പുലിമുരുകന്‍ ബോക്‌സോഫീസ് പ്രവചനങ്ങള്‍; 150 കോടിയിലേക്ക് എന്ന് പറയുന്നതിന്റെ കാരണങ്ങള്‍?

ഹൗസ്ഫുള്‍ ഷോകള്‍

റിലീസ് ചെയ്ത് ഒരു മാസം പിന്നിടുമ്പോഴും കേരളത്തിലെ തിയേറ്ററുകളില്‍ ഹൗസ് ഷോകളാണ് നടക്കുന്നത്. ഇപ്പോഴും ഇന്ത്യയിലെയും വിദേശത്തുള്ള തിയേറ്ററുകളില്‍ നിന്നും ഏറ്റവും മികച്ച പ്രതികരണമാണ് ചിത്രത്തിന് ലഭിക്കുന്നത്.

100 കോടിയിലേക്ക്

റിലീസ് ചെയ്ത് തൊട്ടടുത്ത ദിവസം തന്നെ ബി ഉണ്ണികൃഷ്ണനും ബഷീറും പുലിമുരുകന്‍ 100 കോടി കടക്കുമെന്ന് പറഞ്ഞിരുന്നു. കഴിഞ്ഞ പുലിമുരുകന്‍ നൂറു കോടി സ്വന്തമാക്കിയതിന് ശേഷം ചിത്രം 150 കോടിയിലേക്കാണ് നീങ്ങുന്നതെന്ന് വിശ്വസിക്കുന്നതായി പറഞ്ഞിരുന്നു.

വീണ്ടും വീണ്ടും തിയേറ്ററുകളിലേക്ക്

പുലിമുരുകന്‍ ഒന്ന് കണ്ടവരെ വീണ്ടും ചിത്രം ആകര്‍ഷിക്കുന്നുവെന്നാണ് ഏറ്റവും വലിയ മഹാവിജയമെന്ന് ബഷീര്‍ പറഞ്ഞിരുന്നു. ഇതിനോടകം ഏകദേശം മൂന്ന് കോടി ജനങ്ങള്‍ ചിത്രം കണ്ടുവെന്നും ബി ഉണ്ണികൃഷ്ണന്‍ പറഞ്ഞിരുന്നു.

പൈറസി പ്രശ്‌നം

വ്യാജ കോപ്പി സൈറ്റുകളില്‍ പ്രത്യക്ഷപ്പെട്ടത് പുലിമുരുകന്റെ കളക്ഷനെ ബാധിക്കുമെന്ന് അണിയറ പ്രവര്‍ത്തകള്‍ ഭയന്നിരുന്നു. എന്നാല്‍ പെട്ടന്ന് തന്നെ ചിത്രത്തിന്റെ ലീക്കിഡ് കോപ്പീസ് ഇന്റര്‍നെറ്റില്‍ നിന്ന് റിമൂവ് ചെയ്തിരുന്നു. പൈറസി തടയാനുള്ള നടപടികളും പുലിമുരുകനെ വമ്പന്‍ നഷ്ടമുണ്ടാകാതെ രക്ഷിച്ചു.

വിദേശത്ത് നിന്ന്

വിദേശത്ത് നിന്ന് മികച്ച പ്രതികരണമാണ് ലഭിക്കുന്നത്. പ്രധാനമായും ഗള്‍ഫ്, യൂറോപ്പ് രാജ്യങ്ങളില്‍. ഏറ്റവും മികച്ച കളക്ഷനാണ് റിലീസ് ചെയ്ത ആദ്യ ദിനംകൊണ്ട് ബോക്‌സോഫീസില്‍ നേടിയത്.