രാമലീലയിലെ രണ്ടാം ഗാനം പുറത്ത്! ഇക്കുറി ആരാധകരെ കാത്തിരിക്കുന്നത് വിപ്ലവ ജ്വാല...

റിലീസിന് ഒരാഴ്ച മാ്ര്രതം ശേഷിക്കെ രാമലീലയിലെ രണ്ടാമത്തെ ഗാനത്തിന്റെ ഓഡിയോ പുറത്തിറങ്ങി. ആദ്യ ഗാനം പ്രേക്ഷകര്‍ ഏറ്റെടുത്ത് ഹിറ്റാക്കിയിരുന്നു. ആദ്യ ഗാനം ദിലീപിന്റെ ജീവിതത്തിലെ ഇപ്പോഴത്തെ പ്രതിന്ധികളോട് സാമ്യം ഉള്ളതായിരുന്നു എങ്കില്‍ രണ്ടാമത്തെ ഗാനം വിപ്ലവച്ചുവയുള്ളതാണ്. ഗോപി സുന്ദര്‍ ഈണം നല്‍കിയിരിക്കുന്ന വരികള്‍ ആലപിച്ചിരിക്കുന്നത് മധു ബാലകൃഷ്ണനാണ്. ബികെ ഹരിനാരായണനാണ് വരികള്‍ എഴുതിയിരിക്കുന്നത്.

നടി ആക്രമിക്കപ്പെട്ട കേസില്‍ ദിലീപ് അറസ്റ്റിലായതോടെ അനിശ്ചിതത്വത്തിലായ ചിത്രമാണ് രാമലീല. സിനിമയ്‌ക്കെതിരെയും സിനിമ റിലീസ് ചെയ്യുന്നതിന് എതിരേയും പ്രതിഷേധം ശക്തമാണ്. എന്നാല്‍ ചിത്രത്തിന് പൂര്‍ണ പിന്തുണയുമായി നിരവധി ചലച്ചിത്ര പ്രവര്‍ത്തകര്‍ രംഗത്ത് എത്തിയിട്ടുണ്ട്. സച്ചിയുടെ തിരക്കഥയില്‍ നവാഗതനായ അരുണ്‍ ഗോപിയാണ് രാമലീല സംവിധാനം ചെയ്തിരിക്കുന്നത്. പുലിമുരുകന് ശേഷം ടോമിച്ചന്‍ മുളകുപാടമാണ് ചിത്രം നിര്‍മിക്കുന്നത്.

രണ്ട് തവണ റിലീസുകള്‍ മാറ്റിയ ചിത്രം 28ന് തിയറ്ററില്‍ എത്തിക്കാന്‍ തീരുമാനിക്കുകയായിരുന്നു. നാല് മലയാള ചിത്രങ്ങള്‍ ഈ ദിവസങ്ങളില്‍ തിയറ്ററിലെത്തുന്നുണ്ട്.