ഉര്‍വശിയെ വെള്ളം കുടിപ്പിച്ച കുട്ടി, ഇന്ന് പ്രിന്‍സിപ്പാള്‍! മമ്മൂട്ടി ചിത്രത്തിലൂടെ വെള്ളിത്തിരയിൽ

ഇന്നസെന്നിന്റേയും മീനയുടേയും മകളായി ചിത്രത്തിലെത്തിയ ആ പെൺകുട്ടി പ്രേക്ഷകർക്കിടയിൽ അത്ര സുപരിചിതയല്ല. പിന്നീട് അധികം ചിത്രത്തിലൊന്നും ഈ പെൺകുട്ടിയെ കണ്ടിട്ടുമില്ല. എന്നാൽ വർഷങ്ങൾക്ക് ശേഷം വീണ്ടും വെള്ളിത്തിരയിൽ എത്തുകയാണ്. ഇത്തവണ വലിയൊരു ചിത്രത്തിൽ അത്ര വലുതല്ലാത്ത റോളിലാണ് അവർ എത്തുന്നത്.

അന്ന് ഇംഗ്ലീഷ് മീഡിയം സ്കൂൾ വിദ്യാർഥിനിയാണെങ്കിൽ ഇന്ന് കോളേജ് പ്രിൻസിപ്പാളായിട്ടാണ് ഇവർ എത്തുന്നത്. പേര് സിന്ധു മനു വർമ്മ. നടൻ ജഗന്നാഥ വർമയുടെ മകൻ മനു വർമയുടെ മകന്റെ ഭാര്യയാണ് സിന്ധു. രമേഷ് പിഷാരടി സംവിധാനം ചെയ്യുന്ന മമ്മൂട്ടി ചിത്രമായ ഗാനഗന്ധർവ്വനിലൂടെയാണ് സിന്ധ വീണ്ടും വെള്ളിത്തിരയിൽ എത്തുന്നത്. തലയണമന്ത്രത്തിൽ ഇംഗ്ലീഷ് മീഡിയം വിദ്യാര്‍ഥിനി ആയിരുന്നെങ്കില്‍ ഇന്ന് ലക്ഷ്മിയെന്ന സ്‌കൂള്‍ പ്രിന്‍സിപ്പാളായാണ് നടി അഭിനയിക്കുന്നത്.

രമേഷ് പിഷാരാടിയാണ് സിന്ധുവിനെ പ്രേക്ഷകർക്കായി പരിചയപ്പെടുത്തിയിരിക്കുന്നത്. ഫേസ്ബുക്ക് പോസ്റ്റിലൂടെയായിരുന്നു ഗാനഗന്ധർവ്വനിലെ സിന്ധുവിന്റെ റോളിനെ കുറിച്ച് വെളിപ്പെടുത്തിയത്. 25/40. സിന്ധു മനു വർമ്മ .ലൊക്കേഷനിൽ എത്തിയപ്പോൾ ആളെ നല്ല പരിചയം...'തലയിണമന്ത്രം' എന്ന ചിത്രത്തിൽ കരാട്ടെ കാരനായ ഇന്നസെന്റ് ചേട്ടന്റെയും മീന ചേച്ചിയുടെയും മകൾ ( ജാക്കിചാന്റെ ആരാധിക)ആയി അഭിനയിച്ച അതേ ആൾ...
അന്ന് ഇംഗ്ലീഷ് മീഡിയം വിദ്യാർത്ഥി ആയിരുന്നു ഇന്ന് പ്രിൻസിപ്പാൾ..മലയാള സിനിമയ്ക്ക് സുപരിചിതനായ അനശ്വര നടൻ ജഗന്നാഥ വർമയുടെ മരുമകൾ ആണ് സിന്ധു മനു വർമ്മ-പിഷാരടി ഫേസ്ബുക്കിൽ കുറിച്ചു.

നടൻ രമേഷ് പിഷാരടി സംവിധാനം ചെയ്യുന്ന രണ്ടാമത്തെ ചിത്രമാണ് ഗാനഗന്ധർവൻ. മമ്മൂട്ടി കേന്ദ്രകഥാപാത്രമായി എത്തുന്ന ചിത്രത്തിൽ മലയാളത്തിലെ മുൻനിര താരങ്ങളൊക്കെ പ്രധാന കഥാപാത്രത്തെ അവതരിപ്പിക്കുന്നു. ചിത്രത്തിൽ കലാസദന്‍ ഉല്ലാസ് എന്ന കഥപാത്രത്തെയാണ് മമ്മൂട്ടി അവതരിപ്പിക്കുന്നത്.ഗാനഗന്ധര്‍വ്വനില്‍ മമ്മൂക്ക മൂന്ന് വൃത്യസ്ത ഗെറ്റപ്പുകളിലാണ് എത്തുന്നതെന്നാണ് അറിയുന്നത്. സിനിമയുടെ സെറ്റില്‍ നിന്നുളള താരത്തിന്റെ ലൊക്കേഷന്‍ ചിത്രങ്ങള്‍ നേരത്തെ സോഷ്യല്‍ മീഡിയയില്‍ വൈറലായി മാറിയിരുന്നു. സെപ്റ്റംബർ 26 ആണ് ചിത്രം റിലീസിനായി എത്തുന്നത്,