ഹോം

വാർത്ത

സൗത്ത് ഇന്ത്യന്‍ താരങ്ങളെ സംബന്ധിച്ച് പെട്ടന്ന് പോപ്പുലറാകുന്നത് ചിലപ്പോള്‍ ഒരു ബോളിവുഡ് ചിത്രത്തിലൂടെയാകാം. അല്ലെങ്കില്‍ സൗത്ത് ഇന്ത്യയില്‍ പെട്ടന്ന് ശ്രദ്ധിക്കപ്പെട്ട താരങ്ങളെല്ലാം ബോളിവുഡിലും തങ്ങളുടെ സാന്നിധ്യം അറിയിച്ചിട്ടുണ്ട്.

മോഹന്‍ലാല്‍, മമ്മൂട്ടി, പൃഥ്വിരാജ്, അസിന്‍ തുടങ്ങിയ താരങ്ങളെല്ലാം തന്നെ അതിനുദാഹരണം. ഇപ്പോഴിതാ ആ നിരയിലേക്കെത്തി നില്‍ക്കുകയാണ് മലയാളത്തിന്റെ യുവനായിക നസ്‌റിയ നസീമും.

മലയാളത്തില്‍ മാത്രമല്ല തമിഴിലും ഇതിനകം ഏറെ ശ്രദ്ധനേടിക്കഴിഞ്ഞിരിക്കുന്നു നസ്‌റിയ. സോയ് അക്തര്‍ സംവിധാനം ചെയ്യുന്ന ചിത്രത്തിലൂടെ നസ്‌റിയ ബോളിവുഡില്‍ അരങ്ങേറ്റം കുറിക്കാന്‍ ഒരുങ്ങുന്നു എന്നാണ് താരത്തെ സംബന്ധിച്ച് ഒടുവില്‍ കേള്‍ക്കുന്നറിപ്പോര്‍ട്ടുകള്‍.

ചിത്രത്തെ കുറിച്ച് കൂടുതല്‍ വിവരങ്ങളൊന്നും പുറത്തുവിട്ടിട്ടില്ല. അങ്ങനെ നസ്‌റിയ ബോളിവുഡിലേയ്ക്ക് പോകുമ്പോള്‍, വസ്ത്രധരണത്തിലും വേഷത്തിലും ഏറെ പ്രധാന്യം നല്‍കുന്ന താരത്തിന് തീര്‍ച്ചയായും അവിടെ ഇത്തിരി പ്രശ്‌നങ്ങളും നേരിടേണ്ടതായി വരുമെന്നാണ് നിരീക്ഷകരുടെ വിലയിരുത്തല്‍.

ദുല്‍ഖര്‍ സല്‍മാന്റെ നായികയായി അഭിനയിച്ച സലാല മൊബൈല്‍സ് എന്ന ചിത്രത്തിന്റെ റിലീസ് കാത്തിരിക്കുകയാണ് നസ്‌റിയയിപ്പോള്‍. ഷഹാന എന്ന മുസ്ലീം പെണ്‍കുട്ടിയെയാണ് ചിത്രത്തില്‍ നസ്‌റിയ അവതരിപ്പിച്ചിരിക്കുന്നത്. നിവിന്‍ പോളിയുടെ നായികയായി അഭിനയിക്കുന്ന ഓംശാന്തി ഓശാനയാണ് അത് കഴിഞ്ഞാല്‍ പുറത്തിറങ്ങുന്ന നസ്‌റിയ ചിത്രം.