രണ്ടാമൂഴത്തിന് ഒാഗസ്റ്റില്‍ തുടക്കമാവും! സുപ്രധാന വെളിപ്പെടുത്തലുമായി ശ്രീകുമാര്‍ മേനോന്‍! കാണൂ!

ഓഗസ്റ്റില്‍ തുടങ്ങും

മോഹന്‍ലാല്‍ നായകനായെത്തുന്ന രണ്ടാമൂഴത്തിന് 2019 ഓഗസ്റ്റില്‍ തുടക്കമാവുമെന്നുള്ള വിവരമാണ് ശ്രീകുമാര്‍ മേനോന്‍ പങ്കുവെച്ചത്. ഭീമനായാണ് മോഹന്‍ലാല്‍ എത്തുന്നത്. സിനിമയുമായി ബന്ധപ്പെട്ട പ്ര്ശ്‌നങ്ങളെല്ലാം പരിഹരിച്ചുവെന്ന് സംവിധായകന്‍ വ്യക്തമാക്കിയതോടെ ആരാധകര്‍ സന്തോഷത്തിലാണ്. നേരത്തെ നിരവധി പേര്‍ ഈ സിനിമയുമായി എത്തുമെന്ന് അറിയിച്ചിരുന്നുവെങ്കിലും അത് യാഥാര്‍ത്ഥ്യമായിരുന്നില്ല. പാതിവഴിയില്‍ ഉപേക്ഷിക്കുകയായിരുന്നു, അതേ അവസ്ഥ തന്നെയായിരിക്കുമോ ഇപ്പോഴത്തേത് എന്നായിരുന്നു ആരാധകരുടെ ചോദ്യം.

തെറ്റിദ്ധാരണകളായിരുന്നു

സിനിമയ്ക്ക് തടസ്സങ്ങളൊന്നുമില്ലെന്നും തടസ്സങ്ങളായിരുന്നു ഉണ്ടായിരുന്നതെന്നും അതെല്ലാം മാറ്റാന്‍ കഴിയുന്നതായിരുന്നുവെന്നുമായിരുന്നു അദ്ദേഹം പറഞ്ഞത്. സിനിമയുടെ തിരക്കഥ തിരികെ ലഭ്യമാക്കണമെന്നും അഡ്വാന്‍സായി കൈപ്പറ്റിയ തുക തിരികെ നല്‍കാമെന്നും അദ്ദേഹം വ്യക്തമാക്കിയിരുന്നു. തെറ്റിദ്ധാരണകളെല്ലാം മാറ്റി 2019 ഓഗസ്റ്റില്‍ അത് തുടങ്ങുമെന്നുമാണ് ശ്രീകുമാര്‍ മേനോന്‍ പറയുന്നത്. ഒടിയന്റെ പ്രമോഷനുമായി ബന്ധപ്പെട്ട തിരക്കുകള്‍ക്കിടയിലായിരുന്നു ഇക്കാര്യത്തെക്കുറിച്ച് ചോദിച്ചത്.

തിരക്കഥ നേരത്തെ പൂര്‍ത്തിയാക്കി

ഇന്ത്യന്‍ സിനിമയിലെ തന്നെ ബ്രഹ്മാണ്ഡ ചിത്രമെന്ന ഖ്യാതിയോടെയാണ് രണ്ടാമൂഴം പ്രഖ്യാപനം നടന്നത്. സിനിമാലോകം ഏറെ പ്രതീക്ഷയോടെ ഉറ്റുനോക്കിയ സിനിമ കൂടിയായിരുന്നു ഇത്. എംടി വാസുദേവന്‍ നായരുടെ തിരക്കഥയില്‍ വിഎ ശ്രീകുമാര്‍ മേനോന്‍ സംവിധാനം ചെയ്യുന്ന സിനിമ നിര്‍മ്മിക്കുന്നത് വ്യവസായ പ്രമുഖനായ ബി ആര്‍ ഷെട്ടിയാണ്. 1000 കോടിയാണ് സിനിമയ്ക്കായി മുടക്കുന്നതെന്നും ഇന്ത്യന്‍ സിനിമ ഇന്നുവരെ കാണാത്ത തരത്തിലുള്ള ദൃശ്യവിസ്മയമാണ് ചിത്രത്തിനായി ഒരുക്കുന്നതെന്നുമൊക്കെയായിരുന്നു അന്നത്തെ റിപ്പോര്‍ട്ടുകള്‍. ഭീമന്റെ കഥയുമായെത്തുന്ന സിനിമയുടെ തിരക്കഥ നേരത്തെ തന്നെ പൂര്‍ത്തിയാക്കിയിരുന്നുവെന്നും അദ്ദേഹം അത് തന്നെ ഏല്‍പ്പിച്ചിരുന്നുവെന്നും സംവിധായകന്‍ വ്യക്തമാക്കിയിരുന്നു.

