ആ ചിത്രം തട്ടിപ്പായിരുന്നു, യഥാര്‍ത്ഥത്തിലുളള ഒന്ന് ഇപ്പോഴുണ്ടായിരുന്നെങ്കില്‍ എന്ന് ആഗ്രഹിച്ചു

എന്നാല്‍ പിന്നീട് മേക്കപ്പൊന്നുമില്ലാതെ തന്റെ യഥാര്‍ത്ഥ മുഖവും രൂപവും കാണിച്ചുകൊണ്ടുളള നടിയുടെ ചിത്രങ്ങളും വീഡിയോകളുമെല്ലാം ശ്രദ്ധേയമായിരുന്നു. വിമര്‍ശനങ്ങളും കളിയാക്കലുമായി എത്തുന്നവര്‍ക്കെല്ലാം വായടപ്പിക്കുന്ന മറുപടിയാണ് സമീറ റെഡ്ഡി നല്‍കാറുളളത്. സിനിമകള്‍ക്ക് പുറമെ ഒരുകാലത്ത് മോഡലിംഗ് രംഗത്തും സജീവമായ താരമായിരുന്നു സമീറ റെഡ്ഡി.

അതേസമയം നടിയുടെതായി വന്ന പുതിയ ഇന്‍സ്റ്റഗ്രാം പോസ്റ്റ് സോഷ്യല്‍ മീഡിയയില്‍ വൈറലായിരുന്നു. ഇത്തവണ സിനിമയിലും മോഡലിങ്ങിലും സജീവമായിരുന്ന കാലത്ത് എടുത്ത ഒരു ചിത്രം പങ്കുവെച്ചുകൊണ്ടാണ് നടി എത്തിയത്. ഇമേജ് എഡിറ്റിങ്ങ് സോഫ്ട് വെയറുകളുടെ സഹായത്തിലാണ് ഈ ചിത്രങ്ങളെല്ലാം തയ്യാറാക്കുന്നതെന്ന് തന്റെ പോസ്റ്റിലൂടെ സമീറ പറയുന്നു.

ഈ ചിത്രത്തില്‍ നീര്‍ച്ചുഴികളും മുഖക്കുരവും നിങ്ങള്‍ക്ക് കാണാന്‍ കഴിയുന്നുണ്ടോ എന്ന് നടി ചോദിക്കുന്നു. വയറില്‍ തൂങ്ങിക്കിടക്കുന്ന ചര്‍മം കാണുന്നുണ്ടോ. യഥാര്‍ത്ഥത്തിലുളള താടിയെല്ലും അരക്കെട്ടും കാണാന്‍ സാധിക്കുന്നുണ്ടോ. എന്റെ ഏത് ശരീരഭാഗമാണ് ഈ ചിത്രത്തില്‍ ടച്ച് അപ്പ് ചെയ്യാത്തത്. ഉത്തരം പറയാം. എന്റെ ശരീരത്തില എല്ലാ ഭാഗങ്ങള്‍ വ്യത്തിയാക്കുകയും വലിക്കുകയും മെലിയിക്കുകയും ചെയ്തിട്ടുണ്ട്.

Recommended Video

ആരാധകര്‍ കാത്തിരുന്ന മറുപടിയുമായി തൃഷ | Filmibeat Malayalam

എന്റെ കൈയ്യില്‍ എഡിറ്റ് ചെയ്യാത്ത യഥാര്‍ത്ഥ ചിത്രം ഇപ്പോഴുമുണ്ടായിരുന്നെങ്കില്‍ എന്നാഗ്രഹിക്കുകയാണ്. എന്റെ ശരീരം എങ്ങിനെയാണോ അങ്ങനെ അതിന് സ്‌നേഹിക്കാന്‍ എനിക്കല്‍പ്പം സമയം എടുക്കേണ്ടി വന്നു. നിങ്ങളെ ആനന്ദിപ്പിക്കാന്‍ നിങ്ങള്‍ക്ക് മാത്രമേ കഴിയൂ. സമീറ റെഡ്ഡി തന്റെ ഇന്‍സ്റ്റഗ്രാം പേജില്‍ കുറിച്ചു.

2002ല്‍ പുറത്തിറങ്ങിയ ബോളിവുഡ് ചിത്രം മേനേ ദില്‍ തുജ്‌കോ ദിയാ എന്ന സിനിമയിലൂടെ അരങ്ങേറ്റം കുറിച്ച താരമാണ് സമീറ റെഡ്ഡി. പിന്നാലെ ഹിന്ദിക്കൊപ്പം തെന്നിന്ത്യന്‍ ഭാഷകളിലും സജീവമാവുകയായിരുന്നു നടി. മലയാളത്തില്‍ ഒരു നാള്‍ വരും എന്ന ചിത്രത്തിലും നടി അഭിനയിച്ചിരുന്നു. മോഹന്‍ലാലും ശ്രീനിവാസനുമാണ് ചിത്രത്തില്‍ പ്രധാന വേഷങ്ങളില്‍ എത്തിയത്.