ഷെയിൻ നിഗമിന്റെ വിലക്ക്! മുടങ്ങിയ സിനിമകൾ പൂർത്തികരിക്കാൻ സഹകരിക്കും! ഒത്ത്തീർപ്പ് ചർച്ചകൾ സജീവം

നടൻ ഷെയിൻ നിഗമിനെ വിലക്കിയ സംഭവത്തിൽ ഒത്തു തീർപ്പ് ചർച്ചകള‍ സജിവമാകുകയാണെന്ന് റിപ്പോർട്ട്. വെയിൽ, കുർബാനി തുടങ്ങിയ സിനിമകൾ പൂർത്തിയാക്കുവാൻ തയ്യാറാണെന്ന് അറിയിച്ച് ഷെയിനിന്റെ സുഹൃത്തുക്കൾ സംവിധായകരുടെ സംഘടനയുമായി അനൗപചാരിക ചർച്ചകൾ നടക്കുകയാണ്. കൂടാതെ പ്രമുഖ താരങ്ങളോടും ഷെയിനിന്റെ സുഹൃത്തുക്കൾ സംസാരിക്കുന്നുണ്ട്.

ഷെയിനിന്റെ വിലക്കിനെ കുറിച്ച നിർമ്മാതാക്കളുടെ സംഘടന അമ്മ ഭാരവാഹികളെ അറിയിച്ചിരുന്നു. വിഷയത്തിൽ അമ്മയുടെ സഹായം തേടുമെന്നും ഷെയിൻ അറിയിച്ചിരുന്നു. വിലക്കിനെതിരെ അമ്മ ഇടപെടണമെന്ന് ആവശ്യപ്പെടും. ഇതു സംബന്ധമായ കത്ത് ഷെയിൻ അമ്മയ്ക്ക് കൈമാറുമെന്നും റിപ്പോർട്ടുകൾ പുറത്തു വന്നിരുന്നു. വിലക്കിനെ കുറിച്ച് പ്രമുഖ താരങ്ങളുമായും അമ്മ ഭാരവാഹികളുമായും താരത്തിന്റെ സുഹൃത്തുക്കൾ അനൗദ്യോഗിക ചർച്ചകൾ നടത്തുന്നുണ്ടെന്നാണ് വിവരം.

അതേ സമയം വെയിൽ സിനിമ പൂർത്തിയാക്കാൻ സഹായിക്കണമെന്ന് ആവശ്യപ്പെട്ട് വെയിൽ സിനിമയുടെ സംവിധായകൻ ശരത് മേനോൻ സംവിധായകരുടെ സംഘടനയിലേയ്ക്ക് കത്ത് നൽകിയിട്ടുണ്ട്. ഈ ചിത്രം ഉപേക്ഷിക്കുന്നതോടെ തകരുന്നത് ആറ് വർഷത്തെ സ്വപ്നമാണ്. ഇനി വെറും 17-18 ദിവസത്തെ ചിത്രീകരണം മാത്രമാണ പൂർത്തി കരിക്കാനുളളത്. ഈ ചിത്രം വേണ്ട എന്ന് പ്രൊഡ്യൂസർ പറയുമ്പോൾ എന്ത് ചെയ്യണമെന്ന് അറിയാത്ത അവസ്ഥയാണ്. അതുകൊണ്ടുതന്നെ സംഘടന മുന്നോട്ട് വന്ന് പ്രശ്നങ്ങൾ പരിഹരിച്ച് ഈ സിനിമ വീണ്ടും പൂർത്തിയാക്കാനുള്ള വഴി ഉണ്ടാക്കിത്തരണമെന്ന് താഴ്മയായി അപേക്ഷിക്കുന്നു-ശരത് കത്തിൽ പറയുന്നു.

തന്നെ അപമാനിക്കുന്ന താരത്തിലുള്ള സമീപനമാണ് വെയിൽ ചിത്രത്തിന്റെ സെറ്റിലുണ്ടായതെന്ന് ഷെയിൻ നിഗം. വിലക്കിനു ശേഷം ദ് ക്യൂവിന് നൽകിയ അഭിമുഖത്തിലാണ് ഇക്കാര്യം തുറന്നു പറഞ്ഞത്. ദിവസം 18 മണിക്കൂർവരെയാണ് ചിത്രത്തിനായി ചെലവഴിക്കുന്നുണ്ട്. ഓരേ സമയം രണ്ട ചിത്രങ്ങളിലാണ് അഭിനയിക്കുന്നത്. ഈ സഹചര്യത്തിൽ തന്നെ അനാവശ്യമായി സമ്മർദ്ദത്തിലാക്കുകയാണ് ചിത്രത്തിലെ അണിയറ പ്രവർത്തകർ ചെയ്തതെന്നും ഷെയിൻ പറഞ്ഞു. ആദ്യത്തെ ഒത്ത് തീർപ്പ് ചർച്ചയ്ക്ക് ശേഷം സെറ്റിലെത്തിയപ്പോഴും മോശം സമീപനമാണ് സെറ്റിൽ നിന്നുണ്ടായതെന്നും, ഷെയിൻ അഭിമുഖത്തിൽ പറഞ്ഞിരുന്നു. എല്ലവർക്കും കൊട്ടാൻ കഴിയുന്ന ഒരു ചെണ്ടയെ പോലയാണെന്നും, മുടി വെട്ടിയെങ്കിലും തന്റെ പ്രതിഷേധം അറിയിക്കേണ്ടേ എന്നും താരം അഭിമുഖത്തിൽ ചോദിക്കുന്നുണ്ട്.

ഷെയ്‌ന് കട്ട സ്‌പ്പോര്‍ട്ടുമായി രാജീവ് രവി | FilmiBeat Malayalam

സിനിമയുടെ ചിത്രീകരണം പൂർത്തിയാകുന്നതിനു മുൻപ് തന്നെ ഷെയിൻ മുടി മുറിച്ചതാണ് പ്രശ്നങ്ങൾ തുടങ്ങാൻ കാരണം. താരത്തിനെതിരെ വെയിൽ നിർമ്മാതാവ് രംഗത്തെത്തിയിരുന്നു. ആരോപണങ്ങൾക്കും പ്രത്യാരോപണങ്ങൾക്കും ശേഷം വിഷയം ഒത്ത്തീർപ്പാക്കുകയായിരുന്നു. സെറ്റിൽ മടങ്ങിയെത്തിയതിനു ശേഷം വിഷയം കൂടുതൽ സങ്കീർണ്ണമായി.പിന്നീട് ഷെയിൽ സെറ്റിൽ നിന്ന് ഇറങ്ങി പോകുകയും മുടിയും താടിയും മുറിച്ച് ക്ലീൻ ഷേവിൽ പ്രത്യക്ഷപ്പെടുകയായിരുന്നു. ഇതിനെ തുടർന്നാണ് നടപടിയുമായി നിർമ്മാതാക്കളുടെ സംഘടന രംഗത്തെത്തിയത്.

ഏസി സ്യൂട്ട് റൂമില്ലാതെ, പ്രതിഫലം വാങ്ങാതെ കൂടെ നിന്ന സ്നേഹമുള്ള മനുഷ്യൻ! ഷെയിനെ കുറിച്ച് സംവിധായകൻ