എംടിയുടെ പിന്‍മാറ്റം

സിനിമാലോകം ഒന്നടങ്കം കാത്തിരിക്കുന്ന ചിത്രത്തില്‍ നിന്നും എംടി വാസുദേവന്‍ നായര്‍ പിന്‍വാങ്ങുകയാണെന്നുള്ള റിപ്പോര്‍ട്ടുകളാണ് ഒരിടയ്ക്ക് പ്രചരിച്ചത്. സിനിമാപ്രേമികളെല്ലാം ഇത്തരമൊരു കാര്യത്തെക്കുറിച്ച് അറിഞ്ഞപ്പോള്‍ മുതല്‍ ആശങ്കയിലായിരുന്നു. സംവിധായകനുമായുള്ള കരാര്‍ കാലാവധി അവസാനിച്ചുവെന്നും തിരക്കഥ തിരികെ നല്‍കണമെന്നുമാവശ്യപ്പെട്ടായിരുന്നു എംടി വാസുദേവന്‍ നായര്‍ കോടതിയെ സമീപിച്ചത്.

സമീപനത്തിലെ അതൃപ്തി

സിനിമയുടെ അണിയറപ്രവര്‍ത്തകരുടെ സമീപനത്തില്‍ താന്‍ അതൃപ്തനാണെന്നും അദ്ദേഹം ചൂണ്ടിക്കാണിച്ചിരുന്നു. നാല് വര്‍ഷം മുന്‍പ് തന്നെ സിനിമയുടെ തിരക്കഥ കൈമാറിയിരുന്നുവെന്നും മൂന്ന് വര്‍ഷത്തേക്കായിരുന്നു തിരക്കഥയുടെ കരാറെന്നും മുന്‍കൂര്‍ വാങ്ങിയ തുക തിരികെ നല്‍കാന്‍ തയ്യാറാണെന്നും തിരക്കഥ തിരികെ ലഭിക്കണമെന്നുമാവശ്യപ്പെട്ടായിരുന്നു അദ്ദേഹം കോടതിയെ സമീപിച്ചത്. സിനിമയുടെ ചിത്രീകരണം അനിയന്ത്രിതമായി നീണ്ടതാണ് അദ്ദേഹത്തെ പ്രകോപിപ്പിച്ചത്.

ഒടിയന്‍ വൈകി

ഒടിയന് ശേഷം വിഎ ശ്രീകുമാര്‍ മേനോന്‍ സംവിധാനം ചെയ്യാനിരുന്ന സിനിമയായിരുന്നു രണ്ടാമൂഴം. മോഹന്‍ലാലും മഞ്ജു വാര്യരുമായിരുന്നു സിനിമയിലെ താരങ്ങള്‍. ഒടിയന് ശേഷം ഈ കൂട്ടുകെട്ട് അതേ പോലെ ഒരുമിച്ചെത്തുമെന്നായിരുന്നു റിപ്പോര്‍ട്ടുകള്‍. ഒടിയന്‍ വൈകിയപ്പോള്‍ അത് രണ്ടാമൂഴത്തെയും ബാധിക്കുകയായിരുന്നു. സിനിമയുടെ പ്രാരംഭ ഘട്ട ജോലികള്‍ തുടങ്ങിയെന്ന തരത്തിലുള്ള വാദമാണ് അണിയറപ്രവര്‍ത്തകര്‍ നേരത്തെ നിരത്തിയത്. ഇംഗ്ലീഷിലും മലയാളത്തിലുമുള്ള തിരക്കഥയാണ് എംടി സംവിധായകന് കൈമാറിയത്. നേരത്തെ മൂന്ന് വര്‍ഷത്തേക്ക് നല്‍കിയ നീട്ടി നല്‍കിയിരുന്നുവെങ്കിലും ചിത്രീകരണം ആരംഭിച്ചിരുന്നില്ല. നാല് വര്‍ഷം കഴിഞ്ഞിട്ടും സിനിമ തുടങ്ങാതിരുന്നതോടെയാണ് സിനിമയില്‍ നിന്നും പിന്‍വാങ്ങാന്‍ അദ്ദേഹം തീരുമാനിച്ചത്.

മോഹന്‍ലാലിന്റെ ഭീമന്‍

രണ്ടാമൂഴത്തില്‍ ഭീമനായാണ് മോഹന്‍ലാല്‍ എത്തുകയെന്നായിരുന്നു നേരത്തെ അറിയിച്ചിരുന്നത്. ഇതിഹാസ പുരുഷനായും ചരിത്ര കഥാപാത്രമായും അസാമാന്യ പ്രകടനം പുറത്തെടുത്തിട്ടുള്ള മോഹന്‍ലാലില്‍ ഭീമനും ഭദ്രമായിരിക്കുമെന്നായിരുന്നു ആരാധകരും വിലയിരുത്തിയത്. അദ്ദേഹത്തിന്റെ ലുക്കും സോഷ്യല്‍ മീഡിയയിലൂടെ തരംഗമായി മാറിയിരുന്നു. ഈ സിനിമ സംഭവിക്കുമെന്നറിഞ്ഞതിന്‍റെ ആശ്വാസത്തിലാണ് ആരാധകര്‍.