ഇത് അല്‍പം കടന്ന കൈയ്യായിപ്പോയി, ഷാഹിദിന് കാന്‍സറാണെന്ന വാര്‍ത്ത വ്യാജം!!

വാര്‍ത്തകള്‍ വന്നത്

ഷാഹിദ് അല്പം ക്ഷീണിച്ചു നില്‍ക്കുന്നത് പോലെ തോന്നിയ്ക്കുന്ന ഫോട്ടോയ്‌ക്കൊപ്പമാണ് നടന് കാന്‍സറാണെന്ന വാര്‍ത്തകള്‍ പ്രചരിച്ചത്. കേട്ട പാതി കേള്‍ക്കാത്ത പാതി നവമാധ്യമങ്ങള്‍ അതേറ്റുപിടിച്ചതോടെ കാട്ടുതീ പോലെ ആ വാര്‍ത്ത പരന്നു. ആരാധകര്‍ വിഷമത്തിലായി!!

തീര്‍ത്തും വ്യാജം

എന്നാല്‍ പ്രചരിയ്ക്കുന്നത് വ്യാജ വാര്‍ത്തയാണെന്ന് ഷാഹിദിന്റെ ബന്ധുക്കള്‍ അറിയിച്ചു. ''എങ്ങനെയാണ് ചിലര്‍ക്ക് ഇങ്ങനെ എന്തും എഴുതാന്‍ കഴിയുന്നത്. ഈ വാര്‍ത്ത എന്ത് അടിസ്ഥാനത്തിലാണ്.. ഇത്തരത്തില്‍ വ്യാജ വാര്‍ത്ത പ്രചരിപ്പിയ്ക്കുന്നതിനെ ഒരിക്കലും അംഗീകരിക്കാന്‍ കഴിയില്ല' എന്ന് ഷാഹിദിന്റെ കുടുംബം പറയുന്നു.

സന്തോഷവാനാണ്

അതേ സമയം ഷാഹിദ് ഭാര്യയ്ക്കും കുഞ്ഞിനുമൊപ്പം സന്തോഷത്തോടെയുള്ള കുടുംബ ജീവിതം നയിക്കുകയാണ്. അടുത്തിടെ ഭാര്യ മിറ രാജ്പുത്തിനൊപ്പമുള്ള ഒരു മനോഹര ചിത്രവും ഷാഹിദ് തന്റെ സോഷ്യല്‍ മീഡിയയില്‍ പോസ്റ്റ് ചെയ്തിരുന്നു.

തിരക്കിലാണ്

സിനിമയിലും ഷാഹിദ് തിരക്കിലാണ്. ഭട്ടി ഗുല്‍ മാറ്റര്‍ ചലു എന്ന ചിത്രമാണ് ഏറ്റവുമൊടുവില്‍ തിയേറ്ററിലെത്തിയത്. കബീര്‍ സിംഗ് എന്ന ചിത്രത്തിന്റെ ഷൂട്ടിങ് തിരക്കിലാണിപ്പോള്‍ ഷാഹിദ്. വിജയ് ദേവര്‍ഗോണ്ട അഭിനയിച്ച അര്‍ജ്ജുന്‍ റെഡ്ഡി എന്ന തെലുങ്ക് ചിത്രത്തിന്റെ റീമേക്കാണ് കബീര്‍ സിംഗ്.