സംയുക്ത തിരിച്ചുവരും, ഇപ്പോഴല്ല, ഇപ്പോള്‍ തിരിച്ചുവരാത്തതിന് കാരണം; ബിജു മേനോന്‍ പറയുന്നു

ഇപ്പോള്‍ പ്രചരിയ്ക്കുന്ന വാര്‍ത്ത വ്യാജം

സംയുക്ത വര്‍മ സിനിമയിലേക്ക് തിരിച്ചുവരുന്നു എന്ന് പറഞ്ഞ് ഇപ്പോള്‍ പ്രചരിയ്ക്കുന്ന വാര്‍ത്ത വ്യാജമാണെന്നും, ഇപ്പോള്‍ സിനിമയിലേക്ക് മടങ്ങി വരുന്നില്ല എന്നും ബിജു മേനോന്‍ പറയുന്നു.

പക്ഷെ സംയുക്ത വര്‍മ തിരിച്ചുവരും, അഭിനയിക്കും

അതേ സമയം, സംയുക്ത വര്‍മ തിരിച്ചുവരും എന്നും അഭിനയിക്കും എന്നും ബിജു മേനോന്‍ ഉറപ്പു നല്‍കുന്നു. ഒരുപാട് സംവിധായകര്‍ കഥയുമായി സമീപിയ്ക്കുന്നുണ്ട്. നല്ല ഒരു കഥ കിട്ടിയാല്‍ സംയുക്ത തിരിച്ചുവരും.

ഞങ്ങള്‍ രണ്ട് പേരും ഒരുമിക്കുന്ന സിനിമ

സാള്‍ട്ട് മാംഗോ ട്രീ എന്ന ചിത്രത്തിന് വേണ്ടി സംയുക്തയെ വിളിച്ചിരുന്നു. അപ്പോള്‍ മടിച്ചത് സംയുക്ത തന്നെയാണ്. പക്ഷെ ഇനി നല്ലൊരു കഥ വന്നാല്‍ ഞങ്ങള്‍ രണ്ട് പേരും ഒരുമിച്ച് അഭിനയിക്കും

ഇപ്പോള്‍ അഭിനയിക്കാത്തതിന് കാരണം

മകന്റെ കാര്യങ്ങളൊക്കെയായി സംയുക്ത ഇപ്പോള്‍ തിരക്കിലാണ്. അതുകൊണ്ടാണ് ഇപ്പോള്‍ സിനിമയിലേക്ക് വരുന്ന കാര്യം ആലോചിക്കാത്തത്. മകനെ സംയുക്ത നോക്കുന്ന ഉറപ്പിലാണ് ഞാന്‍ ഷൂട്ടിങിന് വരുന്നത്- ബിജു മേനോന്‍