പുത്തന്‍ മേക്കോവറുമായി റായ് ലക്ഷ്മി! താരത്തിന്റെ പുതിയ ചിത്രം കണ്ട് ആരാധകര്‍ ചോദിച്ചത്? കാണൂ!

വീണ്ടും മെലിഞ്ഞു?

ആരേയും അത്ഭുതപ്പെടുത്തുന്ന തരത്തിലുള്ള മേക്കോവറുകളുമായാണ് ഓരോ തവണയും റായ് ലക്ഷ്മി എത്താറുള്ളത്. തെന്നിന്ത്യന്‍ സിനിമകളിലെല്ലാം ഒരുപോലെ തിളങ്ങി നില്‍ക്കുന്ന താരത്തിന് ആരാധകരും ഏറെയാണ്. ബോളിവുഡിലെത്തിയപ്പോഴും താരം നിരാശപ്പെടുത്തിയിരുന്നില്ല. ഏത് തരത്തിലുള്ള കഥാപാത്രത്തേയും അവതരിപ്പിക്കാന്‍ തനിക്ക് കഴിയുമെന്ന് വ്യക്തമാക്കിയാണ് താരത്തിന്റെ കുതിപ്പ്. വൈവിധ്യമാര്‍ന്ന കഥാപാത്രങ്ങളുമായാണ് താരം എത്താറുള്ളത്. സിനിമയിലായാലും ജീവിതത്തിലായാലും സ്വന്തം നിലപാടുകള്‍ കൃത്യമായി വ്യക്തമാക്കുന്നയാള്‍ കൂടിയാണ് റായ് ലക്ഷ്മി. വീണ്ടും മെലിഞ്ഞോ താരമെന്നായിരുന്നു ആരാധകരുടെ ചോദ്യം. മറ്റ് ചിലരാവെട്ടെ എങ്ങനെ ഇങ്ങനെയാവാന്‍ കഴിയുന്നുവെന്ന തരത്തിലുള്ള ചോദ്യങ്ങളാണ് ഉന്നയിച്ചിട്ടുള്ളത്.

പുതിയ വ്യക്തിയായത് പോലെ

ഈ രൂപത്തിലേക്ക് മാറുന്നതിനായി താന്‍ ഒരുപാട് കഷ്ടപ്പാടുകള്‍ സഹിച്ചിട്ടുണ്ടെന്നും താരം പറയുന്നു. പഴയ രൂപത്തിലുള്ള തന്നെ ഓര്‍ത്തെടുക്കാന്‍ പോലും കഴിയുന്നില്ല. ജീവിതകാലം മുഴുവന്‍ നേടാനും നഷ്ടപ്പെടുത്താനുമായുള്ള പോരാട്ടത്തിലായിരുന്നു താന്‍. ഇപ്പോള്‍ പുതിയ വ്യക്തിയായത് പോലെയാണ് തോന്നുന്നതെന്നും ഇപ്പോള്‍ സംഭവിച്ച മാറ്റത്തെ താനിഷ്ടപ്പെടുന്നുവെന്നും താരം കുറിച്ചിട്ടുണ്ട്. ആരാധകര്‍ മാത്രമല്ല താരങ്ങളും റായ് ലക്ഷ്മിയെ അഭിനന്ദിച്ച് രംഗത്തെത്തിയിട്ടുണ്ട്.

നിങ്ങളില്‍ വിശ്വസിക്കൂ

ഫിറ്റ് ആയിരിക്കുക എന്ന് വെച്ചാല്‍ ശാരീരികമായി മാത്രമല്ല, അത് അടുമുടിയുള്ള മാറ്റമാണ്. ഇത്തരമൊരു മാറ്റത്തിന് തുടക്കം കുറിക്കാനായതില്‍ തനിക്ക് സന്തോഷമുണ്ട്. നിങ്ങളില്‍ വിശ്വസിച്ചാല്‍ എന്തും നേടിയെടുക്കാനാവുമെന്നും താരം കുറിച്ചിട്ടുണ്ട്. തന്റെ ജീവിതത്തിലെ വിജയത്തിന്റെ രഹസ്യം കൂടി താരം പങ്കുവെച്ചിട്ടുണ്ട്. മേക്കോവറിന് പിന്നാലെയായുള്ള മാറ്റത്തെക്കുറിച്ച് വാചാലയായെത്തിയ താരത്തോട് അടുത്ത സിനിമയെക്കുറിച്ചും ആരാധകര്‍ ചോദിച്ചിട്ടുണ്ട്. തമിഴിലും കന്നഡയിലുമായി നിരവധി സിനിമകളാണ് ഒരുങ്ങുന്നത്.

ജൂലി 2 അനുഭവം

കൂടെക്കിടക്കണമെന്ന് പറഞ്ഞ് ആരും നിര്‍ബന്ധിക്കില്ലെങ്കിലും നിര്‍ഭാഗ്യവശാല്‍ ചിലരൊക്കെ ഈ മേഖലയില്‍ കടന്നുവരുന്നത് തന്നെ ഇത്തരം കാര്യത്തിന് വേണ്ടിയാണെന്ന് നേരത്തെ താരം തുറന്നുപറഞ്ഞിരുന്നു. ഇത് തന്നെ വല്ലാതെ അസ്വസ്ഥമാക്കിയിരുന്നുവെന്ന് റായ് ലക്ഷ്മി പറഞ്ഞിരുന്നു. താല്‍പര്യമില്ലാത്തയാളുടെ കൂടെ കിടക്ക പങ്കിടുന്ന ആ രംഗങ്ങള്‍ ചിത്രീകരിച്ച രീതിയും അറപ്പുളവാക്കുന്നതായിരുന്നു. ജൂലി2 ചിത്രീകരണത്തെക്കുറിച്ച് താരം തുറന്നുപറഞ്ഞിരുന്നു. പ്രേക്ഷകര്‍ ആലോചിക്കുന്നതിനും അപ്പുറത്തുള്ള രംഗങ്ങളില്‍ അഭിനയിക്കേണ്ടി വന്നിരുന്നു. അതേക്കുറിച്ച് എങ്ങനെ സംസാരിക്കണമെന്നും പോലും തനിക്കറിയില്ല. കാണുന്നവര്‍ക്കും അസ്വാഭാവികത അനുഭവപ്പെടുന്ന രീതിയിലാണ് ആ രംഗം ചിത്രീകരിച്ചതെന്ന് താരം വ്യക്തമാക്കിയിരുന്നു.