ആര് വിരുന്നിന് വന്നാലും കോഴിക്ക് കിടക്കപ്പൊറുതിയില്ല; സാന്ദ്ര തോമസിന് വീണ്ടും പണികിട്ടി!!

പ്രതികരണവുമായി സാന്ദ്ര

വിഷയത്തില്‍ പ്രതികരണവുമായി സാന്ദ്ര തോമസ് ഫേസ്ബുക്കിലെത്തി. തനിക്കെതിരെ, തന്റെ ഫോട്ടോസഹിതം വാര്‍ത്ത പ്രചരിപ്പിച്ച ഓണ്‍ലൈന്‍ മാധ്യമങ്ങളുടെ വാര്‍ത്തയുടെ സ്‌ക്രീന്‍പ്രിന്റ് സഹിതമാണ് സാന്ദ്രയുടെ ഫേസ്ബുക്ക് പോസ്റ്റ്.

ഇതിനൊക്കെ എന്ത് പറയാനാ

ആര് വിരുന്നിനു വന്നാലും കോഴിക്ക് കിടക്കപ്പൊറതി ഇല്ലെന്നു പറഞ്ഞത് പോലെയാണ് എന്റെ കാര്യം. ഏതോ ഒരു സാന്ദ്ര തോമസിനെതിരെയുള്ള കോടികളുടെ അഴിമതിക്കേസും ഇപ്പോള്‍ എന്റെ തലയിലായി. ഇതിനൊക്കെ എന്തുപറയാനാണ് എന്ന് സാന്ദ്ര ചോദിയ്ക്കുന്നു

മനുഷ്യത്വം ഇല്ലാത്തവര്‍

മഞ്ഞ ഓണ്‍ലൈന്‍ സൈറ്റുകളുടെ പ്രചാരം വര്‍ധിപ്പിക്കാന്‍ സിനിമാതാരങ്ങളുടെ ജീവിതം തോന്നുന്നതുപോലെയാണ് ഉപയോഗിക്കുന്നത്. അത് അവരുടെ ജീവിതത്തെ എത്രമാത്രം വേദനിപ്പിക്കുന്നുവെന്നോ അപമാനിതരാകുന്നുവെന്നോ ഇവരൊന്നും ചിന്തിക്കുന്നില്ല. മനുഷ്യത്വം എന്നത് ഇവര്‍ക്കൊന്നും ഇല്ല.

നാണംകെട്ട പരിപാടി

നാളെ ഇനി ഐശ്വര്യ, അമല എന്ന പേരുള്ള ഒരു സ്ത്രീയെ ആണ് ഈ കേസില്‍ പിടിച്ചതെങ്കില്‍ ഇവര്‍ സിനിമാതാരങ്ങളായ ഐശ്വര്യയുടെയും അമലയുടെയും ചിത്രം കൊടുക്കുമോ? ഇത് മനഃപൂര്‍വം ചെയ്യുന്നതാണ്. ഒരാള്‍, അത് പ്രശസ്തരാണെങ്കില്‍ എത്രമാത്രം നാണംകെടുത്താം എന്നാണ് ഇക്കൂട്ടര്‍ വിചാരിക്കുന്നത്. കാള പെറ്റെന്നുകേള്‍ക്കുമ്പോഴെ കയറെടുക്കുന്നവരോട് ഒന്നേ പറയാനൊള്ളൂ ഇതൊരു നാണംകെട്ട പരിപാടിയാണ്.

മാനുഷിക പരിഗണന നല്‍കണം

നടി എന്നതിലുപരി ഒരു സ്ത്രീയാണ് ഞാന്‍. ആ പരിഗണന വേണം എന്ന് ആവശ്യപ്പെടുന്നില്ല. പക്ഷേ ഏതൊരു മനുഷ്യ ജീവിയും അര്‍ഹിക്കുന്ന മാനുഷിക പരിഗണന എനിക്കും അവകാശപ്പെട്ടതാണ്- സാന്ദ്ര തോമസ് ഫേസ്ബുക്കിലെഴുതി

ഇതാണ് പോസ്റ്റ്

ഇതാണ് സാന്ദ്ര തോമസിന്റെ ഫേസ്ബുക്ക് പോസ്റ്റ്. മുഴുനായി വായിക്കൂ..