ഒമ്പത് വയസിന് ഇളയത്, മലയാളിയാണെന്നും അറിയില്ല, അത്രയേറെ മനസുകൊണ്ട് അടുത്ത് പോയി; ശാന്തികൃഷ്ണ

ബജോറിനെ പരിചയപ്പെടുന്നത്

ശ്രീനാഥുമായി പിരിഞ്ഞു നില്‍ക്കുന്ന സമയത്താണ് ബാംഗ്ലൂരില്‍ വച്ച് ബജോറിനെ കാണുന്നത്. പെട്ടന്ന് തന്നെ ഞങ്ങള്‍ സൗഹൃദത്തിലായി. കന്നടയിലാണ് സംസാരിച്ചിരുന്നത്. എന്നേക്കാള്‍ ഒമ്പത് വയസിന് ഇളയത്. മലയാളിയാണെന്നൊന്നും അറിയില്ലായിരുന്നു. ശാന്തി കൃഷ്ണ പറയുന്നു.

ഒന്നും തടസ്സമായിരുന്നില്ല

പ്രായമോ ഭാഷയോ ഒന്നും പ്രശ്‌നമായി തോന്നിയില്ല. പെട്ടന്ന് തന്നെ താന്‍ മനസുകൊണ്ട് അടുത്ത് പോയെന്ന് ശാന്തി കൃഷ്ണ .

പലതും ക്ഷമിച്ചു

വിവാഹത്തിന് ശേഷം തുടക്കത്തില്‍ ഉണ്ടായ പ്രശ്‌നങ്ങളൊന്നും അത്ര കാര്യമായി എടുത്തിരുന്നില്ല. ഏത് വീട്ടിലും ഒരു തട്ടലും മുട്ടലും ഉണ്ടാകും. മക്കളെ ഓര്‍ത്ത് പലതും ക്ഷമിച്ചു-ശാന്തി കൃഷ്ണ പറയുന്നു.

മക്കള്‍ക്ക് വേണ്ടി പലതും ഉപേക്ഷിച്ചു

രണ്ടു മക്കളാണ്. മകന്‍ മിഥുന്‍ പതിനൊന്നാം ക്ലാസില്‍, മിഥാലി ഏഴാം ക്ലാസിലും. ഇവരുടെ സ്‌കൂളും പഠനവുമൊക്കെയായി ഞാന്‍ ഒതുങ്ങി കഴിയുകയായിരുന്നു. ഡാന്‍സ് പോലും വേണ്ടന്ന് വച്ചു. ഞാനൊരു നടിയാണെന്ന് തന്നെ മക്കളുടെ സ്‌കൂളിലും ഹൗസിങ് കോളനിയിലും മാത്രമായിരുന്നു അറിയാവുന്നത്. പക്ഷേ അതിലൊന്നും എനിക്ക് പ്രശ്‌നമില്ലായിരുന്നു.

നീയാണ് എന്റെ മരുമകള്‍

രാജീവ് ഗാന്ധി ഗ്രൂപ്പ് ഓഫ് ഇന്‍സ്റ്റിറ്റിയൂഷന്റെ ഡയറക്ടറായിരുന്നു ബജോര്‍. കൊല്ലംകാരനാണ്. ബജോറിന്റെ പിതാവ് ട്യൂട്ടോറിയല്‍ കോളേജിന്റെ അധ്യാപകനായി ജീവിതം തുടങ്ങി പിന്നീട് വലിയൊരു വിദ്യാഭ്യാസ ശൃംഗലയുടെ ഉടമയായതാണ്. അദ്ദേഹം ഇപ്പോഴും പറയും നീയാണ് എന്റെ മരുമകള്‍. നിന്നെ അല്ലാതെ മറ്റൊരാളെ ആ സ്ഥാനത്ത് കാണാന്‍ കഴിയില്ല.

ബജോറിന്റെ അച്ഛന്‍ പറഞ്ഞത്

നിങ്ങളുടെ പ്രശ്‌നങ്ങള്‍ ഒരിക്കലും മക്കളുടെ ഭാവിയെ ബാധിക്കരുതെന്നാണ് ബജോറിന്റെ അച്ഛന്‍ പറഞ്ഞത്.