ആര് വന്നാലും അവിടെ നിന്ന് ദിലീപിനെ മാറ്റാന്‍ കഴിയില്ല, ഇത് അല്പം വ്യത്യസ്തമായ ലീല!!

ഒരു കോടി കടന്നു

കൊച്ചി മള്‍ട്ടിപ്ലക്‌സില്‍ വിജയകരമായി പ്രദര്‍ശനം തുടരുകയാണ് രാമലീല. ഫോറം കേരളം റിപ്പോര്‍ട്ടുകള്‍ പ്രകാരം കൊച്ചി മള്‍ട്ടിപ്ലക്‌സില്‍ നിന്ന് 18 ദിവസം കൊണ്ട് ചിത്രം ഒരു കോടിയ്ക്ക് മുകളില്‍ കലക്ഷന്‍ നേടിക്കഴിഞ്ഞു.

അവിടെ നിന്ന് മാറില്ല

ഇപ്പോഴും കൊച്ചി മള്‍ട്ടിപ്ലക്‌സില്‍ നമ്പര്‍ വണ്‍ രാമലീല തന്നെയാണ്. പുതിയ റിലീസ് ചിത്രങ്ങള്‍ക്കൊന്നും ദിലീപിന്റെ രാമലീലയെ മാറ്റാന്‍ കഴിഞ്ഞിട്ടില്ല. 21 ഷോകളാണത്രെ വാരാന്ത്യംഒരു ദിവസം ചിത്രത്തിന് ലഭിച്ചത്. കലക്ഷനും ഗംഭീരമാണ്.

ഇത് മൂന്നാം തവണ

ഇതാദ്യമല്ല, കൊച്ചി മള്‍ട്ടിപ്ലക്‌സില്‍ ദിലീപ് ചിത്രം ഒരു കോടിയ്ക്ക് മുകളില്‍ കലക്ഷന്‍ നേടുന്ന മൂന്നാമത്തെ ചിത്രമാണ് രാമലീല. ടു കണ്‍ട്രീസാണ് ഏറ്റവുമാദ്യം കൊച്ചി മള്‍ട്ടിപ്ലക്‌സില്‍ ഒരു കോടി നേടിയ ദിലീപ് ചിത്രം. കിങ് ലയറാണ് മറ്റൊരു ചിത്രം.

കണ്‍ട്രീസിനെ വെട്ടുമോ

2015 ല്‍ റിലീസ് ചെയ്ത ടു കണ്‍ട്രീസ് കൊച്ചി മള്‍ട്ടിപ്ലക്‌സില്‍ നിന്ന് നേടിയത് 2.58 കോടി രൂപയാണ്. ഇതാണ് ദിലീപിന്റെ റെക്കോഡ് നേട്ടം. രാമലീല ഈ ജൗത്രയാത്ര തുടരുകയാണെങ്കില്‍ ടു കണ്‍ട്രീസിന്റെ റെക്കോഡ് തിരുത്തിയെഴുതും എന്ന കാര്യത്തില്‍ സംശയമില്ല.

ആകെ മൊത്തം

ആകെ മൊത്തം ടോട്ടലായി കേരളത്തില്‍ നിന്ന് മാത്രം ചിത്രം 25 കോടിയ്ക്ക് മുകളില്‍ കലക്ഷന്‍ നേടിക്കഴിഞ്ഞു. കേരളത്തിന് പുറത്തുള്ള കണക്കുകളും കൂടെ ആകുമ്പോള്‍ മൂപ്പത് കോടിയ്ക്ക് മുകളിലുണ്ടെന്നാണ് റിപ്പോര്‍ട്ടുകള്‍.