ഇത് രജിഷ തന്നെയാണോ!! പ്രേക്ഷകരെ വീണ്ടും ഞെട്ടിപ്പിച്ച് താരം... കാണൂ

വ്യത്യസ്തമായ മേക്കോവർ

രജിഷ വിജയനെ കുറിച്ച് കേൾക്കുമ്പോൾ ആദ്യം മനസ്സിൽ വരുന്നത് മുട്ടോളം മുടിയുളള കുസൃതി നിറഞ്ഞ മുഖത്തോടെ പ്രേക്ഷകരുടെ മുന്നിൽ പ്രത്യക്ഷപ്പെടുന്ന താരത്തിനെയാണ്. അനുരാഗ കരിക്കിൻ വെള്ളത്തിനു ശേഷം പുറത്തിറങ്ങിയ ചിത്രങ്ങളായ ജോർജേട്ടൻസ് പൂരത്തിലും ഒരു , സിനിമക്കാരനിലും ഇതിനു സമാനമായ ഗെറ്റപ്പിൽ തന്നെയായിരുന്നു താരം പ്രത്യക്ഷപ്പട്ടത്. എന്നാൽ ജൂണിലെത്തിയപ്പോ താരത്തിന് ആകെ മാറ്റമായിരുന്നു. ഒരിക്കലും പ്രതീക്ഷിക്കാത്ത ഗെറ്റപ്പിലായിരുന്നു താരത്തിന്റെ എൻട്രി.

മുടി മുറിച്ച താരം താരം

പതിനേഴ് വയസ്സ് മുതൽ 25 വയസ്സുവരെയുള ജൂൺ എന്ന പെൺകുട്ടിയുടെ ജീവിതമാണ് ചിത്രത്തിൽ പറയുന്നത്. അതിനാൽ തന്നെ ഈ കഥാപ്താരം ചെയ്യുന്ന നായികയ്ക്ക് രണ്ട് ലുക്കും ആവശ്യമാണ്. 17 വയസുകാരിയാകൻ രജിഷ അത്രയധികം റിസ്ക്ക് എടുത്തിരുന്നു. ശരീര ഭാരം കുറയ്ക്കുകയും നീണ്ട തലമുടി മുറിയ്ക്കുകയും ചെയ്തു. കഥാപാത്രത്തിന്റെ പൂർണ്ണതയ്ക്ക് വേണ്ടിയാണ് രജിഷ തന്റെ മുറി മുറിച്ചത് . താരത്തിന്റെ മേയ്ക്കോവർ വീഡിയോ പുറത്തു വന്നിരുന്നു.

പ്രേക്ഷകരെ അത്ഭുതപ്പെടുത്തി ആ ഗാനം

ഒരു ചെറിയ ഇടവേളയ്ക്ക് ശേഷമായിരുന്നു രജിഷ ജൂണിലൂടെ മലയാള സിനിമയിൽ എത്തിയത്. ചിത്രത്തിന്റെ ഫസ്റ്റ്ലുക്ക് പോസ്റ്റർ പ്രേക്ഷകരെ അക്ഷരാർഥത്തിൽ ഞെട്ടിപ്പിച്ചിരുന്നു. സ്കൂൾ യൂണിഫോമിട്ട 17 വയസ്സു മാത്രം പ്രായമുള്ള ഒരു ചെറിയ കുട്ടിയുടെ ലുക്കിലായിരുന്നു താരം. ഇതിന്റെ ഞെട്ടൽ മാറുന്നതിന് മുൻപ് തന്നെ ചിത്രത്തിന്റെ ആദ്യം ഗാനം പുറത്തു വന്നിരുന്നു. പെർഫക്ട് 17 വയസ്സുകാരിയായിട്ടായിരുന്നു താരം എത്തിയത്. 17 കാരി സ്കൂൾ കുട്ടിയുടെ അതേ മാനറിസ്സങ്ങൾ തന്നെയായിരുന്നു രജിഷയിലും കാണാൻ സാധിച്ചത്. മിന്നി മിന്നി എന്ന് തുടങ്ങുന്ന ഗാനത്തിന് മികച്ച പ്രേക്ഷക സ്വീകാര്യതയായിരുന്നു ലഭിച്ചത്. അമൃത സുരേഷാണ് ഗാനം ആലപിച്ചത്.

പുതിയ പാട്ടിൽ പുതിയ ഗെറ്റപ്പ്

ചിത്രത്തിലെ ഏറ്റവും പുതിയ പാട്ട് പുറത്തിറങ്ങിയിട്ടുണ്ട്. കൂട് വിട്ട് എന്ന് തുടങ്ങുന്ന പാട്ടാണ് പുറത്തു വന്നിരിക്കുന്നത്.കൂട് വിട്ട് എന്ന് തുടങ്ങുന്ന ഗാനം ആലപിച്ചിരിക്കുന്നത് ബിന്ദു അനിരുദ്ധനാണ്. വിനായക് ശശികുമാറിന്റെ വരികള്‍ക്ക് ഇഫ്തി സംഗീത നല്‍കിയിരിക്കുന്നു. പാട്ടിലവ്‍ ഏറെ ശ്രദ്ധിക്കപ്പെട്ടത് താരത്തിന്റെ ഗെറ്റപ്പാണ്. ആദ്യം പുറത്തിറങ്ങിയ പാട്ടിൽ കണ്ട കൗമാരക്കാരിയായ രജിഷയെ അല്ല ഗാനത്തിൽ കണ്ടത്. ഒരു യുവതിയെയായിരുന്നു. കൗമാരത്തിൽ നിന്നുള്ള യൗവ്വനത്തിലേയ്ക്കുളള താരത്തിന്റെ മേയ്ക്ക് ഓവർ ശരിയ്ക്കും ഞെട്ടിപ്പിച്ചു.