സംവൃത സുനില്‍ സിനിമയിലേക്ക് തിരിച്ചുവരുന്നു! നായകനായി ഒപ്പമെത്തുന്നത് ആരാണെന്നറിയുമോ? കാണൂ!

സംവൃത സുനില്‍ തിരിച്ചുവരുന്നു

വിവാഹ ശേഷം അഭിനയത്തോട് വിട പറയുന്ന അഭിനേത്രികളുടെ സ്ഥിരം ശൈലി തന്നെയായിരുന്നു സംവൃത സുനിലും പിന്തുടര്‍ന്നത്. വിവാഹ ശേഷം വിദേശത്തേക്ക് പോയതോടെ താരത്തെ കാണാനേ കിട്ടുന്നില്ലെന്നായിരുന്നു ആരാധകരുടെ പരാതി. ഇടയ്ക്ക് സോഷ്യല്‍ മീഡിയയിലൂടെ ചിത്രങ്ങള്‍ വൈറലാവാറുണ്ടെന്നല്ലാതെ താരത്തെക്കുറിച്ചുള്ള മറ്റ് വിശേഷങ്ങളൊന്നും അറിയാനേയുണ്ടായിരുന്നില്ല. നാളുകള്‍ക്ക് ശേഷം താരം സിനിമയിലേക്ക് തിരിച്ചെത്തുകയാണെന്നുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്.

നിരവധി അവസരങ്ങള്‍

മിനിസ്‌ക്രീനിലൂടെ തിരിച്ചുവന്ന താരത്തിനെത്തേടി നിരവധി അവസരങ്ങളെത്തിയിരുന്നു. താരത്തോട് നേരിട്ടും സിനിമാതിരിച്ചുവരവിനെക്കുറിച്ചുള്ള ചോദ്യങ്ങള്‍ ആരാധകര്‍ ഉന്നയിച്ചിരുന്നു. ബിജു മേനോന്‍ നായകനായെത്തുന്ന ചിത്രത്തിലൂടെയാണ് താരം തിരിച്ചുവരുന്നതെന്നുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്. ജി പ്രജിത്ത് സംവിധാനം ചെയ്യുന്ന സിനിമയിലൂടെയാണ് താരം തിരിച്ചുവരവിനൊരുങ്ങുന്നത്.

ഔദ്യോഗിക പ്രഖ്യാപനം ഉടന്‍

അമേരിക്കയിലുള്ള താരത്തിനോട് സിനിമയെക്കുറിച്ചും കഥാപാത്രത്തെക്കുറിച്ചുമൊക്കെ സംസാരിച്ചിരുന്നുവെന്നും താരം തിരിച്ചുവരവിനുള്ള തയ്യാറെടുപ്പിലുമാണെന്നാണ് റിപ്പോര്‍ട്ടുകള്‍. സിനിമയുടെ പേരും സംവൃതയുടെ വരവിനെക്കുറിച്ചുള്ള ഔദ്യോഗിക വിവരങ്ങള്‍ അടുത്ത് തന്നെ പുറത്തുവരുമെന്നും റിപ്പോര്‍ട്ടുകളുണ്ട്. സിനിമാലോകവുംആരാധകരും ഒരുപോലെ കാത്തിരിക്കുകയാണ് സംവൃതയുടെ തിരിച്ചുവരവിനായി.

ദിലീപ് ചിത്രത്തിലൂടെ തുടങ്ങി

ലാല്‍ ജോസ് സംവിധാനം ചെയ്ത രസികനില്‍ തങ്കി എന്ന കഥാപാത്രത്തെയാണ് താരം അവതരിപ്പിച്ചത്. നുണക്കുഴി കവിളും നീണ്ട മുടിയുമായെത്തിയ ശാലീന സുന്ദരിയെ വളരെ പെട്ടെന്ന് തന്നെ പ്രേക്ഷകര്‍ സ്വീകരിച്ചിരുന്നു. മുന്‍നിര താരങ്ങള്‍ക്കും സംവിധായകര്‍ക്കുമൊപ്പമെല്ലാം പ്രവര്‍ത്തിക്കാനുള്ള അവസരവും സംവൃതയ്ക്ക് ലഭിച്ചിരുന്നു.

മികച്ച സ്വീകാര്യത

ആദ്യ ചിത്രത്തിലൂടെ തന്നെ ശ്രദ്ധിക്കപ്പെട്ട താരം കൂടിയാണ് സംവൃത. വ്യത്യസ്തമായ സിനിമകളുമായി താരമെത്തിയപ്പോള്‍ മികച്ച സ്വീകാര്യതയായിരുന്നു താരത്തിന് ലഭിച്ചത്. ഏത് തരത്തിലുള്ള കഥാപാത്രത്തെ അവതരിപ്പിക്കാനും തനിക്ക് കഴിയുമെന്നും താരം തെളിയിച്ചിരുന്നു. ഗ്ലാമറസ് രംഗങ്ങളോട് തുടക്കം മുതലേ തന്നെ അകലം പാലിച്ച താരം കൂടിയാണ് സംവൃത. മോഡേണ്‍ വേഷവും നാടന്‍ കഥാപാത്രത്തെയും ഒരുപോലെ അവിസ്മരണീയമാക്കാന്‍ താരത്തിന് കഴിഞ്ഞിരുന്നു.