡിയയില്‍ വൈറലായതോടെ വീഡിയോയെ പറ്റിയുളള സത്യാവസ്ഥ തുറന്നുപറഞ്ഞുകൊണ്ടാണ് പ്രിയാ വാര്യര്‍ എത്തിയത്. കൂട്ടുകാരുമൊത്തുളള സ്വകാര്യനിമിഷങ്ങളാണ് തെറ്റായി പ്രചരിക്കുന്നതെന്ന് നടി പറയുന്നു. തന്‌റെ അറിവോടെ എഴുതിചേര്‍ത്ത അടിക്കുറിപ്പല്ല ആ വീഡിയോയിലുളളതെന്നും പ്രിയ പറഞ്ഞു.

എപ്രില്‍ മാസത്തില്‍ പ്രിയാ വാര്യരുടെ കൂട്ടുകാരുടെതായി വന്ന വ്‌ളോഗ് വീഡിയോ ആണ് തെറ്റായി പ്രചരിച്ചത്. ഈ വീഡിയോയില്‍ നിന്നുളള ചില ക്ലിപ്പുകള്‍ വാട്‌സ് ആപ്പ്, യൂടൂബ്, റീല്‍സ് പ്ലാറ്റ്‌ഫോമുകളില്‍ പ്രചരിക്കുന്നുണ്ട്. താന്‍ കൂട്ടുകാരുമൊത്ത് എന്ത് ചെയ്യുന്നു, തന്‌റെ ജീവിതം എങ്ങനെ ജീവിക്കുന്നു തുടങ്ങിയവയെല്ലാം വ്യക്തിപരമായ തീരുമാനങ്ങളാണെന്ന് പ്രിയ പറയുന്നു. അതിലുളള അഭിപ്രായങ്ങള്‍ നിങ്ങള്‍ നിങ്ങളില്‍ തന്നെ ഒതുക്കുക എന്നും നടി കുറിച്ചു.

'വ്‌ളോഗില്‍ നിന്നുളള ചില ക്ലിപ്പുകള്‍ മാത്രം മുറിച്ചുമാറ്റി സമൂഹ മാധ്യമങ്ങളില്‍ പ്രചരിക്കുന്നത് കണ്ടു. ഞങ്ങളില്‍ ആരുടെയും അനുവാദമില്ലാതെയാണ് ഇവര്‍ ഇത് ചെയ്തിരിക്കുന്നത്. എന്നെ കുറിച്ചുളള നിങ്ങളുടെ കരുതല്‍ കാണുമ്പോള്‍ സന്തോഷം. എന്നാല്‍ ഇതിനെ കുറിച്ചുളള ചര്‍ച്ചകള്‍ തീര്‍ത്തും അനാവശ്യമാണ്. വളരെ മോശം കാപ്ഷനുകളും തലക്കെട്ടുകളും ചേര്‍ത്താണ് വീഡിയോ ക്ലിപ്പുകള്‍ പ്രചരിക്കുന്നത്. ഇനിയെങ്കിലും ഇതിന്‌റെ സത്യാവസ്ഥ മനസിലാക്കി വാര്‍ത്തകള്‍ നല്‍കൂ', പ്രിയാ വാര്യര്‍ കുറിച്ചു.

Recommended Video

Priya Warrier against gossips about her love life | FilmiBeat Malayalam

മലയാളത്തില്‍ അഡാറ് ലവിന് ശേഷം നടിയുടെ മറ്റു ചിത്രങ്ങള്‍ പുറത്തിറങ്ങിയിട്ടില്ല. തെലുങ്കില്‍ ചെക്ക് എന്ന സിനിമയാണ് പ്രിയാ വാര്യരുടെതായി വന്നത്. ഷെയ്ന്‍ നിഗം ചിത്രം ഇഷ്‌കിന്‌റെ തെലുങ്ക് റീമേക്കില്‍ പ്രിയയാണ് നായികയാവുന്നത്. കൂടാതെ ബോളിവുഡില്‍ ശ്രീദേവി ബംഗ്ലാവ് എന്ന ചിത്രവും നടിയുടെതായി വരുന്നുണ്ട്. കന്നഡത്തില്‍ വികെ പ്രകാശ് സംവിധാനം ചെയ്യുന്ന വിഷ്ണുപ്രിയ ആണ് പ്രിയയുടെ അരങ്ങേറ്റ സിനിമ.