വിജയ് ആരാധകര്‍ ആര്‍പ്പ് വിളിച്ചത് ചുമ്മാതല്ല! സര്‍ക്കാര്‍ കേരളത്തില്‍ കൊടുങ്കാറ്റായി, കോടികള്‍ വാരും

സര്‍ക്കാരിന് കിട്ടിയ സ്വീകരണം

മലയാളത്തിന് എക്കാലവും അഭിമാനിക്കാനുള്ള വരവായിരുന്നു കായംകുളം കൊച്ചുണ്ണി നടത്തിയത്. ബിഗ് റിലീസ് എന്ന് പറഞ്ഞെത്തിയ കൊച്ചുണ്ണിയ്ക്ക് 350 ന് മുകളില്‍ തിയറ്ററുകളായിരുന്നു റിലീസ് ദിവസം ലഭിച്ചിരുന്നത്. എന്നാല്‍ വിജയ് നായകനായി അഭിനയിച്ച സര്‍ക്കാരിന് 412 ഓളം സ്‌ക്രീനുകളായിരുന്നു റിലീസ് ദിവസം ലഭിച്ചത്. മൂന്നുറിലധികം ഫാന്‍സ് ഷോ കളായിരുന്നു സംഘടിപ്പിച്ചിരുന്നത്. അതില്‍ 25 എണ്ണം ലേഡീസ് ഫാന്‍സ് ഷോ കളുമായിരുന്നു. പല സെന്ററുകളിലും പുലര്‍ച്ചെ നാലര മണിയോടെ ഫാന്‍സ് ഷോ ആരംഭിച്ചിരുന്നു. 561 സ്‌ക്രീനുകളില്‍ 24 മണിക്കൂര്‍ മാരത്തോണ്‍ പ്രദര്‍ശനവും സംഘടിപ്പിച്ചിരുന്നു.

കോടികള്‍ വാരിക്കൂട്ടി...

കേരളത്തില്‍ നിന്നും ആദ്യമായിട്ടാണ് ഒരു സിനിമയ്ക്ക് നാനൂറിന് മുകളില്‍ പ്രദര്‍ശനം ലഭിക്കുന്നത്. റിലീസിന് മുന്‍പ് മൂന്‍കൂട്ടിയുള്ള ബുക്കിംഗും തകൃതിയായി നടന്നിരുന്നു. കേരളത്തില്‍ നിന്നും ഞെട്ടിക്കുന്ന കണക്കായിരുന്നു അഡ്വാന്‍സ് ബുക്കിംഗിലൂടെ സര്‍ക്കാര്‍ സ്വന്തമാക്കിയിരിക്കുന്നത്. ഇത് മൂന്ന് കോടിയോളം രൂപ ഉണ്ടായിരുന്നു എന്നാണ് കണക്കുകള്‍ പുറത്ത് വന്നത്. ഈ വര്‍ഷം ഇത്രയും വലിയൊരു തുക ലഭിക്കുന്ന ആദ്യ സിനിമ എന്ന നേട്ടവും സര്‍ക്കാര്‍ നേടിയിരിക്കുകയാണ്.

കോടികളോ?

റെക്കോര്‍ഡ് കണക്കിന് ഷോ ലഭിച്ചതോടെ ഇനി എല്ലാവര്‍ക്കും അറിയാനുള്ളത് സര്‍ക്കാര്‍ ആദ്യദിവസം ബോക്‌സോഫീസില്‍ നേടുന്ന കളക്ഷന്‍ എത്രയായിരിക്കും എന്നതാണ്. 350 ഓളം തിയറ്ററുകളില്‍ നിന്നും അഞ്ച് കോടി മൂന്ന് ലക്ഷം രൂപയായിരുന്നു കായംകുളം കൊച്ചുണ്ണിയ്ക്ക് ലഭിച്ചിരുന്നത്. അങ്ങനെയെങ്കില്‍ ഫസ്റ്റ് ഡേ കളക്ഷനില്‍ സര്‍ക്കാര്‍ പുതിയൊരു വിപ്ലവം കേരളത്തില്‍ സൃഷ്ടിക്കുമെന്ന കാര്യത്തില്‍ സംശയമില്ല. ദീപാവലി പ്രമാണിച്ച് എത്തിയിരിക്കുന്നതിനാല്‍ അവധി ദിവസം കൂടുതല്‍ പ്രേക്ഷകരാണ് തിയറ്ററുകളിലേക്ക് എത്തിയിരുന്നത്. എല്ലായിടത്തും വലിയ തിരക്കായിരുന്നു അനുഭവപ്പെട്ടിരുന്നത്.

കൊച്ചുണ്ണി തുടരുന്നു

ഒക്ടോബര്‍ പതിനൊന്നിന് തിയറ്ററുകളിലേക്ക് എത്തിയ കായംകുളം കൊച്ചുണ്ണി 25 ദിവസങ്ങള്‍ പിന്നിട്ടിരുക്കുകയാണ്. അതിവേഗം അമ്പത് കോടി ക്ലബ്ബിലേക്ക് എത്തിയ സിനിമ കൊച്ചി മള്‍ട്ടിപ്ലെക്‌സിലും തരംഗമായിരുന്നു. സര്‍ക്കാര്‍ എത്തിയതോടെ കൊച്ചുണ്ണിയുടെ പ്രകടനത്തില്‍ ചെറിയൊരു മങ്ങല്‍ ഏല്‍ക്കാന്‍ സാധ്യതയുണ്ട്. അതേ സമയം നവംബര്‍ ഒന്‍പതിന് ടൊവിനോ തോമസ് നായകനായി അഭിനയിക്കുന്ന ഒരു കുപ്രസിദ്ധ പയ്യന്‍ തിയറ്ററുകളിലേക്ക് എത്തുകയാണ്. പിന്നാലെ വേറെയും സിനിമകളുടെ റിലീസ് ഉണ്ടാവും.