പുലിമുരുകനെ കുറിച്ച് വന്ന ആ വാര്‍ത്ത വ്യാജം; അതിന് വേണ്ടി ഒരുങ്ങിയ തമിഴ് താരങ്ങള്‍ക്ക് പിന്മാറാം!!

റീമേക്ക് ചെയ്യുന്ന വാര്‍ത്ത

രമേശ് പിള്ളയുടെ ഉടമസ്ഥതയിലുള്ള അഭിഷേക് ഫിലിംസാണ് ടോമിച്ചന്‍ മുളകുപാടം നിര്‍മിച്ച പുലിമുരുകന്റെ റീമേക്ക് അവകാശം സ്വന്തമാക്കി എന്നായിരുന്നു വാര്‍ത്തകള്‍. തമിഴിലേക്ക് മാത്രമല്ല, ഹിന്ദിയിലേക്കും കന്നടയിലേക്കും ചിത്രം റീമേക്ക് ചെയ്യുന്നു എന്നും ഉണ്ടായിരുന്നു.

നായകനായി

പുലിമുരുകനില്‍ മോഹന്‍ലാല്‍ ഗംഭീരമാക്കിയ മുരുകന്‍ എന്ന കഥാപാത്രമായി അജിത്തോ സൂര്യയോ വിക്രമോ ധനുഷോ എത്തും എന്നും കേട്ടു. ഹിന്ദിയില്‍ സല്‍മാന്‍ ഖാന്‍ നായകനാകുന്നു എന്നാണ് കേട്ടത്.

തെലുങ്കില്‍

അതേ സമയം തെലുങ്കില്‍ പുലിമുരുകന്‍ മൊഴിമാറ്റം നടത്തി എത്തുന്നുണ്ട്. മന്യം പുലി എന്ന് പേരിട്ടിരിയ്ക്കുന്ന ചിത്രം നവംബര്‍ ആദ്യവാരത്തോടെ റിലീസ് ചെയ്യും. മോഹന്‍ലാലിന്റെ വിസ്മയം, ജനത ഗാരേജ് എന്നീ ചിത്രങ്ങള്‍ തെലുങ്കില്‍ വമ്പന്‍ വിജയമായ പശ്ചാത്തലത്തിലാണ് മന്യം പുലി റിലീസ് ചെയ്യുന്നത്.

വിജയ യാത്ര തുടരുന്നു

കലക്ഷന്‍ റെക്കോഡുകളെല്ലാം തിരുത്തിയെഴുതി മോഹന്‍ലാലിന്റെ പുലിമുരുകന്‍ ജൈത്രയാത്ര തുടരുകയാണ്. വൈശാഖിന്റെ സംവിധാനത്തില്‍ ടോമിച്ചന്‍ മുളകുപാടം നിര്‍മിച്ച ചിത്രം 30 ദിവസം കൊണ്ട് നൂറ് കോടി കടക്കും എന്നാണ് കേള്‍ക്കുന്നത്.