അച്ഛന്‍ അറിയപ്പെടുന്ന നടനാണ്.. ആകെ രണ്ടു തവണയാണ് കണ്ടത്.. താരപുത്രന്‍റെ വെളിപ്പെടുത്തല്‍!

പ്രശസ്ത നടന്‍റെ മകനാണ്

ബോളിവുഡിലെ അറിയപ്പെടുന്ന സംവിധായകരിലൊരാളാണ് രാജാകൃഷ്ണ മേനോന്‍. ഒന്നിനൊന്ന് മികച്ച ചിത്രങ്ങളുമായി മുന്നേറുകയാണ് ഈ സംവിധായകന്‍. പ്രശസ്ത നടന്റെ മകനായാണ് താന്‍ ജനിച്ചതെന്ന് അദ്ദേഹം പറയുന്നു.

രണ്ടു തവണയാണ് കണ്ടത്

ഇത്രയും വര്‍ഷത്തെ ജീവിതത്തിനിടയില്‍ ആകെ രണ്ടുതവണയാണ് അച്ഛനെ കണ്ടതെന്ന് താരപുത്രന്‍ പറയുന്നു. കന്യക മാഗസിന് നല്‍കിയ അഭിമുഖത്തിനിടയിലാണ് അദ്ദേഹം കാര്യങ്ങള്‍ വ്യക്തമാക്കിയത്.

അദ്ദേഹവും അധികം കണ്ടിട്ടില്ല

നാലു തവണയില്‍ കൂടുതല്‍ അധികം അദ്ദേഹം തന്നെയും കണ്ടിട്ടുണ്ടാവില്ല. തന്നെയും സഹോദരിയെയും അമ്മയാണ് വളര്‍ത്തിയതെന്ന് രാജാകൃഷ്ണ മേനോന്‍ പറയുന്നു.

അച്ഛനെക്കുറിച്ച് ചോദിക്കുമ്പോള്‍

പലരും അച്ഛനെക്കുറിച്ച് ചോദിക്കുമ്പോള്‍ തനിക്ക് അത്ഭുതമാണ് തോന്നാറുള്ളതെന്ന് ഈ താരപുത്രന്‍ പറയുന്നു. അമ്മ ഗിരിജയാണ് തന്നെയും സഹോദരിയേയും വളര്‍ത്തിയത്. സെല്‍ഫ് മെയ്ഡ് വ്യക്തിയാണ് അമ്മ.

സിനിമാമോഹത്തെക്കുറിച്ച് പറഞ്ഞപ്പോള്‍

സിനിമയാണ് തന്റെ ലക്ഷ്യമെന്ന് പറഞ്ഞപ്പോള്‍ നിനക്ക് ഏത് ജോലിയാണോ ഇഷ്ടം അതില്‍ നൂറു ശതമാനവും നല്‍കണമെന്നായിരുന്നു അമ്മ പറഞ്ഞത്. ഒരുപാട് വെല്ലുവിളികള്‍ അതിജീവിച്ചാണ് അമ്മ തങ്ങളെ വളര്‍ത്തിയത്.

അമ്മ തന്ന ഊര്‍ജ്ജം

സാമ്പത്തിക പ്രതിസന്ധി നേരിടുന്നതിനിടയിലും തളരാതെ മുന്നേറാന്‍ സഹായകമായത് അമ്മ നല്‍കിയ ഊര്‍ജ്ജമാണ്. എനിക്ക് വേണ്ടി നീ നിന്റെ സ്വപ്‌നങ്ങളെ ഒരിക്കലും ത്യജിക്കരുതെന്ന് അമ്മ പറഞ്ഞിരുന്നു.