തിയറ്റര്‍ തകര്‍ക്കാനും രാമലീലയെ ബഹിഷ്‌കരിക്കാനും പറഞ്ഞവര്‍ എവിടെ? രാമലീല 30 പിന്നിട്ടു...

മികച്ച ഓപ്പണിംഗ്

സിനിമയ്ക്കും രാമലീലയ്ക്കും എതിരെ ശക്തമായ ആഹ്വാനങ്ങള്‍ ഉണ്ടായിട്ടും രാമലീലക്ക് ബോക്‌സ് ഓഫീസില്‍ മികച്ച തുടക്കം ലഭിച്ചു. ഒരു ദിലീപ് ചിത്രത്തിന് ലഭിക്കുന്ന മികച്ച തുടക്കമായിരുന്നു രാമലീലയ്ക്ക് ലഭിക്കുന്നത്. രണ്ടര കോടിയോളമായിരുന്നു ചിത്രത്തിന്റെ ആദ്യ ദിന കളക്ഷന്‍.

റെക്കോര്‍ഡ് വാരാന്ത്യം

പൂജ റിലീസായി സെപ്തംബര്‍ 28 വ്യാഴാഴ്ച തിയറ്ററിലെത്തിയ ചിത്രത്തിന് തുടക്കം ലഭിച്ച് പ്രേക്ഷക പ്രാതിനിധ്യം തുടര്‍ ദിവസങ്ങളിലും നിലനിര്‍ത്താനായി. ആദ്യ വാരാന്ത്യം പത്ത് കോടിക്ക് മുകളിലാണ് രാമലീല കളക്ട് ചെയ്തത്.

അതിവേഗം 20 കോടി

റിലീസ് ചെയ്ത് 11 കോടി പിന്നിടുമ്പോഴേക്കും 20 കോടിയിലധികം കളക്ഷന്‍ രാമലീല നേടി. അതിവേഗം 20 കോടി ക്ലബ്ബിലെത്തിയ മലയാള ചിത്രമെന്ന് റെക്കോര്‍ഡ് രാമലീല നേടി. പുലിമുരുകനും ദ ഗ്രേറ്റ് ഫാദറുമാണ് ആദ്യ സ്ഥാനങ്ങളില്‍.

30 ദിവസം 30 കോടി

രാമലീല തിയറ്റില്‍ വിജയകരമായ 30 കോടി പിന്നിട്ടിരിക്കുകയാണ്. ഇതിനിടെ മലയാളത്തിലും തമിഴിലുമായി നിരവധി ചിത്രങ്ങള്‍ പുറത്തിറങ്ങിയെങ്കിലും അവയൊന്നും രാമലീലയെ ബാധിച്ചില്ല. 30 ദിവസം കൊണ്ട് 30.82 കോടി കളക്ഷന്‍ ചിത്രം നേടി.

മള്‍ട്ടിപ്ലക്‌സിലും രാമലീല

റിലീസ് ചെയ്ത് 30 ദിവസം പിന്നിടുമ്പോഴും കൊച്ചി മള്‍ട്ടിപ്ലക്‌സില്‍ വ്യക്തമായ സ്‌ക്രീന്‍ പ്രസന്‍സ് രാമലീലയ്ക്കുണ്ട്. വിവിധ മള്‍ട്ടിപ്ലക്‌സുകളിലായി ദിവസം ആറ് ഷോകള്‍ ചിത്രത്തിനുണ്ട്. ഇതിനോടകം 1.34 കോടി ചിത്രം കൊച്ചി മള്‍ട്ടിപ്ലക്‌സില്‍ നിന്നും നേടി.

വേള്‍ഡ് വൈഡ് റിലീസ്

കേരളത്തിലും ചെന്നൈ, ബംഗളൂരു നഗരങ്ങളിലായി 169 തിയറ്ററിലായി റിലീസ് ചെയ്ത രാമലീല ഒക്ടോബര്‍ 26, 27 തിയതികളിലായി ലോകത്തിലെ വിവിധ രാജ്യങ്ങളില്‍ പ്രദര്‍ശനത്തിനെത്തി. വിവിധ രാജ്യങ്ങളിലായി 250ലേറെ സ്‌ക്രീനുകളിലാണ് രാമലീല റിലീസ് ചെയ്തിരിക്കുന്നത്.

50 കോടിയിലേക്ക്

കേരളത്തില്‍ നിന്ന് മാത്രം 30 ദിവസം കൊണ്ട് 30 കോടി പിന്നിട്ട ചിത്രം ആഗോള കളക്ഷന്‍ കൂടെ ലഭിക്കുമ്പോള്‍ അധികം വൈകാതെ 50 കോടി ക്ലബ്ബിലെത്തും. ടൂ കണ്‍ട്രീസിന് പിന്നാലെ 50 ക്ലബ്ബിലെത്തുന്ന ദിലീപ് ചിത്രമായിരിക്കും രാമലീല. ഇതോടെ ഒന്നിലധികം 50 കോടി ചിത്രങ്ങളുള്ള മൂന്നാമത്തെ നടനായി ദിലീപ് മാറും.