പന്ത്രണ്ട് മാസവും പന്ത്രണ്ട് ചിത്രങ്ങളും!! ഷക്കീലയുടെ കലണ്ടർ ... കാണൂ

12 രൂപങ്ങൾ

ഷക്കീലയുടെ ജീവിതകഥ പറയുന്ന ചിത്രത്തിന്റെ പ്രമോഷന്റെ ഭാഗമായിട്ടാണ് കലണ്ടർ പുറത്തിറക്കുന്നത്. ഷക്കീലയുടെ 12 രൂപങ്ങളാണ് കലണ്ടറിൽ ഉണ്ടാവുക. ഇതിനായുള്ള തയ്യാറെടുപ്പിലാണ് നടി റിച്ച ഛദ്ദ. 1990 കളിൽ ആരാധകരുട ഹാർട്ട്ബീറ്റീസ് കൂട്ടിയ 12 കഥാപാത്രങ്ങളുടെ വേഷത്തിലാകും താരം റിച്ച എത്തുക. ഇതിന്റെ തയ്യാറെടുപ്പിലാണ് നടി റിച്ച ഛദ്ദ.

കലണ്ടർ ഉണ്ടാക്കുന്നത്

ചിത്രത്തിന്റെ പ്രമോഷന്റെ ഭാഗമായിട്ടാണ് ഷക്കീലയുടെ 12 കഥാപാത്രങ്ങളുടെ ചിത്രങ്ങൾ ചേർത്തുവെച്ചുള്ള കലണ്ടർ നിർമ്മിക്കുന്നത്. ചിത്രത്തിന്റെ റിലീസിന് മുൻപ് വ്യത്യസ്തമായി എന്തെങ്കിലും ചെയ്യണമെന്ന ആശയത്തിൽ നിന്നാണ് ഇതുണ്ടായിരിക്കുന്നത്. നടി റിച്ച ഛദ്ദ തന്നെയാണ് ഇക്കാര്യം വ്യക്തമാക്കിയത്. ചിത്രത്തിന്റെ പോസ്റ്റ് പ്രൊഡക്ഷൻ വർക്കുകൾ പുരോഗമിക്കുകയാണ്.

ചിത്രത്തിന്റെ ഫസ്റ്റ് ലുക്ക് പോസ്റ്റർ

ചിത്രത്തിന്റെ പോസ്റ്ററുകൾ ഏറെ ശ്രദ്ധിക്കപ്പെട്ടിരുന്നു. ആദ്യം പുറത്തു വന്ന പോസ്റ്ററിൽ സ്വർണ്ണാഭരണ വിഭൂഷിതായായി അർദ്ധ നഗ്നായായി താരം പ്രത്യക്ഷപ്പെട്ടത്. രണ്ടാമത്തെ പോസ്റ്ററിൽ മദ്യത്തിന്റെ ഗ്ലാസിൽ മോണോബിക്കിനി ധരിച്ച് ഇറങ്ങി നിൽക്കുന്നതാണ്. ഇത് രണ്ടാമത്തെ പോസ്റ്ററാണ് പുറത്തു വരുന്നത്. ചിത്രത്തിന്റെ പോസ്റ്ററിന് മികച്ച സ്വീകാര്യതയാണ് ലഭിച്ചിരിക്കുന്നത്. റിച്ച ഛദ്ദയാണ് ട്വിറ്റർ പേജിലൂടെ പേസ്റ്റർ പുറത്തു വിട്ടിരിക്കുന്നത്.

ഷക്കീല പോൺസ്റ്റാറല്ല

ഷക്കീലയുടെ ജീവിതത്തിൽ പ്രേക്ഷകർ കാണാത്തും അറിയാത്തതുമായ സംഗതികളാണ് ചിത്രത്തിലൂടെ പറയുന്നത്. ഇന്ദ്രജിത്ത് ലങ്കേഷ്കർ സംവിധാനം ചെയ്യുന്ന ചിത്രത്തിൽ ഷക്കീലയായി എത്തുന്ന റിച്ച ഛദ്ദയാണ്. ഷക്കീല നോട്ട് എ പോൺ സ്റ്റാർ എന്ന ടാഗലൈനോടു കൂടിയാണ് ചിത്രം പുറത്തു വരുന്നത് . ഷക്കീല ഒരു പോൺ താരമല്ലെന്നും അവരുടെ ജീവിതത്തിൽ ആരും കാണാത്ത ചില സംഭവ വികാസങ്ങളും അവർ സഞ്ചരിച്ച യാത്രകളുമാണ് ഈ ചിത്രത്തിന്റെ പ്രമേയമെന്നും നടി റിച്ച തന്നെ വ്യക്തിമാക്കിയിരുന്നു. കൂടാതെ ഇതേ അഭിപ്രായം തന്നെയാണ് സംവിധായകനും പ്രകടിപ്പിച്ചത്.

ഷക്കീലയുടെ ജീവിതത്തിൽ സംഭവിച്ചത്

നടി റിച്ചയുടെ നിലപാട് തന്നെയായിരുന്നു സംവിധായകൻ ഇന്ദ്രജിത്ത് ലങ്കേഷ്ക്കറിനും. ഷക്കീല എന്ന നടിയുടെ ജീവിതം സ്ക്രീനിൽ അവതരിപ്പിക്കുന്നതിനോടൊപ്പം അവരുടെ യഥാർഥ വ്യക്തിത്വം തുറന്നു കാട്ടാനുളള അവസരം കൂടിയാണിതെന്നും ഇന്ദ്രജിത്ത് ലങ്കേഷ്കർ പറഞ്ഞു. സിനിമയുടെ അകത്തും പുറത്തും ഷക്കീല എന്ന വ്യക്തി തന്നെ ഏറെ ആകർഷിച്ചിരുന്നു. അവരുടെ കഥപറയാൻ താൻ ഏറെ ആഗ്രഹിച്ചിരുന്നു എന്നും. അങ്ങനെയാണ് സിനിമ ചെയ്യാൻ തീരുമാനിച്ചതെന്നും സംവിധായകൻ പറഞ്ഞു.