സിനിമയോട് ഒരു പരിധി വിട്ടിട്ടുള്ള സ്‌നേഹമില്ല!! മനസ്സിലുളളത്... തുറന്ന് പറഞ്ഞ് സന്തോഷ് പണ്ഡിറ്റ്

ജനങ്ങളുടെ ആവശ്യം ഇതാണ്

ഒരു യഥാർഥ കലാകാരൻ ആരാണെന്നുളള തിരച്ചിലിൽ നിന്ന് തനിയ്ക്ക് ഒരുപാട് കാര്യങ്ങൾ മനസ്സിലായി. ഇന്നത്തെ സമൂഹത്തിന്റെല ചിന്തഗതി എന്താണെന്നും അവർക്ക് എന്താണ് വണ്ടതെന്നുമുള്ളത് തനിയ്ക്ക് കൃത്യമായി അറിയാം. എല്ലാവർക്കും ആവശ്യം വിനോദമാണ് ജനങ്ങളുടെ താൽപര്യം അടിക്കടി മാറുന്നുമുണ്ട്. എന്നാൽ പ്രേക്ഷകർക്ക് അതെങ്കനെ നൽകും എന്നത് പ്രസക്തമല്ലെന്നും അദ്ദേഹം പറഞ്ഞു.

എന്റെ ചിത്രങ്ങൾക്ക് പെർഷെക്ഷൻ വേണ്ട

അവാർഡ് ചിത്രങ്ങൾ നൂറ് ദിവസം തികച്ച് ഓടാറില്ല, പകരം ഓടുന്ന ചിത്രങ്ങൾ ഇടിയും നാലഞ്ച് പേർ മരിച്ചു വീഴുന്നതുമായ സിനിമകളാണ്. അത്തരം സിനിമകൾക്ക് വൻ കയ്യടിയാണ് ലഭിക്കുന്നത്. ഇതാണോ കലയെന്നും ചോദിക്കുന്നുണ്ട്. കാര്യങ്ങൾ റിവേഴ്സ് ഓഡറിൽ നോക്കി കാണുന്ന ആളാണ് ഞാൻ. എന്റെ ചിത്രങ്ങൾ നൂറ് ശതമാനം പെർഫെക്ഷൻ വേണ്ടെന്നാണ് എന്റെ തീരുമാനം. എന്റെ വീട് വിറ്റ് കലയുണ്ടാക്കാമെന്ന് വിചാരിച്ചിട്ടില്ലെന്നും പണ്ഡിറ്റ് പറഞ്ഞു.

ബിസിനസ് മൈന്റ്

സിനിമയോടെ സാഹിത്യത്തിനോടൊ കലയോടൊ ഒരുപരിധി വിട്ടുള്ള സ്നേഹമെന്നും തനിയ്ക്കില്ലെന്നും താരം തുറന്ന് സമ്മതിച്ചിട്ടുണ്ട്. മുടക്കുന്ന പണം തിരിച്ച് കിട്ടണം എന്നു തന്നെയാണ് താൻ ആഗ്രഹിക്കുന്നത്. അത് മനസ്സിൽവച്ചുകൊണ്ടാണ് ഓരോ ചിത്രങ്ങളും ഒരുക്കുന്നത്. പണത്തിനു വേണ്ടി തന്നെയാണ് ഇവിടെ ആളുകൾ സിനിമ ചെയ്യുന്നത്. താനും ഒരു ബിസിനസുകാരൻ തന്നെയാണെന്നും സന്തോഷ് പണ്ഡിറ്റ് പറഞ്ഞു.

കലയെ സ്നേഹിക്കുന്നവർ ചെയ്യേണ്ടത്

കലയെ സ്നേഹിക്കുന്നവർ സാമൂഹിക പ്രതിബന്ധത കാണിക്കണമെന്നും സന്തോഷ് പണ്ഡിറ്റ് പറഞ്ഞു. എന്നാൽ ഇവിടെ ആരും അതിന് തയ്യാറാകുന്നില്ല. നേഴ്സുമാരുടെ സമരത്തെ പിന്തുണച്ച് സിനിമ എടുത്ത് അവാർഡ് മേടിച്ചവർ പേലും അവർ സമരം ചെയ്ത ഇടത്ത് പോയിട്ടില്ല. ഇന്നും അയിത്തം നിലനിൽക്കുന്ന ഗോവിന്ദാപുരം കോളനി, ഗർഭിണികൾ മരിച്ചു വീഴുന്ന അട്ടപ്പാടി എന്നിവിടങ്ങളിലൊക്കെ എത്ര സംവിധായകർ പോയിട്ടുണ്ട്. എന്നാൽ ഇവിടെയാക്കെ പോയി തന്നാൽ കഴിയുന്ന സഹായങ്ങൾ ചെയ്ത ആളാണ് താനൊന്നും സന്തോഷ് പണ്ഡിറ്റ് പറഞ്ഞു.

പ്രമുഖനാവാനുളള മോഹം കടന്നു കൂടി

സമൂഹത്തിൽ മുഖം മൂടിയില്ലാതെ ജീവിക്കാൻ ഇഷ്ടപ്പെടുന്ന ആളാണ് താൻ. അതുകൊണ്ട് തന്നെ പ്രേക്ഷകരുമായി നിരന്തരം സമൂഹമാധ്യമങ്ങളിലൂടെ ഇടപെടുന്നുമുണ്ടെ്. സാധാരണ ഒരു സർക്കാർ ഉദ്യോഗസ്ഥനായി കഴിച്ചു കൂട്ടുകയെന്നതിലുപരി, പ്രമുഖനാവണമെന്ന മോഹവും തന്റെയുള്ളില്‍ കടന്നു കൂടിയിരുന്നുവെന്നും അദ്ദേഹം പറഞ്ഞു.