കെട്ടിപ്പിടിച്ച് ഫോട്ടോ എടുക്കാന്‍ ബിജു മേനോന്‍ സമ്മതിക്കില്ലെന്ന് സംയുക്ത വര്‍മ്മ! കാരണം ഇതാണ്

സോഷ്യല്‍ മീഡിയയില്‍ സജീവമല്ല

ഞാൻ ഇപ്പോഴാണ് ഇൻസ്റ്റാഗ്രാമിൽ അക്കൗണ്ട് എടുത്തത്. സോഷ്യൽ മീഡിയ നമ്മളെ അഡിക്റ്റ് ആക്കിക്കളയും. വാട്സാപ്പ് പോലും അൺ ഇൻസ്റ്റാൾ ചെയ്തു ഫോണിന്റെ ബാറ്ററി ഊരി വയ്ക്കുന്ന ഒരാളാണ് ഞാൻ. യോഗയ്ക്ക് പോകുമ്പോൾ ഒരു ഗ്രൂപ്പ് ഉണ്ടാകുമല്ലോ, അവരെ കോൺടാക്ട് ചെയ്യാൻ വേണ്ടി മാത്രമാണ് ഇൻസ്റാഗ്രാമിൻ അക്കൗണ്ട് എടുത്തത്. യോഗ ചെയ്യുന്ന ചിത്രങ്ങളാണ് കൂടുതലും പോസ് ചെയുന്നത്. സോഷ്യൽ മീഡിയ അധികം ഉപയോഗിക്കാറില്ല.

Recommended Video

Stars including Dileep, Prithviraj and Biju Menon attended Director Sachy's funeral

താല്‍പര്യമില്ല

ബിജുവേട്ടന്റെ കാര്യം അതിലും കഷ്ടമാണ്. മൂപ്പർക്ക് ഫേസ്ബുക്കിലും ഇൻസ്റ്റഗ്രാമിലും പേജുണ്ട്. ഇൻസ്റ്റാഗ്രാമിൽ ഇത് വരെയുള്ളത് രണ്ട് ചിത്രങ്ങളാണ്. ഫേസ്ബുക് അഡ്മിൻ മറ്റൊരാളാണ്. വെഡിങ് ആനിവേഴ്സറി ഒക്കെ വരുമ്പോൾ അഡ്മിൻ വിളിക്കും " ഒരു കപ്പിൾ ഫോട്ടോ എടുത്തു അയക്കാമോ "എന്ന് ചോദിക്കും. ബിജുവേട്ടന് അതിലൊന്നും ഒരു താല്പര്യവുമില്ല.

എണ്‍പതുകളിലെപ്പോലെ

തോളിൽ ഒന്ന് കൈ പോലും വയ്ക്കാതെ എൺപതുകളിലെ പോലെ ഒരു ഫോട്ടോ ഒടുവിൽ എടുക്കും. " ബ്ലാക്ക് ആൻഡ് മതിട്ടോ എന്നൊരു അഭിപ്രായവും പാസ്സാക്കുമെന്നും സംയുക്ത വര്‍മ്മ പറയുന്നു. സോഷ്യല്‍ മീഡിയയില്‍ സജീവമാവുന്നതോ ഇടയ്ക്കിടയ്ക്ക് ഫോട്ടോ മാറ്റുന്നതൊന്നും ഇരുവര്‍ക്കും ഇഷ്ടമല്ലാത്ത പരിപാടിയാണ്. എന്നാല്‍ ആരാധകരാവട്ടെ ഇതിനായി കാത്തിരിക്കുന്നവരുമാണ്.

യോഗയില്‍ സജീവം

സിനിമയില്‍ നിന്നും ഇടവേള എടുത്ത സമയത്തായിരുന്നു സംയുക്ത വര്‍മ്മയുടെ ശ്രദ്ധ യോഗയിലേക്ക് തിരിഞ്ഞത്. ബിജു മേനോനാവട്ടെ ഭാര്യയുടെ ഈ ആഗ്രഹത്തിന് ശക്തമായ പിന്തുണയായിരുന്നു നല്‍കിയത്. ഇടയ്ക്ക് യോഗാചിത്രങ്ങളും വീഡിയോയുമൊക്കെയായി താരം എത്താറുമുണ്ട്. അടുത്തിടെ പങ്കുവെച്ച യോഗ വീഡിയോ സോഷ്യല്‍ മീഡിയയിലൂടെ വൈറലായി മാറിയിരുന്നു.