അശ്ലീലത പരിധി വിട്ടു; നോറ ഫത്തേഹിയുടെ ​ഗാനം നീക്കി; സംവിധായകനെ വിമർശിച്ചതിൽ പ്രതികരിച്ച് ഭാര്യ

കന്നഡ ചിത്രം കെഡി: ദ ഡെവിളിലെ വിവാ​ദ ​ഗാനം നീക്കം ചെയ്തു. സർക്കെ ചുനാർ തേരി സർക്കെ എന്ന ​ഗാനമാണ് എല്ലാ പ്ലാറ്റ്ഫോമുകളിൽ നീക്കിയത്. നോറ ഫത്തേഹിയും സഞ്ജയ് ദത്തും പ്രത്യക്ഷപ്പെടുന്ന ഈ ​ഗാനം അശ്ലീലതയുടെ പേരിൽ വ്യാപക വിമർശനം നേരിട്ടിരുന്നു. ദേശീയ മനുഷ്യാവകാശ കമ്മീഷൻ നോട്ടീസ് അയച്ചതിന് പിന്നാലെയാണ് എല്ലാ പ്ലാറ്റ്ഫോമുകളിൽ നിന്നും ​ഗാനം നീക്കിയത്. എല്ലാ പരിധികളും ലംഘിച്ചുള്ള അശ്ലീലതയാണ് ​ഗാനത്തിലെന്നാണ് വിമർശനങ്ങൾ.

മകളെ കണ്‍നിറയെ കണ്ടു! അസ്ലയ്‌ക്കൊപ്പം തായ്‌ലന്‍ഡിലേക്ക്! ഡിവോഴ്‌സായെന്ന് വിമര്‍ശിച്ചവര്‍ കാണേണ്ട നിമിഷങ്ങള്‍

വിനീത് ജിന്ധാൽ എന്ന അഭിഭാഷകൻ സിബിഎഫ്സിക്കും വാർത്താ വിതരണ മന്ത്രാലയത്തിനും ​ഗാനത്തിനെതിരെ പരാതി നൽകിയതോടെ വിവാ​​ദം ചൂടുപിടിച്ചത്. പ്രേം ആണ് കെഡി: ദ ഡെവിളിന്റെ തിരക്കഥാകൃത്തും സംവിധായകനും. ഇദ്ദേഹത്തിന്റെ ഭാര്യയായ മുൻനടി രക്ഷിത വിമർശനങ്ങൾക്കെതിരെ രം​ഗത്ത് വന്നിട്ടുണ്ട്. ഈ പാട്ടിനെതിരെ മാത്രം സെലക്ടീവായ പ്രതിഷേധമാണ് ന‌ടക്കുന്നതെന്ന് രക്ഷിത പറയുന്നു.

പീലിം​ഗ്സ്, ഡ്രീമും വേക്കെപും, ചോളി കെ പീച്ചേ എന്നിങ്ങനെ നൂറ് കണക്കിന് ​ഗാനങ്ങൾ പുറത്ത് വന്നപ്പോൾ അത് കുഴപ്പമില്ലായിരുന്നു. ലെെം​ഗികതയെക്കുറിച്ച് ഉടനീളം സംസാരിക്കുന്ന സിനിമ പുറത്ത് വന്നപ്പോഴും കുഴപ്പമില്ല. എന്നാൽ ഒരു ​ഗാനം വലിയ വാർത്തയാകുന്നു. ഇപ്പോഴും ഞാൻ ന്യായീകരിക്കുന്നില്ല. അപ്പോൾ എനിക്കിത് മനസിലാക്കാൻ വേണ്ടി ചോദിക്കുകയാണ് എന്നാണ് രക്ഷിത ഇൻസ്റ്റ​ഗ്രാം സ്റ്റോറിയിൽ കുറിച്ചത്.
ഒരു ​ഗാനത്തിന്റെ പേരിൽ തന്റെ ഭർത്താവായ പ്രേമിന്റെ മുൻ വർക്കുകളെയെല്ലാം തള്ളിക്കളഞ്ഞ് കൊണ്ടുള്ള അധിക്ഷേപം ശരിയല്ലെന്നും രക്ഷിത പറയുന്നു.