രാമലീല നിരാശപ്പെടുത്തിയില്ല! കൊച്ചി മള്‍ട്ടിപ്ലെക്‌സില്‍ നിന്നും വാരിയത് എത്രയാണെന്ന് അറിയാമോ?

തുടക്കം നന്നായി

രാമലീലയുടെ റിലീസ് പ്രതിസന്ധികള്‍ നേരിട്ടിരുന്നെങ്കിലും ഇപ്പോള്‍ സൂപ്പര്‍ ഹിറ്റ് സിനിമയായിട്ടാണ് പ്രദര്‍ശനം തുടരുന്നത്. ആദ്യദിനം തന്നെ മികച്ച വിലയിരുത്തലുകള്‍ കിട്ടിയ സിനിമ നാല് ദിവസം കൊണ്ട് കോടികളാണ് വാരിക്കൂട്ടിയത്.

കൊച്ചി മള്‍ട്ടിപ്ലെക്‌സ്

സെപ്റ്റംബര്‍ 28 ന് തന്നെ രാമലീല കൊച്ചി മള്‍ട്ടിപ്ലെക്‌സിലും പ്രദര്‍ശിപ്പിച്ചിരുന്നു. 21 ഷോ ആയിരുന്നു ചിത്രത്തിന് കിട്ടിയിരുന്നത്. എന്നാല്‍ ഒട്ടും മോശമില്ലാതെ തന്നെ 6.78 ലക്ഷമായിരുന്നു ചിത്രം നേടിയിരുന്നത്.

മറ്റൊരു പ്രതിസന്ധി

രാമലീല റിലീസിന് എത്തിയ അന്ന് തന്നെ മഞ്ജു വാര്യരുടെ ഉദാഹരണം സുജാതയും റിലീസ് ചെയ്തിരുന്നു. തൊട്ട് അടുത്ത ദിവസം ബിജു മേനോന്റെ ഷെര്‍ലക് ടോംസും ടൊവിനോ തോമസിന്റെ തരംഗവും റിലീസ് ചെയ്തിരുന്നു.

രണ്ടാം ദിവസവും മോശമില്ല

രാമലീലയ്‌ക്കൊപ്പം മത്സരിക്കാന്‍ മറ്റ് മൂന്ന് സിനിമകള്‍ ഉണ്ടായിരുന്നെങ്കിലും ഒട്ടും മോശം വരുത്തിയില്ല. രണ്ടാം ദിവസം 6.92 ലക്ഷമായിരുന്നു സിനിമ നേടിയ കളക്ഷന്‍.

കളക്ഷന്‍ കൂടി

ദിവസങ്ങള്‍ കഴിയുന്നതിനനുസരിച്ച് രാമലീലയുടെ കളക്ഷനും കൂടി വരാന്‍ തുടങ്ങിയിരുന്നു. ആദ്യ രണ്ട് ദിവസങ്ങളിലേതിനേക്കാള്‍ മൂന്നാം ദിനം 7.30 ലക്ഷമായിരുന്നു. ഒടുവില്‍ നാല് ദിവസം കൊണ്ട് 27.80 ലക്ഷമാണ് കൊച്ചി മള്‍ട്ടിപ്ലെക്‌സില്‍ നിന്നും സിനിമയ്ക്ക് കിട്ടിയ കളക്ഷന്‍.

ഒരു കോടി നേടും?

മികച്ച പ്രതികരണം നേടി മുന്നോട്ട് പോവുന്നതിനാല്‍ കൊച്ചി മള്‍ട്ടിപ്ലെക്‌സില്‍ നിന്നും രാമലീല ഒരു കോടിയ്ക്ക് മുകളില്‍ നേടുമെന്നാണ് പറയുന്നത്. ഓണത്തിന് പുറത്തിറങ്ങിയ താരരാജാക്കന്മാരുടെ സിനിമകളുടെ റെക്കോര്‍ഡ് രാമലീല മറി കടന്നിരിക്കുകയാണ്.