ഇത്രയും നാൾ കൂടെ അഭിനയിച്ച നായികമാരാണ് എനിക്ക് പാരയായത്, കുഞ്ചാക്കോ ബോബൻ പറയുന്നു

പ്രായം വിഷയമായത്

അനിയത്തി പ്രാവ് എന്ന ആദ്യ ചിത്രത്തിൽ നിന്ന് വർണ്യത്തിൽ ആശങ്കവരെ എത്തി നിൽക്കുമ്പോഴും ചാക്കോച്ചൻറെ സൌന്ദര്യത്തിന് യാതൊരു മാറ്റവുമില്ല. ഇപ്പോഴും സുന്ദരനാണ് എന്നൊക്കെ അവതാരക പറഞ്ഞുകൊണ്ടിരിക്കുമ്പോഴാണ് ഷൈനിൻറെ കമൻറ്.

നായികമാർ തന്ന പാര ഷൈനും

അനിയത്തിപ്രാവ് ഞാൻ ഒൻപതാം ക്ലാസിൽ പഠിക്കുമ്പോഴാണ് കണ്ടത് എന്നാണ് ഷൈൻ ടോം ചാക്കോ പറഞ്ഞത്. ഇത്രയും നാൾ തനിക്ക് ഈ പണി തന്നുകൊണ്ടിരുന്നത് കൂടെ അഭിനയിച്ച നായികമാരാണെന്നാണ് അതിന് ചാക്കോച്ചൻ കൊടുത്ത മറുപടി

അപ്പോ പ്രായമെത്രയാ..

കുഞ്ചാക്കോ ബോബനൊപ്പം അഭിനയിച്ച അനുഭവത്തെ കുറിച്ച് ചോദിക്കുമ്പോൾ ചില നായികമാർ പറയും, 'ഞാൻ കുഞ്ഞായിരുന്നപ്പോഴാണ് അനിയത്തി പ്രാവ് കണ്ടത്.....' ഇങ്ങനെ ചില നായികമാർ ആവർത്തിച്ച് പറഞ്ഞതോടെ കുഞ്ചാക്കോ ബോബൻറെ പ്രായമെത്രയാണ് എന്ന ചോദ്യമുയർന്നു.

അതിനിടയിൽ ഷൈനും

അതിനിടയിലാണ് ഷൈൻ ടോം ചാക്കോയുടെ കമൻറും വന്നത്. റെഡ് എഫ് എം മലയാളം മ്യൂസിക് അവാർഡ് വേദിയിലാണ് രസകരമായ ഈ സംഭവം അരങ്ങേറിയത്. വർണ്യത്തിലെ ആശങ്കയുടെ വിശേഷം പങ്കുവച്ചുകൊണ്ട് സംവിധായകൻ സിദ്ധാർത്ഥും നടൻ മണികണ്ഠൻ ആചാരിയും ഇവർക്കൊപ്പമുണ്ടായിരുന്നു.

ചോക്ലേറ്റ് നായകൻ

മലയാളത്തിൻറെ ചോക്ലേറ്റ് നായകൻ എന്ന പേര് ആദ്യം വീണത് കുഞ്ചാക്കോ ബോബനാണ്. അനിയത്തി പ്രാവ്, നിറം, പ്രിയം തുടങ്ങിയ ചിത്രങ്ങൾ കണ്ട് പല ആരാധികമാരും കുഞ്ചാക്കോ ബോബന് രക്തം കൊണ്ട് കത്ത് എഴുതുക വരെയുണ്ടായി. ആ ചോക്ലേറ്റ് പയ്യൻ ഇമേജ് മാറ്റിയെടുക്കാൻ കുഞ്ചാക്കോ ബോബന് നന്നേ പാട് പെടേണ്ടി വന്നു.